السلام عليكم
اليوم جبت لكم وصفة الرفيس نتاع البيض و ان شاء الله يعجبكم
مقادير
1كغ سميد متوسط
مغرف صغيرة حبة كحلة
مغرف صغيرة كمون
شوية ملح
دهان العرب (غنمي) + دهان فاما
نصف رطل تمر
للتزيين لوز او ائ مكسرات حسب الرغبة
التحضير
في قصعة نضع السميد و حبة الكحلة و الكمون و الملح و نضيف دهان فاما ذايبة نصف رطل نخلط كل شيء مليح نحاول كل المكونات تدخل في بعضها مليح
![](https://im18.gulfup.com/hGC31.jpg)
ثم نرش بالماء لا نعجن بل نلمده بالماء ونضعه في صينية
![](https://im18.gulfup.com/cSFH2.jpg)
ثم ندخله الى الفرن حتى يطيب من تحت و نشعل عليه من فوق يطيب حتى يحمار من بعد نخرجه نضع الخبزة في قصعة نتركها تبرد من نفتتها باليد قطع كبيرة نديره في الروبو نطحنه و اذا معندكش روبو تطحنيه يدويا
![](https://im18.gulfup.com/b74o3.jpg)
من جهة اخرى نغسل التمر مليح ننزع النواة و نفوره و منبعد بالشوكة نهرسه
![](https://im18.gulfup.com/8itf4.jpg)
نضع الخبزة لطحنتها تفور كي تفور نضعها في قصعة
نضع فوقها التمر المهروس و دهان العرب الغنمي و لي معنهش يقدر يستعمل دهان فاما
تعجني كلشي مليح باليد حتى تدخل كل المكونات في بعضها البعض
و يقدم مع اللبن او كيما تحبو مع القهوة او الشاي
![](https://im18.gulfup.com/bp9f5.jpg)
ان شاء الله يعجبكم
انتظر ردودكم العطرة