مغامرااااااااااتي مع تعلم الطبخ...حابة نتعلم منك..شكراااا

[غزة لنا]

مشكووووووووووووورة حنونتي

[*سماح 94*]

موضوعك شيق جدااا اختي عجبني بزااااااف
عادي رانا كامل نتعلمو ونغلطو ونعاودو مرة خرى وهي رايحة بصح الببوراك تاعك عجبني والله خاصة انو اول تجربة
سلااااااام لي عودة ان شاء الله

[ام محمد اصيل]

واش نقلك يا اختي سنوم والله ضحكتيني وفكرتيني في ايام تعلم الطبخ فكرتيني في وحد النهار كنت ندرس في الثانوي وقررت اني نحضر الكسكس بابا يحبه بزاف هدا الطبق وجابلي جاجة كبيرة وجابلي الخضر المهم كلش واجد و توكلت على ربي وبديت نحضر فيه ولكن كمية المرق جاتني قليلة جدا والكسكس ما عرفش نخدمه ما شبعتوش ماء حتى لونه بقى اصفر وكل ما نسقي صحن نلقاه شاح مافيه حتى قطرة صوص وخاوتي اللي يدوقه يقلي وااااااااااااااااااا شايح بزاف زيديلو لاصوص وانا حكمتني الخلعة نستنى غير في بابا يجي ويدير عليا حالة خممت خممت واش ندير واش ندير......................هربت وقعدت فالدروج وكان عندي خويا الصغير جاسوس كي نعس بابا طبعا وهو في قمة الغضب هبطت وفي اليوم الموالي بكرت رحت نقرا ومين نشوفه نهرب حتى نسى مسكين.............ولكن يا اختي سنوم هدي التجربة خلاتني نرفع التحدي واصبحت امهر واحدة في تحضير الكسكس وحتى بابا كي يسخف ونروح ضيفة يطلب من نحضرلو الكسكس وطبعا نحضرو بكل ثقة

[بيرين سات]

الله يبارك يا سنومة
هادي اول طبخة ليك و عرفتي كيفاه تتحكمي فيها
كيما انا النهار اللول الي طيبت فيه
علما انا عمري 14 سنة فقط
درت المسكوتة الي الناس كامل يلعبوا فيها لعب و جات يابسة و درت فيها 3 بيضات و 2.5 كيسان فرينة

...........................
المهم راكي تتعلمي مع الوقت
مشكووووووورة

[بيرين سات]

ونسيت نقلك مبروك الخطوبة لعقوبة للذرية الصالحة

[remadna]

الله يبارك
عادي الغلطات ، انا كل تجاربي الاولى فيها الأخطاء و الحمد لله جازت على خير و عافية
و لحد الآن مازلت ارتكب الأخطاء
المهم صلحتيها بعد عدة محاولات

[أم شيماءْ]

هههههههههههههههههههه والله موضوع شيق :d ودمك خفيف
واصلي مغمراتك واكتبيها لازم تكتبيها

[*أم كوثر*]

ما=دام عندك رغبة واصرار رح تكوني ربة بيت ممتازة
لوكان غيرك تحرقولها الديول كانت رماتهم وبطلت
متابعة
للتثبيت ونتمنى منكن التفاعل

[mimi53]

والله غير نستعرف بيك مرة و1/2 و25 من عندي انا يعتيك الصحة والله غير ضحكتيني

[safioo]

والله غير ضحكتيني أختي ههههههههههه
أنا لول لبارح جيت كي الشارطة ندير المحاجب وخويا يقولي أختي ليوم راهي شاطرة ما شي طيبنا المحاجب فكي جيت نقليهم لصقولي ودارولي حالا كي كرهت منهم قستهم وكلينا غير لاصوص وحدها هههههههههههههههه مزيا ماما جات متفهما وقاتلي ماعليش بنتي المهم سييتي والمرة جايا تتعلمي
الخلاصة راني خايبة نتاع الصح هههههههههههههههههه
مي راح نعاودلها المرة الجاية وان شاء الله تسلك برك
موضوعك في القمة وبرافو على الديول يبان بنين
تحياتي

[اسماء47]

و الله عجبنتي مغامراتك
راكي فحلة الله يبارك
مي الوحدة لازم تغلط و تفسد في دار باباها خير ماللي تفسد في دار العجوز
ماتخافيش رانا قاع كيف كيف
انا تاني البارح جربت كبة سوري و ماصلحتليش و الله حكمتني البكية
رحت نجري درتلهم تشكشوكة يعني عشاء جديد و سلكت راسي
مي لازم نتعلمها
شكرا حبيبتي

[نيفرتيتي.]

الله الله عليك يا التبسية يا الحرة مخلية الملسوقة فوق النالا ورايحة طلي على العرس واستنيتي حتى دخلت العروس ونزلو الناس من التوموبيلات ودخلو القش
حررررررررررررررررررررررررررررررررررررررررررررررررر رة

[شمس 15]

ههههه فحلة المهم في الأخير كان بوراك ماشي حشو البوراك برك,ختي فتخري بروحك واحد ما زاد معلم

[himanlogine]

الله يبارك مغامراتك حلوة كيما نتي باينة نتي دمك خفيف يعني مرحة بزاااااااااااف صدقيني ملي بديت نقرا في موضوعك و انا نضحك الله يبارك تنحي الغمة على الواحد.......راكي شاطرة و لا راكي تبعدي على روحك في العين ههههههه.....المهم انك عزمتي و عندك ارادة باش تتعلمي......نقولك حاجة انا من ويكت دخلت الكوزينة راكي تخلعي.......يااااااااااااااااااووووووو بصحتكم

[نجمة ساطعة]

هههههههه الله يبارك فوق الشطوووووووووورة واصلي رب يهنيك عجبتني ارادتك راح توصلك بعيد ياسر