زوجي يتركني دائما

[loubna2]

نصيحة من عندي انا متزوجة وحماتي معاي وحبت تتحكم في وفي ابنها من الاول

انا كنت ذكية مخليتلهاش فرصة حاولت نساعدها ونحسن اليها ونعاملها معاملة حسنة وولدها شاف

ووحدوا عرف صلاحوا امو وحدها وانا وحدي يعني ميخلطش الامور

انتي عندك ديجا حاجة في صالحك بلي متسكنيش مع حماتك يعني كوني ذكية وحاولي تكسبيها كي ترضا عليك يرضى هو بصح كوني ذكية يعني اكسبيها درجة درجة وليس على حساب نفسك وشخصيتك يعني ضعي لها حدود متدخلش في خصوصياتك ومتشكيلهاش ابدا من ابنها واحترميه امامها والعكس كذلك يعني هي ثاني احترميها امامو فالحياة معركة سواء عشتي مستقلة وحدك او معاهم

الحل يكمن في ان الانسان يعرف كيفاه يغيش مع هذا المجتمع
يعني انتي مستقلة السكن ومسلكتيش سبحان الله ؟

وحاولي التودد لها بزيارتها ومثال تاخديلها حاجة تحبها في يدك تشتريلها مثال خمار او او...... تبدي لها اهتمامك

اساس نجاح علاقتك مع زوجك هو الصبر والحكم متتسرعيش راكم في البداية بالشوية يوالفك وتعرفو مليح بعضاكم

المراة الذكية هي من تعرف ان تجذب اهل زوجها لها وبذلك تضمن قلب زوجها

تقربي لهم في حدود الاحترام وبيني لزوجك بلي تحبي وتحترمي يماه صدقيني سيطمئن ويرجع لبيتو وينسى هذي الامور وكانو متسرع وموصي اي مقري راهو ياخد في لي كور ههههه

اصبري وكوني حكيمة

حاولي تجبذي زوجك بالسياسة ماش بالعنف لانو يطير منك

اجبذيه بالشوية فقط قولي له هيه على راحتك المهم تكون لاباس ....متهمني غير سلامتك تقلقت عليك .....اعرفي كيفاه يا اختي الرجالة راهم اطفال صغار اعرفي برك كيفاه تجبذيه بالسياسة فقط

سلام

[الزبرجد]

المشاركة الأصلية كتبت بواسطة sabra2009

السلام عليكم هذه مأساتي متزوجة حديثا في بيت مستقل ، زوجي يتركني دائما ويقضي النهار عند أمه، لا يحدثني ويتركني وحيدة لأتفه نقاش طلبت منه الطلاق فرفض لا أعرف ما أفعل

تطلبين الطلاق بسبب معيشة أخف بكثير من معيشة المطلقات ؟

إن العين لتدمع و إن الرأس ليحبس

نصيحتي لك أن تستغلي وقت فراغك الطويل هذا في الالمام بمعنى الميثاق الغليظ

[بلقاسم 1472]

أختاه اصبري ..فليس فيما وصفت زوجك به مايعيب
إنما هو الزواج الجديد يحتاج صبرا وتصبرا ومصابرة
أحمدي الله أنه ليس تاجر مخدرات أو صعلوك أو سارق أو غيرها من الصفات
اصبري عليه وحاولي تفهم عقليته
ولن يكون إلا الخير في القادم
ولو أنجبت له ولدا كما نصح الإخوة سيتعدل الأمر
وفقكما الله، أختاه،
ولا تفكري في الطلاق أبدا
فهذا الذي يريده منكما الشيطان اللعين، فأرغماه

[دموع الانابة]

عزيزتي يبدو ان زوجك يريد ان يبرهن لامه انه لن يتغير بعد الزواج و هذا يفعله الكثير من الازواج حاولي ان تعطيه المساحة المناسبة لذلك لان هذا يعزز ثقته بنفسه بالدرجة الاولى و في المقابل ابعثي له رسائل مشفرة في تعاملك بانك لم تتزوجي منه لتبعديه عن من يحب او تغيريه و ان بره بوالدته لا يعني اهماله لك و هو مع الوقت و لوحده سيتغير لان الله تعالى سيجعل بينكم مودة و رحمة تكبر مع الايام فقط عليك باصبر و الحكمة اما مسالة الطلاق فاراه تهورا منك اجتنبي كثرة الصدام لانه مع الوقت سيذهب عند امه ليس لارضاءها بل هروبا منك

[دنيا ملاك]

المشاركة الأصلية كتبت بواسطة sabra2009

السلام عليكم هذه مأساتي متزوجة حديثا في بيت مستقل ، زوجي يتركني دائما ويقضي النهار عند أمه، لا يحدثني ويتركني وحيدة لأتفه نقاش طلبت منه الطلاق فرفض لا أعرف ما أفعل

يا أختي الرجل بطبيعته صامت صامت صامت و '''صامط ''
لا تحاولي أن تجعلي زوجك كصديقتك تثرثرين أمامه ويستمع لك بكل استراحة وعفوية لا خطأ
حديث المرأة يسبب الصداع للرجل وهذا ثابت علميا
ابحثي وستجدين كيفية التعامل مع زوجك
و بالنسة لتركه لك في البيت وذهابه إلى أمه فهذا يعني
أنه يجد عند أمه ما لا يجده عندك
اين كيدك وفطنتك ؟ استخدميها الآن حاولي أن تتقصي ما تفعله أمه وما يجده هناك
وإياك أن تتلصقي به وتتبعيه عندما يأتي للبيت
دعييييه اتركي له مساحة ليتنفس
لا تجري وراءه لماذا وكيف وأين وهل , ووووو
لا تجعليه كل حياتك
زوجك شريك حياتك وليس حياتك كلها
أنت أيضا مارسي هوايات لا تضيعي وقتك الثمين في التفكير به وحسب
اهتمي بنفسك ودلليها
اتركي له المساحة وسترين كيف يعود لك
وعذرا إن كان كلامي قاسي شوية

إياكي وإياكي و إياكي وطلب الطلاااق

[rosa allia]

علاه با أختي تزربي روحك هكا للطلاق ماشي هكا تتحل الأمور غير بالشوي وبالنقاش وحاولي تعرفي المشكل وين راهو وعلاه مايحبش يقعد معاك وزيد ياخي راهو يروح عند أمو ماشي وحدة أخرى

[منهاج]

السلام عليكم

الله يهديك رحت للطلاق واش داك ليه عرفي كيفاش تخليه يكون معاك وع عائلته نفس الوقت

ما تظليش دايما تقوليله امك وامك هاداك وين يزد يروح عندها ويخليك

[it's me]

المشاركة الأصلية كتبت بواسطة sabra2009

مشكور أخي، حاولت أني نتناقش معاه لكن هو واعر بزاف، عندو نظرة على إخوانه اللي قبلو كيفاه نساهم يتحكموا فيهم حاب إيبين بلي هو رجلة وأنا ما نحكمش فيه، لازم لكان خرج ما نتاصلش بيه و ما نسألش وين إيروح الزيارات العائلية ممنوع لازم غير نعاون الوالدة تاعو ونسكت.

ربي يكون في عونك كاين بزااااااااف عباد هكا في جرة اللي قبلو يرجع كلشي في مرتو
حاولي تكسبيه في صفك و كيما قال الاخ تكسبي تقتو و ماتعاوديش حكاية الطلاق حاولي تكوني ايجابية و تشوفي حل للمشكل مانفصليش في الامر بهاذ الطريقة

[الدرة العصماء]

يعطيك الصحة تبردي الخاطر...دنيا ملاك