دورة خطواتي الواثقة لأصبح ربّة بيت متألّقة

[ام صفصف]

اختي سالي،الخضروات الي لازم تتجنبيها فالرضاعة هي الشوفلور،لكرم ،اللفت،والحبوب اللوبيا والحمص،وحاولي تشربي التيزان،هذا الي تفكرت ذرك

[ام صفصف]

حبيبتي ام هارون،والله مانعرف للحنة،استعملتها في شعري مرة وحدة كنت فالثانوي،والنتيجة كانت غير مرضية،فتعقدت منها،ان شاء الله يفيدونا لبنات بنصائح مجربة

[sali kanouza]

شكرا اختي ام صفصف قالولي ثاني كل ما هو اخضر يعني الجلبان والسلطة والسلق واللوبيا ماشطو ’’واش رايك

[sali kanouza]

اختي ام البنين ان شاء الله ارتحتي انت والامير واش راه شوفي هي الحنة مليحة تخلي الشعر يرتاح خاصة لي مون ورق تنطحن وتوضع على الشعر لكن كون تحبي ديري ليماش موراها راهم ما يخرجولكش لانها طبيعية طول باش تتنحى وتانى لونها يخرج احمر نوعا ما خاصة كي راكي صاغة شعرك من قبل المهم انت زيدي شوفي مع لبنات

[omelbanin]

ام صفصف ضحكتيني كي قلتيلي النتيجة كانت غير مرضية، انا هاذي لي راني خايفتها هههه.
انا درت ليماش في الصيف وهبطولي ولا نص اصفر ونص اسود، وعندي زوج مناسبات. الشهر الجاي اذا عشنا، حبيت كاشما نخلط.
حبيبتي سالي شكراً على إجابتك حنونة، انا رقدت شوية بعد الظهر ونضت شوية خيرمن الصباح.
ووليدي ما زادش رجع وما نعرف ياك ساعات المفاجآت يجو في الليل.

[omelbanin]

ختي سالي السلطة ماشكيتش دير الغازات، الفول والجلبانة صح، والخيار.

[omelbanin]

اهلا اختي الطائعة لزوجها، انا بقاولي 4 ايام، ربي يقدرك حبيبتي، عندك هاذو الشهرين نوفمبر وديسمبر، كي. تصومي يومين ولاثلاثة في الأسبوع تكمليهم ان شاءالله، كوراج برك ههه، وغدوة نصوم معاك.
قوليلي بنتك شحال في عمرها انا عندي وليدي 6سنوات، يخاف ما تتصوريش في النهار يقوللنا ارواحو معايا حشاك للتولات، وفي الليل يجي لعندي وحد زوج مرات ولا ثلاثة، حرت واش نديرلو.

[Sii]

السلام عليكم ورحمة الله وبركاته اختي ام تينة حبيت نشارك بالتفسير المبسط لسورة الفاتحة بعد بسم الله الرحمان الرحيم
الحمد لله رب العالمين : الثناء على الله باوصاف الكمال فلله الحمد الكامل
الرحمان الرحيم : رحمة الله الواسعة العظيمة التي وسعت كل شيء وعمت كل مخلوق .
مالك يوم الدين : هو المالك ليوم الحساب
اياك نعبد واياك نستعين : لانبعد الا الله سبحانه وتعالى ولا نستعين الا به
اهدنا الصراط المستقيم : ارشدنا الى الطريق الواضح الطريق الصحيح الموصل الى رضاك وجنتك وهو الاسلام
صراط الذين انعمت عليهم ،غير المغضوب عليهم ولا الضالين : وهذا الطريق الواضح هو طريق الانبياء والصالحين والصديقيين وليس طريق من عرف الحق ولم يعمل به كاليهود ولا طريق من ترك الحق عن جهل وضلال كالنصارى
صدق الله العظيم

[Sii]

لي عودة بعد صلاة العصر ان شاء الله تقبل الله صلاة الجميع بمزيد من الاجر والمغفرة

[sali kanouza]

اهلا بك اختي الطائعة لزوجها ان شاء الله نروح للطبيبة يوم السبت وانت ربي يكون في عونك ويقبل صيامك حاولي نفسك غير بشوي وان شاء الله كي اليوم تجيبيلنا القاطو تاع عيدك وحدك هههه بنتك بلاك كاش ما خافت فالنهار ولا شافت نوم مزعج عليك بالرقية وحصنيها بالدعية ربي يحفهالك ويكبرها في طاعتك

[الطائعة لزوجها]

المشاركة الأصلية كتبت بواسطة omelbanin

اهلا اختي الطائعة لزوجها، انا بقاولي 4 ايام، ربي يقدرك حبيبتي، عندك هاذو الشهرين نوفمبر وديسمبر، كي. تصومي يومين ولاثلاثة في الأسبوع تكمليهم ان شاءالله، كوراج برك ههه، وغدوة نصوم معاك.
قوليلي بنتك شحال في عمرها انا عندي وليدي 6سنوات، يخاف ما تتصوريش في النهار يقوللنا ارواحو معايا حشاك للتولات، وفي الليل يجي لعندي وحد زوج مرات ولا ثلاثة، حرت واش نديرلو.

اختي بناتي الاولى قريب 3 سنوات و الاخرى قريب 4و1/2 بصح الصغيرة هي الي راها تخاف بزاف راني نرقد معاهم كل يوم سمحت في زوجي .. سوف يدمرون لي حياتي الزوجية هههههه

المشاركة الأصلية كتبت بواسطة sali kanouza

اهلا بك اختي الطائعة لزوجها ان شاء الله نروح للطبيبة يوم السبت وانت ربي يكون في عونك ويقبل صيامك حاولي نفسك غير بشوي وان شاء الله كي اليوم تجيبيلنا القاطو تاع عيدك وحدك هههه بنتك بلاك كاش ما خافت فالنهار ولا شافت نوم مزعج عليك بالرقية وحصنيها بالدعية ربي يحفهالك ويكبرها في طاعتك

اختي ربي يحفضك اختي تعرفي كون تشوف ميكي تع الوحش و الساحرة او الضلمة تبات تبكي انا نبدلهم و ابيهم يقولي خلي باش يوالفو راني حايرة و كينديرو مانزقوش اااااي

[sali kanouza]

شكرا ام هارون راني نحاول نتجنب وان شاء الله خير

[ام تينة]

جزاك الله خيرا اختي سيي واتابك الله جهد مشكوووووووووووووووووووووووووووووور

[Sii]

لا شكر على واجب اختي الحبيبة

[Sii]

مساء الخير الاخت سالي راكي فرحانة مالا غدوة تروحي عند الاهل ربي يخليهملك ان شاء الله الاهل نعمة كبيرة متصوريش شحال توحشت دارنا 😪 لله الحمد