تشابك الايادي بين الزوج وزوجته

[أمل94]

والله يعطيك الصحة رندة نهاد غيرقلتي كلمة حق كي يكون مع حنونتو يديرها ويفتخربها وكي يكون مع مرتو يحشم بها والله حرنا فهذ الرجال كفاش راهم يخمو

[SIVANA]

0000000000000000000000000000

[marwa2020]

سلام انا تاني نايد الفكرة

[bello angel]

الفعل shbik shbok shboken

ياااااو اشبك و زيد التفاهم هو المفيد
كاين لي شبكو شبكو قبل الزواج و بعد الزواج بشهر تطلقو

[bello angel]

انا شخصيا ضد رغم اني يقولو عقليتي متفتحة بزاااف في حوايج ياسر
لكن متعجبنيش ياخي راجل و مرتو من باب الستر عندهم الدار يديرو واش يحبو جات على برا يزيدو يلصقو ف بعضاهم وش حابين يقولو؟؟
صراحة نشوف فيها وحدة جيعانة لي تدير هكا هي صح مش عيب و نوووووووورمال لكن هنالك عزاب خاصة في مجتمعاتنا المنغلقة و المتخلفة يشوف وحدة وراجلها شابكين الايدي يستثار و يدير حوايج اخرى و هدا هو الواقع للاسف فالغريزة في مجتمعاتنا لا تزال حيوانية بحتة و لم ترتقي الى هدا المستوى

يا اختي نحكيلك موقف صرالي هاك النهار comme راني نخدم في دوار بعيد على مقر سكني كنت نحكي مع صاحبتي la copine de chambre ta3i عندي 3 سنين متلاقيتهاش في التيليفون و كان بحدايا في الطاكسي رجل ضخم بقشابية قلتلها توحشتك حبيبتي
والله والله و الله يا اختي لك ان تتصوري الراجل لي بحدايا واش صرا فيه انا حشمت من روحي

الله غالب هدا هو المستوى و المجتمع لي عايشين فيه
و هاداك اليوم ايضا كي كنت رايحة للعمل الطاكسي مليانة des jeunes و كنت انا طفلة و من لور وحدة معاها راجلها حاكمتلو ايدو و حاطة راسها على كتفو
ليجان قعدو يتغامزو عليهم و انا حشمت صراحة قلت في نفسي راهي متحشمش

[رصاصة رحمة]

انظن ان الزوجين عندهم كامل الحرية في التصرف مع بعض لكن في المنزل اما في الشارع لازم تكون بعض التحفظات من باب الحياء واحترام الاخرين اما عن اظهار التفاهم فيبانش بهدي الحركات

[azzam 01]

حركة فيها الكثير من التشبه بالغرب لا أحبذها ........... والحياء شعبة من الايمان .........واذا لم تستحي فاصنع ماشئت.................... زمن غريب والله؟؟؟؟؟؟؟؟؟؟؟؟؟؟؟؟؟

[علي لقواطي]

المشاركة الأصلية كتبت بواسطة azzam 01

حركة فيها الكثير من التشبه بالغرب لا أحبذها ........... والحياء شعبة من الايمان .........واذا لم تستحي فاصنع ماشئت.................... زمن غريب والله؟؟؟؟؟؟؟؟؟؟؟؟؟؟؟؟؟

و الله عندك الحق

[nadyashawky]

شكرا جزيلا لك وجزاك الله خيرا

[kala11]

و الله عندك الحق

[كوثر أم لجين]

شكرا على الموضوووووع حبيبتي

بصراحه انا مؤيده للفكرة

و يقوولك الرجل لي صادق في حبه لزوجته هو لي يحب يتقرب منها في الاماكن العامه و ملا يستحي بانها الى جانبه بل يفتخر

و الراجل لي تلقيه يخرج لوحده و يتمشى بعيد عن زوجته و كانه يتهرب عرفي بلي يبحث عن علاقات اخرى او بالاخرى يحب ان يراه الناس و كانه اعزب


كوني امراه متزوجه و الله افتخر لما تتشابك ايدي مع زوجي في الاماكن العامه و حتى لما نشوف زوجين و الله نفرح و ربي يوفق كل المتزوجين يا رب و يسعدهم

الله احفظ لي زوجي قرة عيني

[ramzi-messi]

انا اريد ان اعرف بمادا تحس الزوجة و خي بجانب زوجها و ماسكاه ؟

[رَكان]

المشاركة الأصلية كتبت بواسطة ramzi-messi

انا اريد ان اعرف بمادا تحس الزوجة و خي بجانب زوجها و ماسكاه ؟

بسيطة يا رمزي هي تشعر وقتها أنه لها ولن يطير من يدها وجزء كبير من شعورها متجه للأخريات ...فبعض النساء يستمتعن بإثارة غيرة بنات جنسهن ..شوفوني عندي رجل موتوا بالغيظ يا عازبات يا وحيدات ..

[*أم سجى*]

المشاركة الأصلية كتبت بواسطة رَكان

بسيطة يا رمزي هي تشعر وقتها أنه لها ولن يطير من يدها وجزء كبير من شعورها متجه للأخريات ...فبعض النساء يستمتعن بإثارة غيرة بنات جنسهن ..شوفوني عندي رجل موتوا بالغيظ يا عازبات يا وحيدات ..

تحليل منطقي وصائب بوركت

[رَكان]

السلام عليكم ..
إسألوا أنفسكم ..هل الظاهرة قد تعارف عليها مجتمعنا بالنظر لعاداته وتقاليده ؟
لاأبدد فهي غريبة عن عادات وتقاليد مجتمعنا المحافظ ..ثم دعوني أخبركم أن فيها مضار من بينها ..الإثارة طبعا وكما نعرف أن نسبة كبيرة من شبابنا والذي شريحة منه كبيرة تتحسس جدار العنوسة ..حينام يرى مشهدا للرجل وهو يمسك بيد زوجته اليوم وغدا سوف سوف يكو نليس باليد بل الذراع حول رقبتها ( هي عملية التطوير ) المهم ..سوف يداخل الشباب الغير متزوج الحسد ولم لا الكراهية لذلك الرجل وقد يصل الأمر الى محاولة مشاكسته وزوجته ..لاأفهم لماذا في الشارع ؟ هل يريد القول للناس أنظروا أنا أفضل منكم أنا ظفرت بامرأة ؟
ومن يدري انها زوجته؟
ثم هل يمسك يد أخته أو أمه ؟؟