إحنا وزهرنا

[naima2011]

المشاركة الأصلية كتبت بواسطة مريلينا

السلام عليكم يا جماعة كيف احوالكم ؟ شكرا على المرور
اليوم كان الجو ربيعي ختكم مريلينا راحت عند صديقتها تعمل كمصورة بقينا فالحانوت نقسرو شوية صديقتي متزوجة بقينا نحكو تجي واحد الحاجة مرا كبيرة فالسن تستنى في بنتها تتصور ولما كملت بقاو يستناو فالتصاور يخرجو أنا وصديقتي نحكو على دخولي للمستشفى سالتني العجوزة راكي مريضة وأنا نقولها في قلبي لالا راحا فواياج دونونس قلتها إيه الحاجة بدات لونكيت شكيتها كانت كوميسير زمان ولما حكيتها شوية بدات تتتحسر ومسكينة مسكينة وتعزي فيا المفيد قلتلها الحاجة معليش حاجة ربي والحمد لله زهرنا هكذا انا كملت الكلمة والعجوزة هدت فيا يا بنتي لالا إجري على زهرك كاش ما دارولك قلتلها شكون وواش دارولي قاتلي ينتي سحروك روحي إجري على زهرك وردة كيما إنت ذبلوك وبدات تهدر إنخلعت إمرأة في سنها تامن بالشعوذة وحكات على بناتها وحتى جريت عليهم زوجتهم وكانو مراض والطالب الفلاني وأنا وليت نبخر من وذنيا وليت نشوف فيها كي وردية في فيلم الطاكسي المخفي تبخرني بالجاوي يتخبلو ارجال فالقهاوي
قولولي علاه كلمة الزهر مربوطة بالسحر ووعلاه النسا يامنو بالسحر اللي تقول حماتي سحرتني واللي تقول راجلي سحروه وااللي نقول ما تزوجتش سحروني
واش رايكم يا جماعة فاللي قلتو النقاش مفتوح شكرا وتبقى مريلينا في فيلم الطاكسي المخقي ما عندهاش الزهر وردية ماتت وخلاتني بلا زهر هههههههههه

السلام عليكم..........
هههههههههههه
واش راكي تستناي روحي جري على روحك هههه
والله عجبا اصبح كلما يقع اي احد في امر ما من المرض او كما قولتي الزهر او حتي رسوب في الدراسة يقولولو روح جري على روحك هذا اكيد سحر بيك
ونسو انو الله عز وجل عندما يريد ان يختبر عبده يبليه
ربي يهديهم
انا قول لك ان ك مزهرة لانك عضوة مميزة في هذا المنتدى