اقتباس:
المشاركة الأصلية كتبت بواسطة walid_alg
أختي انا عقبت مقابلتين لكن في منصب مهندس و ليس ليسانس لكن أعتقد لا توجد فرق كبير بين المقابلتين
أولا راح يقولك قدم نفسك : انتي تجاوبي اسمي ...... عمري ,,, ليسناس في .... متخرجة من جامعة ,,,, سنة ..... في عام كذا قمت انجزت مشروع نهاية الدراسة عنوانو اذا دراتو بيانسور و مبعد توقليليو وش درات في المدة بين التخرج حتان ذرك وش خدمتي وش درتي ليفورماسيو و اذا ما خدمتيش قوليلو على الأسباب لي خلاتك ما تخدميش مي بايني بيلي هذي المدة ما تأثرش عليك مبعد في الخدمة
و مبعد يسقيك وش خدمتي و ش تعرفي في سبسيبالتي تعك لازم تكوني متمكنة في الاختصاص تاعك
و ثاني يقلك وش تعرفي على مؤسسة سونلغاز ؟؟ نتي قبل ما تروحي للمقابلة لازم تكون عندك فكرة على المؤسسة هذي أدخلي الموقع تاعهم و شوفي حوايج المهمين
و يسقسيك وش تقدري تقدمي لسونلغاز ؟ انتي لازم تكون عندك ثقة في الامكانيات تاعك و ثقة من نفسك انك تستاهلي هذا المنصب
و ثاني بالك يسثسيوك على اللغات الأجنبية
و هذي هي برك الحاجة المهمة في المقابلات لازم تباينلهم أنك تريدين هذا المنصب
ربي يوفقك أختي و ان شاء الله نسمع منك أخبار سارة
|
مشكور أخي الكريم حتى أنا و استفدت من واش قدمتنا انا عندي ليسانس علم النفس العيادي و نزيد حاجة من عندي لازم كي تهدر معاه ما تجاوبش ونتا خايف و لا تزرب فالهدرة على خاطر رايحين يأثروا عليك و يبينوك مقلق و غير متمكن حتى ويذا انت العكس و بالتوفيق
( تقرير عن مشاركة سيئة )، و الموجودة أسفل كل مشاركة .
2011-12-17, 20:47
العرض الشجري