اصل النمامشة

[اوشن]

يا ناس اسمعو هاذي
راني دخلت للمنتديات بديت نحوس لقيتهم الكل يقولو اللمامشة من هوارة و الفرع تاعهم تع اولاد رشاش عرب رحت بديت نحوس وش لقيت ؟ لقيت الهدرة اصلا غالطة لقيت بلي اللمامشة مشهم من هوارة اصلا و الدليل هاو ليكم
مواطن هوارة راها تبدا من شرقي الاوراس يعني من ام البواقي و شمال تبسة و روح حتى تدخل تونس و ليبيا اما مناطق اللمامشة راها جاية غرب و جنوب تبسة و تدخل زوي و تازقاغت حتى توصل باغاي ثما حد بلاد اللمامشةارواح حوس في البلاد هاذي لي من باغاي حتى لبير العاتر تلقاها تع جراوة من زناتة و مشي تع هوارة يعني بالمنطق تاعنا اليوم هوارة راها تبدا من بلاد اولاد سيدي يحي و الحنانشة و الحراكتة و ادخل لتونس وين الفراشيش هذا هو شرق الاوراس اما بلاد اللمامشة راها في جنوب الاوراس خاطر بعد بير العاتر عندك واد سوف الصحراء طول ماكانش اوراس ثما يعني من الناحية الجنوبية بلاد اللمامشة راها الحد الجنوبي للاوراس
وزيد التاريخ يحدثنا على الكاهنة وش يقلك يقلك بلي القصر تاعها في باغاي و عندها قصر في زوي و قصر وحد اوخر في تازبنت يعني ثلاثة قصور و المشكل انو القصور هذي في ثلاثة راهم في بلاد اللمامشة و زيد الكاهنة المعارك تاعها كانت ديما تبدا من بلاد اللمامشة باتجاه العمق الاوراسي يعني مثلا في معركة مسكيانة كي تقراها مليح وش تلقى تلقى الكاهنة كانت بجيشها على مرتفعات تازبنت جنوب غرب تبسة و استدرجت العرب حتى وصلت لمسكيانة وين طوقتهم و حطتهم في شبه كمين و آخر معركة للكاهنة ثاني في بلاد اللمامشة في بير العاتر بعد و زيد اللمامشة لحد الساعة يقلك حنا بكري كنا يهود و العروش لخرين الكل مجمعين بلي اللمامشة كانوا يهود و اليهودية كيما هو معلوم ما دخلتش لهوارة و انما دانت بيها جراوة البطن الزناتي و زيد التاريخ يحدثنا صح بلي جراوة تغلبت بصح ما انقرضتش و ايضا ما غادرتش مواطنها يعني ايلا كان اللمامشة من هوارة قولولنا وش صرا لجراوة و وشي هي القبيلة لي خرجت من جراوة ايلا ماهمش اللمامشة,,,, من المقارنات هذي ببساطة تلقى بلي اللمامشة من جراوة ماهم من هوارة ولا من هلال ولا من سليم