ورشة انجاز تروسو سموكس

[fifiarch]

المشاركة الأصلية كتبت بواسطة حراوية وافتخر

صباح الخير عليكم البارحة كيما قلتلكم رحت نشري القماش في بالي كان الاخضر او الازرق وجدت الوان بزاااااااااااااااف شابة وماعدى اللونين لي خيرتهم شريت لون ماكاش كامل في بالي بوادروز شريت 11 مترا و قسمتها 4+4+3، اما الدانتيل شريت نوع واحد برك اعجبني بصح شريت غير 6 مترات زهري خلاصلو والنوعين الثانين ماشريتش لانو كيما قتلك خيرت المودال 1 وقماش لون واحد وفي الحقيقة معلاباليش وين راكي رايحة تستعمليهم قلت نشوفك قبل ثم نشريهم.
و اللوازم الاخري مصورتهاش صورت الضرورية وحابة تقولولي خاصة استاذتي tulle تقصدي بيه ليعملوا بيه لفوال ام تقصدي لي راني مصوراتو هاذا يشبهلوا ونسموه عندنا نادراباي ماحبيتش نشري مترا حتى تجوبيني
بالنسبة لبونج كاين 3 انواع على حساب لي يبيع قالي الاحسن للحشو لي يتباع بالميزان مصبتش عندو البارحة اليوم اجيبوا مبعد نصور بالنسبة لي الحاشية لي تلمع لي شريتهافي رايك توالام




اما الغرزة خيرت الياسمينة المقلوبة +الياسمينة الكبيرة وجربت الياسمينة المقلوبة واول مرة نعملها اما الياسمينة الكبيرة منعرفش كيفاش نديرها كي تحطي الصور نجربها اعطيني رايك

اهلا بيك اختي
ان شاء الله تكوني بخير
معليش حتى اللون الي اخترتيه جاك هايل
نظن الدونتال يكفيك
وبالنسبة للقماش لون واحد تانا مليح تديري بيه الكوفرولي كااامل
لكن اللوازم كون صورتي كل شي كان احسن
ماشفتش السمسم لازمك تجيبيه
اما عن التيل ماهوش هاذاك
و صح التيل هو لي يعملو بيه لافوال
لكن جيبيه يلمع
اما عن الحاشية رانا راح نستعملوها لعلاقات المفاتيح
انت جبت وحايد كبار واحنا لازمنا الصغيرة نتاع نص سنتيمتر
حاولي تبدليها عند مولا الحانو واشري الرقيقة
بالنسبة للغرزة نتاعك ماشاء الله عليك شاطرة
واكيد في الدروس راح نحطلكم طريقة العمل المفصلة ماتتقلقيش
و مع الخدمة نتاع التروسو راح توالف يدكم عليها و تخدموها احسن