مساعدة بخصوص طبق كفتة

[ميمنة الجزائر]

ديري الكفتة نتاعك وتوليها كيما موالفة يعني بالبصل والثوم ووالمعدنوس وبيضتين اذا عندك بزاف الكمية

وحطيهافي الفريجيدار حق ربع ساعة لان تتلم العجينة تاع الكفتة وجيبي المربعات تاع الفرماج كيري او شاف او اذا ما عندكش ديري المثلثاث

ديري بابي فيلم اولا وحطي العجينة تاع الكفتة وابسطيها كمستطيل وحطي الجبنة ديالك والزيتون ايفيلي

ودوريها حتى تجيك مثل الاسطوانة وغلفيها بالفيلم اليمونتار وحطيها في الفريجيدار قدر ربع ساعة باه تحكم روحها في الطياب

وبعدين جيبي المينيوم وحطي فيه الزبدة ولهوثي بيه البودا نتاعك وحطيه في الفورفي بلاطو فيه شوية زبدة وخليه يطيب راكي تلقايه طاب بعد نصف ساعة وديريلو صوص بلونش اذا حبيتي اللي تخدميها من زبدة وفقاع مع شوية زيتون وديريلو كرام فراش على الاخير وتبليه غير بالملح والفلفل اسود وتقدري ديري معاه جلبانة في الكوشة او لويا ماشطو او بطاطا كيما حبيتي وراهو يجي يهبل وراهو اسمو روتي تاع الكفتة وارجو انك فهمتي واش راني قتلك وتسلمسي حبيبتي