اين هو العريس

[نسائم الهدى]

المشاركة الأصلية كتبت بواسطة hydraulique51

ومن هنا والقدام تتزوج بمرأة عاملة والى قدرت تلحق بالناس
يرحم لك الشوابين البطاطا راهي ب 130 دج دروك ومع الثلوج لي سقطت في الاونة الاخيرة ضيعت للفلاحين محصول البطاطا في ميزك شحال غادية توصل في رمضان ؟؟؟؟؟؟؟؟؟؟

واش يهم شحال غادي توصل البطاطا ؟
المهم الإنسان يتزوج إرضاء لله وليس إرضاء للنفس الأمّارة بالسوء
أنا مثلا خطيبي ليس غني وقبلت به
ولا يهمني حتى لو عشت معه بقطعة خبز وماء
والله على ما أقول شهيد وأنا صائمة
وقلت له ذلك هو قالي المهم ما تخدميش ونعيشك باللي نقدر عليه
وأنا قلتلوا نهار قبلت بيك قبلت بكل ظروفك المهم نعيشوا باللي عندنا وما نحتاجوا لحتى واحد
وزيد علاش البطاطا مهمة لهدي الدرجة
الرسول عليه الصلاة والسلام ما كانش يظل طول اليوم يحلم بالبطاطا صح؟
إذن علاش حنا نتبعوا سنته في أشياء وننساها في أخرى ؟
تعرف
أنا اليوم قلتلوا لأبي بلي الجزايريين رجعوا يشوفوا البطاطا من مقوّمات الدين الإسلامي
قالي وعلاش ؟
قلتلوا ما راكش تشوف فيهم يحلموا ويبكوا غير عليها
وربّ الكعبة يا الجزايريين ما راهم يبكوا على بيت المقدس أولى القبلتين وثالث الحرمين كيما راهم يبكوا على البطاطا
أخي
المهم الستر والهنا ورضى الله ورسوله والباقي كلوا كذوبات صدقني
لقمة خبز ناااااااشف في الهنا تاكلها وتحط راسك ترقد مرتاح البال
تسوا كتر من كبش مشوي مع الذل والمشاكل والدموع
هذا رأيي ولا ألزم به أحدا
سلاااااااااااااااااااااااااااااااااااااام
صح للإجابة على سؤالك أخي هيدرو
على الأرجح العريس راه في دارهم أو مع وليد خالتو اللي هو صاحبو الأنتيم والله أعلم