الحجاب,,,,,ما رأيك؟؟؟

[أم البراء السلفية]

السلام عليكم ورحمة الله وبركاته
فكرتينى في الحجاب نتاعى كي كنت نقرى السنة اولى في السيام
كنت نلبس جيب وبودى وخمار من فوق
وواحد الطابلية كنت نلبسها نص طابلية
ههههههه حجاب ولا في الاحلام
والله كي نتفكر نحسب روحى كنت عريانة
الحمد لله الذى هادانا
ومن بعد بالشوية بالشوية وليت نجمع نسا عمومى وهوما اخوات ماشاء الله
بداو ينصحونى وفي الثانية متوسط درت الجلباب والثالثة قعدت في الدار ودرك رانى متهنية والحمد لله
اتقربت لربي بزاف ووليت نعرف قداه من حاجة
ونشوف حتى لبنات اللي راهم يقراو لدرك ومش مدايرين حجاب شرعي
كون يلقاو اللي تنصحهم وتوريلهم الطريق الصحيح والله قداه من وحدة تلبسو
والحجاب الشرعي هو واجب
قال الله تعالى: {يَا أَيُّهَا النَّبِيُّ قُل لأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلابِيبِهِنَّ ذَلِكَ أَدْنَى أَن يُعْرَفْنَ فَلا يُؤْذَيْنَ}