راتب المعلم يجب ان يكون هو الاعلي لكن

[hamiddeg]

بسم الله الرحمان الرحيم
في الحقيقة لم أكن اود المشاركة في هذا النقاش و لكن أن تعمم الاهانة على كل المعلمين و الأساتذة هو الذي أجبرني على الرد و قطع لسان المتطاولين ، أولا يا حسراه على أيام زمان منين كان المعلم يعطينا المطرق حتى نقولوا يزينا ونروحو لديارنا نلقى الوالد يستنا فيا ويا ويلي إذا عرف باللي المعلم ضربني و الله يا خاوتي غير نزيد ناكلها مالحة . وبالفعل قرينا ونجحنا ووصلنا إلى ما نحن عليه اليوم و الحمد لله . وقتنا الحالي توبخ تلميذ يروح لبباه يجري و قبل ما يجي باباه تجي أمو هادة و تسب و تشتم أمام كل العالم و يلحق الاب يقول : وليدي هاذ المعلم اللي ضربك استنى تشوف .... التلاميذ داخلين للمدرسة بلبسة و الله غير اتحشم كي البنات كي لولاد المناكر رانا انشوفو فيها ولكن اسكت خير ما تربح العيب . يا خاوتي العاقلين قالوا : العلم رغبة و الا رهبة ، ضرك يجيك يقلك لاتضرب التلميذ ولو بزهرة . ومن الجيهة الأخرى تلقى التلميذ هاز الموس و الا العكفة ويجري ورى الأستاذ المغبون . الله يهديكم .
زيد في قضية السلاك علاه ما تشوفوش للوزير اللي راهويسلك 50 مليون و يزيد يسرق في دراهم الزواولة أما الأستاذ والا المعلم قد ما تمدولوا و الله غير قليل عليه : في الابتدائي أولادكم يبقاو عند المعلم أكثر ماللي يبقاو عندك ، اعترفوا يا ناس بالجميل و كيما يقول المثل خير الناس عدو و الا ردو