ممكن مساعدة في الاعداد المركبة ؟

[سرحال]

السلام عليكم

صحا بنت بلادي كاينة طريقة نخدم بيها انا ساهلة ما تحتاجيش الدائرة المثلثية

كي تحسبي الكوسينيس والسينيس حاجة باينة تلقاي كسر اهداينا من النتيجة 1 راها باينة ذيك

ياك الكوسينيس هوا اللي يخدد مقدار الزاوية والسينيس يحدد اتجاهها

المهم : الكسر ذاك اللي تلقايه في الكوسينيس طلعي الجذر ديريه في البسط وذي ساهلة واضربي ما تحت الجذر في المقام

تلقاي الزاوية . مثلا تلقاي نتيجة الكوسينيس : جذر 2/ 2 : اضري 2 في 2 تلقاي 4 ياك؟ ديريها في المقام والبسط ديري فيه رمز (بي)
معناها الزاوية : بي/4 وكيما هاك مثلا: جذر 3/2 كي ديري اللي قتلك ذهنيا تلقاي الزاوية : بي/6

في حال ماكانش الجذر لا في البسط لا في المقام اجمعيهم مثلا: تلقاي نتيجة الكوسينيس 1/2 كي تجمي 1 مع 2 تلقاي 3 معناها الزاوية : بي / 3 * مثلا: 3/2 معناها الزاوية ك بي /6

والسينيس نفس الطريقة وباه تحددي الزاوية موجبة واللا سالبة تحديها من السينيس
مثلا : تلقاي السينبيس : ناقص1/2 راها في التجاه الغير مباشر .................. الخ

ان شاء الله نكون أفدتك ... راني عارف طريقتي في الشرح مدرحة بالصح اذا ما فهمتينيش قوليلي نشرحلك أكثر

وليد بلادك في الخدمة دوماااااااا

وفقكم الله