كيف تقولها ؟؟؟

[FM 18]

المشاركة الأصلية كتبت بواسطة الواثق

السلام عليكم اخي الفاضل.............................. هو الامر الذي طرحته امر صعب حقيقة من كلى الطرفين ...............لهذا الرجل يحاول ان يرى البنت ليس في الرؤيا الشرعية فقط ولكن قبل الرؤية الشرعية فان رأى منها ما يعجبه تقدم وبقيا الامر منوط بالبنت وهذا بعد ان يسأل عن خلقها ودينها....................................احنا رانا ننصحو ورانا حاصلين حتى في اختيار البنت ..........والله المستعان.............................لكن عجبني مثل يقولوه الكبار ههه

لا يعجبك نوار دفلة في الواد عامل ضلايل و لا يعجبك زين طفلة حتى تشوف الفعايل

يعني حتى تجيبها للدار

[FM 18]

المشاركة الأصلية كتبت بواسطة blacktears

والله عندك الحق في هذا المثل .
أنا كي يخطبني واحد و مايعجبنيش و لأي سبب يكون
نبدى نصعب في الشروط و ربي يسامحني و في هدرتي نخليه يحس بلي مانيش حابة
علابالي و الله حرام بصح الله غالب .
أحسن ما نفزدلو حياتو
من الأول خير.

أليست الصراحة راحة ؟؟؟

[فتـ حييةـاة]

كاين ديمقراطية نقوللهم انا لست موافقة وخلاص هذا طبعا كي نشوفه ومايعجبنيش بصفة عامة
كي مايدخلش راسي نقول لا ونهني روحي هذي راها عشرة سنين
بلا مانحكي على الدين والاخلاق لاني مارايحاش نشوف من وجهو الا كان مدين ولا متخلق ا ولا لا

[FM 18]

المشاركة الأصلية كتبت بواسطة madjid h

ما تقدرش تصبر 18 شهر لازمها تتزوج واحد اخر

المشكل أن هناك من تصبر

[FM 18]

المشاركة الأصلية كتبت بواسطة amal2000

كاين ديمقراطية نقوللهم انا لست موافقة وخلاص هذا طبعا كي نشوفه ومايعجبنيش بصفة عامة
كي مايدخلش راسي نقول لا ونهني روحي هذي راها عشرة سنين
بلا مانحكي على الدين والاخلاق لاني مارايحاش نشوف من وجهو الا كان مدين ولا متخلق ا ولا لا

هذا هو الكلام المنطقي

[nouna-12]

عادي نقول كل شئ بالمكتوب و خلاص
مانجرحه ما نهدر فييه نقول ماشي متوالميين
نخلييه يفهمها روحه
و اصلا هو داير في باله ممكن يعجبني و لا لا
و العكس صحييح و الا لما شرعتالرؤيا
حتي يلا كانت راحة و قبول الواحد يسهل

[نسائم الهدى]

المشاركة الأصلية كتبت بواسطة زينب

البنت واش تطلب اكثر من زوج صالح يعينها على الحياة وطاعة الله
لا يهم الشكل يا اخي
لذا انا ضد رفض اي طرف بسبب الشكل او المستوى المادي

بارك الله فيك غاليتي زينب
وأنا معك في ما ذكرته
فماذا تريد البنت من هذه الدنيا سوى من يسترها ويساعدها على طاعة الله والفوز برضاه سبحانه وتعالى

المشاركة الأصلية كتبت بواسطة الواثق

السلام عليكم اخي الفاضل.............................. هو الامر الذي طرحته امر صعب حقيقة من كلى الطرفين ...............لهذا الرجل يحاول ان يرى البنت ليس في الرؤيا الشرعية فقط ولكن قبل الرؤية الشرعية فان رأى منها ما يعجبه تقدم وبقيا الامر منوط بالبنت وهذا بعد ان يسأل عن خلقها ودينها....................................احنا رانا ننصحو ورانا حاصلين حتى في اختيار البنت ..........والله المستعان.............................لكن عجبني مثل يقولوه الكبار ههه

لا يعجبك نوار دفلة في الواد عامل ضلايل و لا يعجبك زين طفلة حتى تشوف الفعايل

بارك الله فيك أخي الواثق
ونحن عندنا نقول
لا يغرّك نوار الدفلة طرف الواد داير الظلايل
ولا يغرّك زين الطفلة حتى تشوف الفعايل
واللي يحب يشوف فعايل الطفلة
يشوف ليمّاها وباباها وشكون اللي يحكم في البيت
سلاااااااااااااااااااااااااااااام

[FM 18]

المشاركة الأصلية كتبت بواسطة أخت الرجال

بارك الله فيك غاليتي زينب
وأنا معك في ما ذكرته
فماذا تريد البنت من هذه الدنيا سوى من يسترها ويساعدها على طاعة الله والفوز برضاه سبحانه وتعالى

بارك الله فيك أخي الواثق
ونحن عندنا نقول
لا يغرّك نوار الدفلة طرف الواد داير الظلايل
ولا يغرّك زين الطفلة حتى تشوف الفعايل
واللي يحب يشوف فعايل الطفلة
يشوف ليمّاها وباباها وشكون اللي يحكم في البيت
سلاااااااااااااااااااااااااااااام

نعم هناك من تبحث عن أمور أخرى

[أبو صهيب ناصر السنة]

المشاركة الأصلية كتبت بواسطة nouna-12

عادي نقول كل شئ بالمكتوب و خلاص
مانجرحه ما نهدر فييه نقول ماشي متوالميين
نخلييه يفهمها روحه
و اصلا هو داير في باله ممكن يعجبني و لا لا
و العكس صحييح و الا لما شرعتالرؤيا
حتي يلا كانت راحة و قبول الواحد يسهل

ليت الكل يأخذ الأمر بهذه البساطة، للأسف البعض يظن أنها نهاية العالم وكل ما في الأمر أنه عدم توافق من البداية و قبل أي رسميات والأفضل قولها إن كان بصراحة أو بطريقة غيرمباشرة المهم أن لا نخجل في قرار مهم كهذا وأقول لصاحب الموضوع لا تفكر كثيراً في كيف ستنسحب إن لم تعجبك ،

تقولها الآن أفضل من فسخ الخطوبة
وأفضــــــــــل من الطلاق قبل الدخول
وأفضـــــــــــــــــــــل بكثير من الطلاق بعد الدخول
وأفضــــــــــــــــــــــــــــــــــــــــــل بكثييييييييييييييييييييييير من الطلاق بعد انجاب الأولاد ,
ونفس الكلام ينطبق على الفتاة إن لم يعجبها الشاب

[FM 18]

المشاركة الأصلية كتبت بواسطة tsolido

ليت الكل يأخذ الأمر بهذه البساطة، للأسف البعض يظن أنها نهاية العالم وكل ما في الأمر أنه عدم توافق من البداية و قبل أي رسميات والأفضل قولها إن كان بصراحة أو بطريقة غيرمباشرة المهم أن لا نخجل في قرار مهم كهذا وأقول لصاحب الموضوع لا تفكر كثيراً في كيف ستنسحب إن لم تعجبك ،

تقولها الآن أفضل من فسخ الخطوبة
وأفضــــــــــل من الطلاق قبل الدخول
وأفضـــــــــــــــــــــل بكثير من الطلاق بعد الدخول
وأفضــــــــــــــــــــــــــــــــــــــــــل بكثييييييييييييييييييييييير من الطلاق بعد انجاب الأولاد ,
ونفس الكلام ينطبق على الفتاة إن لم يعجبها الشاب

بالفعل فأنا أعرف أحدهم (على قده) تقدم رسميا لأكثر من 15 و رفض و الأن هو متزوج و هناك من عزف عن الزواج من أول رفض

[جسور المحبة]

اذا كان انسان متفهم نقولو بلي ما نقدرش نرتبط بيك وخلاص
واذا كان ما يفهمش نشوف للشروط لي مش قابلهم ونقولو عليهم مثلا يكون ضد العمل او سياقة السيارة رح نقولو بلي نخدم ونسوق

[جسور المحبة]

واذ ما نقدرش نكلف الاهل بهذا الشيء
الحمد لله مزال ما صراتش لي
علىكل حال ربي يقدر الخير

[BAROUD]

الامر صعيب تاع الصح كيما يقولك

حط يدك علئ قلبك اللي تضرك تضر صاحبك

لازم الاحسان و برك

[FM 18]

المشاركة الأصلية كتبت بواسطة baroud

الامر صعيب تاع الصح كيما يقولك

حط يدك علئ قلبك اللي تضرك تضر صاحبك

لازم الاحسان و برك

و كون تصرالك واش دير ؟؟

[غنوشة]

نحن عندنا طريقة دبلوماسية ،عندما يذهب الولد ليخطب ،أهلوا ميشربوش القهوى حتى تعجبهم العروس ،وإذا معجبتهمش يخرجوا بدون مايشربوا القهوى ،