ملوخية بالكرشة البقري

om moha mahdi · 2012-02-28, 20:41

اختي هذه ملوخية نضن راهي بالعصبان حنا جامي درناها حنا حنا في تبسة نديروها بالكرعين والا باللحم والا بالكرشة انا وعدنكم بيها درتها وصورتها بصح ماعرفتش نحطهالكم احنا نديروها ونخلوها طيب من6 سوايع حتى ل7 لازم طيب هكا المهم هي نديروها في صحن مع الزيت حتى تولي على شكل كريمه وندير من جهة اخرى زيت وفيه البصل واللحم ونخلوها تتقلى ونزيدو الفاح والثوم والفلفل الاسوط والطماطم حب والمصبرة واللي يحب الحار تجي هايلة بالحار وبعد مايتقلو هادم نزيدولهم الملوخية ونحركو مليح باه ماتلصقش وبعد نزيدو الماء ونخلوها طيب على نار هادية للوقت اللي قلت عليه حتى تزيت يعني راهي طابت
ملاحظة
اذا حبيتي تزربي في طيابها ديريها في كوكوت انا نديرها هكا طيبلي حتى في ساعة ونص
وشهية طيبة.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري