يلا يا لبنات رواحوا شاركونا هنا يومياتكم في الدار

[sondse1]

صباح الخير يا لحراير
صباح الخير حبيبة
و صباح الورود على احلى أمينة "ربي يخليك ليا حنونة راكي موصيا عليا"
واش راكم ؟
إن شاء الله تكونو بألف خير
اليوم راني هربتلهم من لعرس مي لحقوني و رايحين يرجعونييييي ههههههه
هاذي يومياتي كي نعود في الدار
نوض على 5.45 نقرا القران و من بعد نصلي الفجر و نكمل نقرا حتان 6.45
نهبط ندير لفطور " حليب / قهوة ساعات سفنج و ساعات ندير القاطو في الليل "
و من بعد نوض العايلة و نضم الغرف تاع خاوتي و أكيد غرفتي
نغسل لماعن تاع لفطور و نضم الهول و من بعد ندير لغدا و نضف الطابق الأول ولا الثاني على حساب الأولوية " يعني ساعات خاوتي يوسخو الطابق و يكون الطابق نتاعنا منظم نظف الطابق الثاني و هكذا "
و من بعد نمسح الأرضية تاع كامل البيت من الطابق الثاني حتان الطابق الأرضي
و في هذا الوقت يكون لغدا طاب نزيد السلاطة و الفلفل و الكسرة " رخساس ولا مطلوع و لا خبز الدار و إلا ما لحقتش نشري الخبز هههه "
و كي يتغداو نغسل الأواني و نكسن الأرضية و نرتب الهول و من بعد نبدأ الخياطة و من بعد العصر ندير لعشا و أكيد بعد لعشا نغسل الأواني و نكسن الأرضية
و بعدها ندير القاطو و نغسل الأواني " وساعات نخليهم هههه "
و من بعدها نقعد شوي في الانترنت

هذا هو يومي
وبالنسبة للعرس حبيبة راه مهبلنننننيييييييييي
بدينا بالشخشوخة
ومن بعد الدجاج و الفلفل
ومن بعد رانا في القاطو
و زاد عندي خياطة مازال ما كملتش للعروس والعريس
وان شاء الله السبت القادم نبدأ برنامجك
عجبني بزاف و عجبوني أفكارك للتنظيم و سورتو أفكار الثلاجة وتزينها
وحبيت نشكرك بزاااااااااااااااااااف على هذه المبادرة القيمة و الدروس الرائعة
وان شاء الله يكون جزائك الجنة لأنك أفدتي الجميع وخصوصا أنا

وحبيتك تمديلي نصائح كيفاه نخلي الكوزينة دائما مرتبة
لان الكوزينة نتاعي شوي فوضوية و ندير فوضة بزاف في المطبخ سورتو كي نطيب القاطوووووو

والف الف شكر على وقوفك معنا وان شاء الله كيما قتلك نهار السبت 17/12/2011 نبدا نطبق في برنامجك

ربي يجازيييييييييك الجنة ان شاء الله قولو آمييييييييييييييييين يا لبنات