دورة تعلم السموكس

[fifiarch]

مساء الخير اخواتي
على بالي غيبت عليكم
رغم انها ولا وحدة سالت عني

معليش

المهم راح نجاوبكم كامل هنا لان الانترنت ثقيلة عندي و مانقدرش ندير اقتباس و نجاوب كل وحدة وحدها

اختي ام معتصم
اهلا بيك مجددا معنا والبركة في راسك
بالنسبة للتطبيق نتاعك راهو ممتاز الغرز واضحين و باينين
و كنت موفقة لحد بعيد في الكوي نتاع التطبيق
الف شكر ليك
و علامتك راح تلقايها مع علامات باقي الاخوات

اختي لؤلؤة الغرب بالنسبة للعلامة اعتقد انو هاكذاك لازم تكون لانو اعمال الاخوات كلها تقيم على حسب
الاتقان في العمل و عدد الغرز المنجزة و كيفية استثمار العمل
فمثلا انا في عملك شفت القليل من الغرز و منه جهد اقل
و باقي الاخوات كلهن انجزن عدد اكبر من الغرز و منه تعب اكثر و جهد اكبر
و كاين الي استثمرت العمل نتاعها في شيء استفادت منه
و عليه هناك ابتكار
اضافة الى ذلك الاخوات قمن بعملية الكوي
كاين منهم من كانت موفقة و جاتها الغرز اكثر جمال
وكاين منهم من بعد عمليه الكوي خربت العمل نتاعها
هذا لا يعني ان عملها في الاول لم يكن جيدا
كاين اخوات الله يبارك اعمالهم تحفة
وكاين اخوات تحسنو من اول يوم للان
و انت اختي لؤلؤة الغرب اصلا لم تقومي بعملية الكوي
اتمنى انك تتفهمي تعليقي من غير ما تغضبي مني
و تحياتي لك

اختي كرونو العفو و رانا في انتظار تطبيقاتكم

لؤلؤتي الفاهم راهو فهم و بصحتها بنتك الساك
انا كنت معولة نديه
هههههههه

العفو اختي بتول اتمنى لك متابعة جيدة معنا و دائما شاركينا باراءك

اختي ام هاجر اذا قدرت تحطي تطبيقك لغرزة البلاطة و رايحة نحطلك التقييم مع باقي الاخوات

بالنسبة للاخوات دولي لؤلؤة الغرب و كل اللاتي تساءلن عن التطبيق الخامس

هذه الغرزة ضفيرة مائلة
و البعد نتاع 4 سم رانا نديروه باه يبان الميل بين الغرز لانو لو نديرو الغرز قراب من بعض راح مايبانش الميل نتاعهم بشكل واضح
السطر الاول يكون يتكون من مربعات ابعادها 2 سم و هو البعد المثالي
و بعدها نبتعد ب 4سم او اكثر حسب الرغبة لكن البعد يكون بين 4 سم و 6 سم ليكون مثالي
الاخت ام انيس حاطتها و كانت بعد كل سطرين تنقص غرزة لكن انا لا افهم السبب في ذلك
انا نخدمها جدول كيما بافي الغرز

بالنسبة للاخت نينانينا

سيتم تمديد و قت التطبيق الى غاية يوم السبت على الساعة الرابعة

اتمنى تكونو كامل راضيين