نقطتين نتحدثو فيهم ربي يحفظكم

[biti]

مايحس بالجمرة غير الي كواتو وقت الي تخدم وتسهر و تتعب و تبني احلام وفي الاخير يخيب املك راك تهدر و تعلق و تزيد

[lover4ever]

اخي جل من لا يخطاء لاكن ...
الخطاء في هاده المجلات كارثة اخي
هاده مسؤولية
مفتشو الجمهورية الجزائرية الديمقراطية يخطئون ???
عيب
صار التلميد كي يحل تمرين يكتشف الخطاء و 50 مفتش لايكتشفه ???
ادا عادو هكدا يحطو التلاميد يوجدو امتحانات البكلوريا وخلاص
+
الاجابات النمودجية
من المسؤول عنها اكيد المفتشون لما يحطولك حاجة جامي قراها التلميد
هل تدري اخي ان المفتش هو اللدي يخبر الاساتدة عن المحدوفات والشي اللي كاين في البرنامج ولا
ومبعد في التصحيح النمودجي يحطهالك
هادا غدر وكانها طعنة من وراء الضهر
يا سيدي المفتش الموقر اللي تحكي عليه اللي مستواه طالع كيما تحكي انت كي يخبرك الصحيح راح يخسر حاجة من جيبو ولا راح ينقصلو في رزقو
مفتشو العالم الثالث
ادا كانو ليسو في مستوى المسؤولية يقدمو استقالاتهم كاين غيرهم مكاليين لحيوط

[minou770]

أم ما يفهموش اهدر وش تهدر ^^
نتا قلت مفتشي عالم ثالث وأنا نقولك شعوب عالم ثالث

[بهاء الدين 93]

المشاركة الأصلية كتبت بواسطة bacbac2015

السلام، ليوم عندي نقطتين نهملوهم مي لازم نهدرو عليهم، بالاك كاين لي راح يشعل فيا مي ماعليش، أنا نقولهم:

النقطة الأولى: عيب كبير أنو واحد يقرا في الثانوية فوت الباك ومازال يكتب مواضيع "زعما" محترفة وهو يدير أخطاء بدائية، يعني لازم نضبطو المفاهيم قبل كل شيء مثال عن ذلك واحد يقولك :....حسب وزارة التربية والتعليم، ربي يخليك قولي واش من بلاد راك عايش، كاين وزارة التربية الوطنية فقط، التربية والتعليم راحت مع النظام القديم واحد يقولك شعبة علوم الطبيعة والحياة ؟؟؟ وشمن شعبة راك تتحدث أخي، قولنا نقراوها كاين شعبة علوم تجريبية بصح مادة علوم الطبيعة والحياة ... أو أليمبياد الفيزياء والعلوم.....هاذيك المنافسة الفكرية والعلمية ، ألميبياد فقط في الرياضيات لأنو فيه الدوري الدولي وزيد وزيد وزيد....

النقطة الثانية: وهي لي خرجت كظاهرة جديدة، تملا بيها المنتدى، نتاع "مهازل البكالوريا، فضيحة التصحيح..." وكأنو مفتشين لي راهم يكتبو، بكل صراحة هناك أخطاء فادحة في التصحيحات وخطأ صغير (لكن ما يترتيب عنه كبير) في مادة الفيزياء ، لكن مهما كان ما يجوزش هاذو التعليقات : فضيحة، أغبياء ، أخطاء لا ترتكب ، باش يكون في علم كاتبيها هاذوك راهم مفتشين كبار خدمو أساتذة نظام قديم ونظام جديد ورباو أجيال وخدمو البكالوريا لسنوات وما غلطوش جا يوم يغلطو فيه كأي بشر، صحيح خطأ التلميذ ويفيقلو، لكن هذا ما يعطي أي تلميذ 'نعاودها تلميذ يعني مازال حتى ما ضمنش معدلو في البكالوريا " أنو يتحدث على رجال مثلهم بـلا مسؤولين ولا غيرها، فهم يستحقو التقدير لأنو الناس راهي تتعب ، فأساتذة فيزياء مثلا مسؤولين على إعداد حوالي 12 موضوع كاملا ب 5 تمارين وتصحيحاتها النموذجية ثم التنقيط، والتعديل في التمارين لمراعاة درجة الصعوبة وأكاديمية الأسئلة وطبيعة التكامل بين الأسئلة ومنهجية التقديم والعرض...ماشي غير سؤال وحطلو يجاوب باش يتم اختيار موضوعين لعلوم تجريبية وموضوعين لرياضيات وتقني رياضي، فإن أخطؤوا في وضع وحدة ما نلوموهمش وإذا لمناهم أعرفو بلي رانا ما نقصولهمش، في الشريعة رغم أني أيضا ما حبيتش أخطاء والتنقيط، لكن راني معاهم ماشي لازم كووووووول شي يكون في الكراس ولا مايجيش، ماعليش ما نجيبوش وين المشكل، الراس هاذا ما يخممش؟؟؟
هاذا لي حبيت نقولو نتمنى أنو واحد ما يقلق من هدرتي

وربي ينجحنــا كامل وكل واحد يجعلو طريق لي حبها ، سلام عليكم

بارك الله فيكـ أخي الكريم على الطرح ، نقآط جد مهمة فعلا ، جوزيت خيرا ان شاء الله ،
ملاحظة : صحيح أk المنافسة التي تنظمها مصلحة الامتحانات و التمدرس التابعة لمديرية التربية تتوقف عند الدور الوطني و لا يمكن اعتبارها أولمبياد ( ما عدا العام الماضي أين شاركت مجموعة من المتفوقين في الملتقى الأورومتوسطي و الذي فار فيه أحد النوابغ من الجزائر) ، أما الأولمبياد فيكون أصعب .... لكن هذا الأخير لا يقتصر على الرياضيات كما قلت ، هناك أيضا أولمبياد للفزياء و آخر للكيمياء و كذا الأحياء و اللغات .... الخ ، مشكور أخي ،السلام عليكم

[مسيردى]

و علاه يغلطوا 20 يوم و هوما لاهيين غي بالخدمة و المواضيع واجدة يديروا القرعة و يعاود يكتبوها في نهار يكملوا موضوعين عادي على الاقل و الحل يرحم باباك واش هذاك الحل الي تقعد في نهار باه تكتبوا ياوبركانا يرحم باباك البريكولاج و زيد انت يعني في سمانة على الأكثر يكملوا كتابة مواضيع الشعب العلمية و التصحيحات
2 الشريعة شكون قالك بلي نخمموا ماناش رايحين نخمموا تماك الي موجود في الكراس تعاود تكتبه و مادام حاجة مكايناش في الكراس مكان لاه تحطها
الأخطاء فات وقتها رانا 2012 وقت العصرنة و التكنولوجيا ماشي 1999 و الحديث قياس

[fatiha2012]

أخي نتا راك تقول ما يجوزش باش حنا نعلقوا على التصحيحات و انا نقولك ما يحقلكش باش تحاسبنا لانك ما راكش حاس بينا
ربما مازال ما جوزتش الباك لكن يجيك نهار و تتفكر كلامي هذا
ما يحس بالجمرة غير اللي كواتو يا خ
ربي يهدينا و يثبتنا

[BACBAC2015]

فهمت بلي كاين ناس محبتش تفهم ، ما عليش البكالوريا فاتت والتصحيح بدا والنتايج رايحين يخرجو
أمـــا الأخت فتيحة فنقوللها أني جوزت البكالوريا هاذ العام كيفك وغلطت والتصحيح خرجلي خرجات ماشي متوقعهم
الأخت لي تدهر على حوايج ماش مقررة، أعطيني ولو درس ماشس مقرر وجا في البكالوريا؟؟؟ قادر سؤال يحتاج إدماج معارف ومكتسبات ما عليش ماش مشكلة ولي كل شي يجي هكاك ، أنا ما جوابتوش بصح نورمااااااااااال ، ولا نوليو لازم الدالة نقولوهم هاذي ماشي كيما لقرينا ودرس الشريعة نقولوهم تاعنا ماشي مدمج هاذاك وحدو ولاخر وحدو والعلوم نقولوهم رسم يشبه لي فلكتاب بصح ماشي كيفو تماما و و و و .................

[gothzack]

avec tous mes respects mais je vois que nous aussi sommes fatigués du travail durant l année scolaire ..........pour qu on trouve enfin un sujet plein de fautes ??!! ........en plus le bac c est un examen national dont les erreurs sont intolérables et il faut faire très attention a ce genre de fautes .....vraiment c honteux et le pire encore c est qu on a trouvé des erreurs même dans les comptes rendus .................et pour conclure je confirme qu on est dans un tiers-monde car c est grave de trouver des inspecteurs qui fassent ce genre de fautes dans les sujets et les comptes rendus.....................mrc pour ce sujet important

[sniper0771]

النقطة الاولى نوافقك فيها بصح الثانية لاااااا طبعا
كيفاش وزارة كاملة جاملة دير اخطاااء ؟؟؟؟؟؟؟؟؟؟
هاذاك الموضوع ولا التصحيح قبل ما يتنشر كان لازم يفوت على الاقل 5 خبراء
من المستحيل خطا يفوت على 5 خبراء
تستغرب علاش قتلك مالازمش يكونو اخطاء ؟؟؟
على خاتر اموال طائلة تنفق في هاذ المجال
على خاتر هاذ الخطأ يطيح بسمعة التعليم فالجزائر
ويبقى هذا رأيي الشخصي

[MIDNIGHT]

خويا ، صراحة ، هادو اللي دارو الكتب الدراسية ( خاصة تاع الباكلوريا )

تقولْ جامي قراو . لاخاطر نص المعلومات اللي يمدّها الكتاب غالطة .

نهزّو كمثال كتاب العلوم الطبيعيّة برك

مجال المناعة

ياك قرينا بللي في مرحلة التحسيس يجي مولد الضد يتكامل مع مستقبل الـ lb

بالإضافة إلى التحسيس من طرف الانترلوكين 2

و في الحقيقة ما كانش هنا مولد الضد

مولد الضد يلعب دورو فقط في المرحلة الاولى تاع الانتقاء

برك

هوما زادوه في مرحلة التحسيس

هادا كامل باش يقولك أنو الـlb تتحسّس بإشارتين

كيما الـlt8 تتحسس بالانترلوكين 1 و 2


______


و اللي يطلع للجامعة و يدير فارماسي راه يعاود يقرا هادو الحوايج

و اذا شفى على وش قرا في الباك.. طبعا هنا يفيق بللي راهم خرجوه حمار من الليسي

علابالي كلمة ثقيلة بصح هاذا هو الواقع ، و انا هكذا حاسة روحي بعد ما اكتشفت هاد الأمور

__________

و ربي وكيلهم

[moslima19]

مشكور اخي على الفكرة والطرح الراقي
في الحق بزاف لي مكانوش منتابهيين لمثل هدي الاخطاء
بارك الله فيك

[biti]

وزيد لازم تفهم بلي هذه الاخطاء راهي مقصودة في اغلب الاحيان

[fatiha2012]

يــــــــأ أخي اذا نت ما غاضكش التعب تاع كامل العام انا غاضني و نفرغ غًشي بأي طريقة تحلالي نهدر عل أساتذة على مفتشين و ماشي نتا اللي تحاسبني
و اذى غلطت غير هو سبحانو اللي يحاسبني

[alisadr]

أنا لا أوافقك في النقطة الثانية يا أخي ،، لأنه لا مجال للخطأ هادي بكالوريا وطنية و المفروض المواضيع تفوت على خبراء بمعنى الكلمة على الأقل 5 أو 6 !!! لاخاطر هادا يسموه لعب بمصيــــــرالتلميذ و استهتار به ... مثلا الخطأ الذي ورد في موضوع الفيزياء كانت تبعاته كبيرة .. أنا شخصيا خلاني نرتبك و نضيع الوقت على حساب باقي التمارين !!!!! و زيد و زيد .... باش عام كامل و انا قاتل روحي أومبعد يجي واحد ( يليكيدي) برك يغلط كيما تحلالو في تمرين وللا في تصحيح (" نمـــوذجي " زعما ) و ضيعلي آمالي أكييييييد منقبلهاش ... و أقل حاجة نهدر على حقي و نريكلامي لاخاطر ماكاش بيــدي حاجة أخرى للأسف .....
و بخصوص عدم التعليق على الأخطاء ... أكيد نعلق و نزيد و بأي كلمات أريدها ،، ياك التصحيح " النموذجي " هادا ماهوش منزل من السماء وللا حاجة مقدسة !!!! و خير دليل أن للي داروه مفتشين للي و للأسف تلقاهم كبار خلاص كرهو ومعلابالهمش يفوتــووو برك لكن ليس الكل طبعا ... و يبقى هذا رأيي الشخصي .

[BACBAC2015]

ههههههههههههههههههههههههههههههههه، يا أمة ضحكت من جهلها الأمم؟
أنتم مسلمين؟ كيفاش راكم تقولو: 20 يوم وهوما يخدموا؟ كيفاش وزارة كاملة؟...ويخطؤوا

النبي صلى الله عليه وسلم اللي ماكانش لي بحجموا وقدرتو ودعموا ونزلت عليه آيات (عبس وتولى أن جاءه الأعمى) لما لم يعط أهمية لشخص كفيف أتى يسأله حكمًا....فكيفاش هاذم حكمتوا عليهم بلي لازم ما يخطؤوش.....روحو تنأنيو (ترقدو)