الأخت yarasmin. 26 ترد على تساؤلاتكم هنا

[liliane24]

المشاركة الأصلية كتبت بواسطة sofiane2075

صباح الخير و جمعة مباركة ان شاء الله

حبيت نسقسيك على تمن الحلويات يعني حق اليد من3 اشهر جابت لي وحدة 700الف زدت عليهم 140الف خدمتلها سني الكبير تاع برا مقروط منقوش و كاين حوالي 20حبة زيادة طيبتهم في الدار ....سني كبيرتاع3كيلو باقلاوة فيها 1جوز1لوز1كاوكاو .100حبة باقلاوة الرشتة تاع الاخت ام كوتر ب1كغ كاوكاو

حلوة صابلي البيمو بالشوكولا..



كعيكعات معسلين لي في الصورة بالكاوكاو


هادي الباقلاوة تاع ام كوتر



مخبز بالفلون متل الحبة الوردي لي فيها 3ورقات و زينتها بعجينة اللوز



من فضلك تمن الحبة تاع كل نوع و اسمحيلي طولت الكلام راني خفت نديلها حقها و هي لي تديلي لانها من اليوم لي بعتهملها ما حوستش خلاص و نشكرك مسبقا

أختي ياراسمين نعتذر لك على التدخل، بصح حبيت نقول للأخت على سعر الحلوى المنزلية عندنا في سطسف :
فيما يخص حلويات اللوز بكل أنواعها ، راهي تدير 60دج للحبة كيما المخبز و الكعيكعات و البقلاوة و...... ، أما حلويات الكاوكاو فالسعر 40دج للحبة.
أختي هذه الأسعار عندنا ، راني نتحدث على حلويات المنزل ، أما في المحلات فالسعر مختلف.
أما حق اليد فقط و السلعة من عندها فكما ذكرت الأخت ياسمين قيمي السلعة و هي نفسها قيمة اليد بمعنى 50 بالمئة حق يدك، و 50 بالمئة سلعة

[yarasmin.26]

المشاركة الأصلية كتبت بواسطة liliane24

أختي ياراسمين نعتذر لك على التدخل، بصح حبيت نقول للأخت على سعر الحلوى المنزلية عندنا في سطسف :
فيما يخص حلويات اللوز بكل أنواعها ، راهي تدير 60دج للحبة كيما المخبز و الكعيكعات و البقلاوة و...... ، أما حلويات الكاوكاو فالسعر 40دج للحبة.
أختي هذه الأسعار عندنا ، راني نتحدث على حلويات المنزل ، أما في المحلات فالسعر مختلف.

لا هذه السعر تاع الدار والمحلات انتم في سطيف الحلوى غالية بزاف لوكان اتبيعها بهذا المبلغ وهي جديدة واحد مايشري اعليها الازم اتبيع بهذا السعر وكي تحكم المشتارية اتزيد كيما تحب اصح في المشترى هو الي جيب الفلوس والاشهار يلعب دور كبير في النجاح لوكان اتبيع غالي بزاف وكابداية مشي مليحة ليها راكي فاهمتني

[sofiane2075]

المشاركة الأصلية كتبت بواسطة yarasmin.26

ياك قلتلك الصح في العقدة وطريقة التزين اذا كانت متقونة 30 دج اللوز او الكوكاو ديما صقصي واش راهي حابة المشترية كذالك بنسبة للحلوة المعسلة نقس المبلغ اما البنيون نقصي في المبلغ لانه مايكلفش وزيدي دخلى معاهم البقلاوة بالكنافة اذا يحبوها باللوز او البيستاش او نواة كاجو ديما خلطيه مع الكوكاو اذا كانت عندك حسبة كبيرة تااع الحلوى والطلب المكسرات باه ايغير ذوق الكوكاو الى لوز وحوسي اعلى محلات او مقاهي اذا تبعيلهم المدلان والكروكي بصح باقل سعر باه سلعتك تمشي اذا شدو اعليك في كل يوم 80 حبة مدلان اعلى سومة 10 وهو ايبيعها15 د ج راكي رابح800 دج دوري السوق وين جات اكلات ماتحشميش دخلى الدراهم براك كي والفوك اصحاب المقاهي يبدا ايزيد في العدد وانت دائما رابحة متني روحك في الاول وانطلقي

يعطيك الصحة و بارك الله فيك على المساعدة جازاك الله الجنة و ربي يعطيك ماتتمناي ان شاء الله

[imadwlidi]

si possible la recette du gateau surprise et cheese cake vous m'avais dit que tu a une recette frensaise
et merciiiiiiiiiiiiiiiiiiiiiii de tt tes belle recette

[sasafede]

سلام ياراسميت كيفك ؟؟؟؟؟؟؟؟؟انا مابيد وصفة بس بدس اقولك ربي يحفظك لينا ايخليك لينا
شكرا

[ام فريال]

قلتي 50 غ فقط وباه رونتيها وكيفاه درتى وانا انقلك اذا فاسدة ولا لالالالا
انا ندير فالاول القليل من الحليب حوالي 1م ك شانتي ونخلط و هي تشد روحها قليلا و نزيدها حليب وغبرة الشونتي بالتدريج حتى نكمل كل الكمية
ونضيفلها 1 م ك الى 2 من السكر الارطب وعلما الحليب جامد قليلا و شكرا

[yarasmin.26]

المشاركة الأصلية كتبت بواسطة ام فريال

قلتي 50 غ فقط وباه رونتيها وكيفاه درتى وانا انقلك اذا فاسدة ولا لالالالا
انا ندير فالاول القليل من الحليب حوالي 1م ك شانتي ونخلط و هي تشد روحها قليلا و نزيدها حليب وغبرة الشونتي بالتدريج حتى نكمل كل الكمية
ونضيفلها 1 م ك الى 2 من السكر الارطب وعلما الحليب جامد قليلا و شكرا

50 غ شانتي+10 م ص حليب بارد+1 م ك مشي معمرة سكر قلاصي
ضربي كرام شانتي حطيها كاملة+الحليب غير بشوية ومعاه سكر وضربي حتى ادير امواج واذا شفتيها خفيفة اضيفي كرام شانتي باه تشد روحها ماتبعيش المقادير وطريقة التحضير الي جي في العلبة ولا الي قولك اعليها الي ايبيعها وقوليلي كيفاه شكيتى انها فاسدة باه انرد اعليك تحياتي

[أم هنيدة]

المشاركة الأصلية كتبت بواسطة yarasmin.26

50 غ شانتي+10 م ك حليب بارد+1 م ك مشي معمرة سكر قلاصي
ضربي كرام شانتي حطيها كاملة+الحليب غير بشوية ومعاه سكر وضربي حتى ادير امواج واذا شفتيها خفيفة اضيفي كرام شانتي باه تشد روحها ماتبعيش المقادير وطريقة التحضير الي جي في العلبة ولا الي قولك اعليها الي ايبيعها وقوليلي كيفاه شكيتى انها فاسدة باه انرد اعليك تحياتي

أختي ياسمين قلت لنا في الصفحات السابقة في 100 غ غبرة شانتلي نديرو ربع كأس حليب بارد أم أني غالطة؟

[yarasmin.26]

المشاركة الأصلية كتبت بواسطة imadwlidi

si possible la recette du gateau surprise et cheese cake vous m'avais dit que tu a une recette frensaise
et merciiiiiiiiiiiiiiiiiiiiiii de tt tes belle recette

les rochee surpriss "
200 غ عجينة اللوز وردي+200 غ عجينة اللوز خظراء+100 غ نواة كوكو مرحية+100 غ حليب نيسلي+200 غ شكولاطة سوداء
اخدمي عجينة اللوز وشكليهم كريات على حجم حبة اللوز وغطيهم بورق بلاستيكي خذي نواة كوكو+نيسلي وشكليهم كريات صغيرة وضعيها داخل كرة عجينة اللوز وكوريها مليح ذوبي الشكولاطة على حمام مائي واغطسي الكريات في الشكولاطة كي تنشف شوية برك ذرذري اعليها نواة كوكو
تشيز كيك فرنسي"
3/4 كوب فرينة+1/3 كوب لوز غبرة+1/4 سكر+90 غ زبدة قطع لميها وارفديها على القالب في الفرن150 درجة 15 د
2 كوب جبن رقوتا{500 غ}+1/3 كوب سكر ناعم+3 بيض+عصير الليمون+لفاني+1+1/2 م ك مايزينة محرحرة وضعي كل شيئ في الميكسوغ ترجع سائل ضعيها في قالب ثم الفرن150 درجة تطهى منبعد اتروكيها في الثلاجة ساعات الى يوم حتى اتشد روحها

[yarasmin.26]

المشاركة الأصلية كتبت بواسطة أم هنيدة

أختي ياسمين قلت لنا في الصفحات السابقة في 100 غ غبرة شانتلي نديرو ربع كأس حليب بارد أم أني غالطة؟

لالالا مكيش غالطة رانا نهدرو اعلى كمية صغيرة وراهي عندها مشكل ماحبتش تخرجلها راهي اتقول ربما فاسدة وزيدي اقراي قلتلها واذاجاتك جارية اضيفي الشانتي باه تثقل وجي عاقدة

[أم هنيدة]

المشاركة الأصلية كتبت بواسطة yarasmin.26

لالالا مكيش غالطة رانا نهدرو اعلى كمية صغيرة وراهي عندها مشكل ماحبتش تخرجلها راهي اتقول ربما فاسدة وزيدي اقراي قلتلها واذاجاتك جارية اضيفي الشانتي باه تثقل وجي عاقدة

بارك الله فيك كي شفت 10 م أكل حليب تخرج أكثر من ربع كأس لذلك اختلط علي الأمر

[yarasmin.26]

المشاركة الأصلية كتبت بواسطة أم هنيدة

بارك الله فيك كي شفت 10 م أكل حليب تخرج أكثر من ربع كأس لذلك اختلط علي الأمر

لالالالا انا جيت نكتب 10 م ص درت 10 م ك

[أم هنيدة]

المشاركة الأصلية كتبت بواسطة yarasmin.26

لالالالا انا جيت نكتب 10 م ص درت 10 م ك

بارك الله فيك وضح الامر

بالنسبة للتشيز كيك هل يمكن نعوض جبن ريقوتا بشيء آخر كما جبن الريجيم؟

[أم عبد الناصر]

ممكن اختي الفاضلة وصفة paninis
مع الكريمة الي بداخله
ولك كل الشكر والاحترام والتقدير
حقق الله امانيك

[yarasmin.26]

المشاركة الأصلية كتبت بواسطة أم هنيدة

بارك الله فيك وضح الامر

بالنسبة للتشيز كيك هل يمكن نعوض جبن ريقوتا بشيء آخر كما جبن الريجيم؟

هذه الوصفة الي طلبتها الاخت قلتلها من قبل في الصفحات الماضية مزال مجربتهاش هي وصفة فرنسية اعطاتهالي حبيبتي تاع فرنسا ولكن هي مضمونة اما الجبن البديل جربيه بجن الرجيم