لو تم تعيينك رئيسا للجمهورية مدة 24 ساعة فقط ...ماذا تفعل ؟

[natacabell]

awah 24saa matakfinich besah balak balak balak nati forsa lchabab li rahou ykoul atiwna forsa nchoufou 24heures wech ydirou fiha.....nchalh bark maynodoch hata 12 prsq ykadelhoum noss nhar klil alihoum maalih el mohim el mocharaka d:nmed les appartement lel mahtajin vraiment ou nzid fi chahriya lel mra li kaada fedar au moin yadouli b daawi lkhire

[عربية الهوية]

1- ندير غرمات مالية لكل فتاة فوق14 سنة مشي متحجبة حجاب شرعي
2-ننفي بلخادم و جماعتو
3-نحي الفيسبوك من البلاد
4-اشباه الرجال ننفيهم للغابات و الصحاري (الانانيش)
5-نحي اللغة الفرنسية من الادارة الجزائرية

[رجاء الرحمة]

لو.........................سأكرس تلك 24 ساعة لجعل الكتاب والسنة دستورا للدولة وكفى

[مريم الصابرة]

السلام عليكم خويا دادي خليني نحلم تشوف
اولا نديرك تخدم معايا هههههههه نبدا بالمستشفيات لاني شفت فيهم الويل والمرضى مساكن المهالجة مجانية للمرض وبأرقى مستشفيات وباحسن طريقة الشباب للعمل والبروجيات والزواج بالاطاش والمهور 2 ملاين اللي ما تحبش تبور في دار باباها
العجايز للحج والهمرة ماشي الزهوانية تروح وتجي ترقص
زيد واش نسينا الاطفال حبابي اللي يقرا مليح الكادو كبير للفقراء الي مرفه عحنا ما نزيدوش الماء للبحر
والاهم من هذا الكل قانون نمنع التحواس الشباب مع البنات نسقمو البلاد اللي مع واحد للحبس ماكانش
والحجاب مفروض وبالسيف
وعندي امنية يكون تطبيق الشرع والدين فالعقوبات نمشو بكلام ربي اللي يسرق تتقطع يدو اللي تزني الرجم اللي قتل القصاص متمنية هذا
خلاصت 24 ساعة وراني نضت من الرقاد حلم شباب ياو نسيت انا حبيت نروح لاسطنبول هههههه نشوف مهند هههههههههه نقسر يرك
شكرا

[السيدة كرمين]

المشاركة الأصلية كتبت بواسطة zahra rimal

اعلم انو المرأة لا تصلح للرئاسة لكن انا قارنت بين الجزائر و دول اخر مثل الإمارات و تسائلت لماذا الجزائر ليست مثل الإمارات مع اانا لدينا ثروات هائلة و ادولة الجزائرية مخصصة ارقام هائلة و ميزانيات من اجل التنمية المحلية لكن لا شيء ملموس عل ارض الواقع بسبب مجالس الشعبية البلدية لأنه كل 05 سنوات يأتي سراق جديد و طيلة هذه السنوات يسعى جاهدا لملأ رصيده و بما ان البلدية هي اللبنة الأساسية للدولة و إذا اردنا التطور فهو يبدأمن هذا الأساس فاا ارى ان تكون السلطة إداريةهي مسيرة في البلديات و يكون المجالس الشعبية ذات اهمية بسيطة و شرفية فقط

عزيزتي ليس معقول نقارنوا انفسنا

بثروات اكثر من ثرواتنا في الامارات وشعب أقل ثلاثين مليون مرة من شعبنا

وأمراء يمتلكون من الثروات قبل الحكم ما يضيف ويغلق الخزينة

مي احنا يجيبو الجيعان ويحكموه أمرنا ولا اقصد الرئيس

لأن المشكل مش فيه في غيروا والمثال نقدروا نقيسوا على الولاية

و المؤسسات الصغرى

علابالك لما يكون صغار الموظفين سراق مكان حمى مدير يحكمهم بل بلعكس

هوما لي يطيروه وزيد نكونوا صريحين وش رايك في الشعب

هو السراق رقم واحد هو لي ساعد في الرشوة و غيرها

لي لازم يكون هو الوضوح في القوانين تصوري أن

الوزاراة ملئ بالخزائن وهناك خزائن غير معرف عنها

لا وش فيها ولا لأين متجهة

أيضا المسائلة القانونية المفروض الوالي أو وزير او رئيس لما يجي

يعمل لي بساسيون يسأل عن سنوات خدمته فيما قضاها

ويقارن بين القائمة الممتلكات و الأرصدة لي كانت قبل وبعد توليه المنصب

أما عن المناصب الشرفية نظن اكتفينا منها خلاص

[algeriano1986]

اولا تغير الشعب بشعب صادق امين محب لبلاده مخلص لأمانته وعمله

[السيدة كرمين]

لكل شعب مكانيزماته وآليات للتعامل معه

لذا تغيير الشعب ليس الحل هل هناك شعب كي شعبنا تبارك الله عليه

برك بعض الطبائع ياريت تتغير

[fr1301]

je ne change rien ...juste une chose on applique les lois de l'islam par exemple
on coupe la main du voleur.....et je vous jure qu'après un mois il n'y aura aucun vole ou agression

[nounou192dz]

نتوما مساكين و الله شعب عايش في ا لاحلام شوفو النواب كيفاش كانو و كيفاش و لاو و جايين زعما تهدرو بكلام غريب كانكم ملوك يااااااااااااااااااووووووووووووووو فيقو انتيا روحي طيبي العشاء و بركاي ما تنومي و انت روح للمارشي اشري و جيب البطاطا لي راهي تدير 100 دج يا خي حالة ......من حقكم تحلمو

[nounou192dz]

انا بالنسبة ليا الشعب قع سراق الا فئة قليلة جداجدا و انا اؤكد لكم مانيش من هذه الفئة .....كل واحد يسرق بالطريقة تاعو كاين لي يسرق عرق الخدامين كاين لي يسرق جهد الاخرين كاين الخاين العيب وربي ......نقوللكم حاجة تسقمو من بعد اهدرو على حكم الله و الشرع حاسبين ربي سبحانو راضي علينا ......

[السيدة كرمين]

كلامك صواب

[عبد الفتاح8]

لو كنت رئيسا ................!!!!!!!!!!!!!!!!!!! لفتحت الخزينة العمومية وخزينة إحتياطي البترول ولقسمت الثروة على الجزائريين بالعدل دورو دورو هههههههههه ومن ثم أقدم إستقالتي مباشرة ههههههههههه وشكرا

[وهاب 76]

اللهم احشرنا في زمرة المساكين

ماعندي ما ندير بالكرسي ( غير هذا بزاف عليا)

[istabrek]

أول ما أفعله هو اقالة رئيس الحكومة و و زير التربية بن بوزيد باقالة هذين تتطهر البلاد بالنسبة 50%

[tayeba69]

الغاء الخدمة الوطنية