يمكن في المدن الكبار بدات الظاهرة هادي تتلاشى
لكن صدقوني في الاماكن الصغيرة و القرى (مثل منطقتي) راهي باقية غير و تكثر و تتطور من مرحلة لاخرى هههه
يمكن اغلبية الردود نظرية فقط لكن انا راني نحكي من الواقع لي نشوف فيه بعينيا
اول عراف هادا زعمة "سحورو" عيان و ماشي ايفيكاس هههههه مايجوهش الناس بزاف
جاتو مراة حابة تسحر راجلها باش يعقال,, و طلب منها انها توضعلو ظفارتيه في ماكلتو عافاكم الله و طبعا عطاها خالوطة اخرى عاهم
و النتيجة,, مات السيد الله يرحمو,, رهجوه
و التاني,,, غير وحد 100 متر على دارنا والله العظيم يجوه الناس حتى من وهران و العاصمة و من الخارج و بلاشان!!!
و تالمون عندو الغاشي بزاف ولاو الناس يعيطولو "الفارابي" نسبة لوحد لاكلينيك في عنابة
و شحال من مرة يجوزو نساء على الطريق لي قدامنا لي توصل ليه و يكبو الماء على طووووول الطريق حتى يوصلولو ههههههه
و الاغرب و لي حبستلي مخي و قريب هبلت انو ركبت مراة مع بنت عمي في الكار و قالتلها:
"راني رايحة عند فلان العراف راح نديلو بنتي يكتبلها على خاطر واحد ما عيطلها في التيليفون,, البنات قاع يهدرو فيه و يتعرفو و يتخطبو غير بنتي هههههههههه في عمرها 20 سنة و مازال مالقات حتى واحد"
صدقو او لا تصدقو,,
الله يهدي اخواننا و اخواتنا......ذكرتيني يا أختي بقصة صديقتي....عندما كنّا على وشك اجتياز الباكالوريا جارة صديقتي هي عرافة و العياذ بالله......أخبرت صديقتي أنها ستنجح في الباكالوريا...و....وو....و ماذاحدث بعدها صديقتي رسبت في الشهادة.....و هنا ذكرتها قلت لها الم اقل لكي لا تسمعي لمثل هؤلاء الناس......الله يصلح أحوالنا.....
أواه يا أختي الكريمة نظن الظاهرة راهي تزيد بعض الشباب و الشابات رهام يديروا السحر للطرف الاخر من اجل ان يخضع لهم و يقعوا في الحرام معهم الكثير من الناس لما تضيق به حالات المرض يلجأ للسحر و الكهانة المشكل و العجب انو الأئمة هم من يقومون بالسحر و الدجل الائمة يعني يقولوا راهم يكتبوا او يرقوا لكن معضمهم سحرة كاين في منطقتي عدد من الشياطين تجارتهم رائجة و كلهم أئمة سحارين هناك نسخ لكتب السحر و الجداول تباع بالعشرة ملايين و اكثر هي تجارة مربة لمن لا يفرق بين الحلال و الحرام في اكتساب رزقه حتى ان من يبيعون العقاقير و الاعشاب صاروا في اغلبهم يتعاملون مع السحرة و النساء في بيع بعض الابخرة و المواد التي تستعمل في الشعوذة
ربي يسلكنا على خير و هلا علم هؤلاء ان الشرك لا يغفره الله و ان كل مال حرام التوبة منه تعني التخلص منه نسأل الله ان يميتنتا على كلمة لا اله الا الله محمد رسول الله
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
( تقرير عن مشاركة سيئة )، و الموجودة أسفل كل مشاركة .
2012-10-09, 14:49
العرض العادي
