هل يمكنك ...؟ وهل تستطيعين ...؟ الصراحة مطلوبة

[soumia-88]

الســـــــــــــــــــلام عليكم ........ اذا جاء مكتوبي بالتأكيد سأساعده لأنه سيكون سندي في الحياة المهم ليس المال وانما الاخلاق الدين والعشرة وانما هناك امور مادية يمكن الاستغناء عنها و سأقولها بكل تأكيد اجلب لي ما يساعدك فقط

[محمد جديدي التبسي]

المشاركة الأصلية كتبت بواسطة الواثق

والله اخي كي نسمع بعض الاراء والله تفرح ..............لكن الواحد يخرج للمجتمع يتبلوكا وراهي زايدة تزيد ...........وكما قلت الوالدين هوما لي عندهم امر التيسير بالشكل الكبير..................انا امي مثلا دائما تقلي وعلاه يغلو المهور وغايضها الرجل وتلك لتكاليف ..........................بلاك تهدر كي جاو ماعندهاش البنات برك .ههه............الله اعلم.............وبصراحة كاين بنات غير يهدرو برك نهار لي يلحق الصح تقل لاهلها وانا وعلاه مانيش كيما هاذيك وهاذيك ؟؟؟..................وانا عجبتني زوجة اخي لما كانو يديرو في الشروط قاتلو دير لي تساعدك المهم مانلقاكش مسلف الدراهم او عندك دين ......................اليس شرطا رائعا وفعلا نفذته بارك الله فيها وفي زوجها ......................................ومكانش خير من الصراحة الواحد لازم يخبر اهل المرة بامكانياته ويقلهم ماتصعبوش عليا وهذا اللي كتب ربي والحمد لله .........كيما يقولو ماعندناش ومانسحقوش

أهلا بك أخي الواثق بارك الله فيك
ما يوجد في المنتدى عينة بسيطة أخي الواثق
ولا يمثل شيئا من الواقع
لأننا نسمع بمهور ولا في الأحلام
ذكر لي أحد الإخوة في ولاية خنشلة واحد شرطوا عليه سيارة لابنتهم
ووافق والعرس هذا العام ... عيش تشوف وتسمع
أما فيما يخص أخيك ربي يباركلوا في زواجه ويرزقه الذرية الصالحة
في الحقيقة ذكرت شيئا مهما جدا وهو الصراحة وهو أمر مطلوب فعلا
فقوة الشخصية والصراحة تجعل الخاطب هو من يفرض شروطه وليس العكس
لكن نحن ندعي الحياء في ذلك اليوم وبعد ذلك نندم ونضالوا نسلفو ونطيل فترة الخطبة من أجل توفير شرط العروس
يعني الصراحة مطلوبة فعلا أخي الواثق
جزاك الله خيرا أخي وربي يوفقك في حسن الاختيار

المشاركة الأصلية كتبت بواسطة جسور المحبة

والله يا اخي محمد بش ما نكدبش على نفسي
المساعدة تكون على حساب الشخص اذا كان يستاهل فعلا نساعدو وممكن نتنازل اما عن مقدار المساعدة ما نقدرش نحدد ليك حجمها
بارك الله فيك

ما دمت اخترتيه وقبلتي به فراهو يستاهلك أختي جسور
ويستاهل تعاونيه في إنقاص تكاليفك ومهرك
باين دختي من العشاء ههه
جزاك الله خيرا أختي الكريمة
وفقك الله

المشاركة الأصلية كتبت بواسطة soumia-88

الســـــــــــــــــــلام عليكم ........ اذا جاء مكتوبي بالتأكيد سأساعده لأنه سيكون سندي في الحياة المهم ليس المال وانما الاخلاق الدين والعشرة وانما هناك امور مادية يمكن الاستغناء عنها و سأقولها بكل تأكيد اجلب لي ما يساعدك فقط

وعليكم السلام ورحمة الله وبركاته
بارك الله فيك أختي الكريمة
عين الصواب ما قلت
المهم هو الأخلاق والدين فعلا
وفقك الله أختي سمية
وما دامت كانت هذه نيتك فسيرزقك الله بمن هو أهل لك بإذنه سبحانه
جزاك الله خيرا أختي الفاضلة