اقتباس:
المشاركة الأصلية كتبت بواسطة yasmina dz
السلام عليكم
شكرا أختي على الطرح الجميل
الله يبارك و الله غير شهيتنينا
حبيت نسقسيك انا من المبتدئات في المطبخ يعني راني عاد نتعلم ( علابالي راني روطار ) لكن القرايا ماخلتليش الوقت
حباتك تقوليلي كل كريمة وين نديرها مثلا : الكريمة اللي نعملها من الفوق واش اسمها ؟؟ و اللي بين الطبقات واش اسمها ؟؟ يعني كل كريمة وين تجي
و اذا ممكن تقوليلي طريقة تحضير كريم باتسيار ( اسمحيلي شقيتك )
و بالنسبة لكريم شونتي قولتي 200 غ شونتيي هذا ينباع ؟؟ واش هي احسن نوعية
راح نعمل طارطت و نقولها كيفاش خرجت ( علابالي ماشي بحال نتاوعك )
عذرا على الاطالة
في امان الله
|
سلام اختي الكريمة تعبك راحة و انا في خدمتك بشي الي نقدر و مطولتيش عليا خلاص حبيت الرد نتاعك و بغيت نقرا كثر اما فيما يخص الكريمة من فوق هي عبارة عن كريمة شانتيي و هي عبار ة عن غبرة تنباغ بالغرام ماشي نتاع لبواط و راهي تدير في السوق من 50دج لل 100 غ الي 60 دج تطلعيها بالباتور مع الحليب و السكر و من بعد تديرها اي صبغة تحبيها او الكاكاو اما الكريمة الى تجي بين الطبقات تقديري تديري شانتيي او كريمة القارس او كريمة باتسير او لمسلين او كريمة الممزوجة بين باتسير و شانتيي
كريمة باتسيار
المقادير
نصف لتر حليب 2 بيض كاملين 3 ملاعق كبار نشا معمرين 200 غ سكر عادي فاني
نأخذ 2 بيض دربهم مليح مع 200غ سكر ثم نضيفلهم النشا و نخلط نأخذ كاس حليب و نضفولهم و نخلط و من بعد نصب الخليط في الحليب المتبقي نضعه على النار حتى يعقد و نحط جانبا يبرد لكن انتبهي سيدتي يجب مسح الطبقة من فوق بالزبدة او رش قليل من السكر باش مديرش الكريمة طبقة صلبة اما اذا حبيتي تجيك كريمة باتسيار شيكولا ضيفي للخليط الاول قليل من الكاكاو و في النهاية كي تكون حامية كسري قطع من الشيكولا اي نوع تحبيه و خلطي مليح صدقني تجي تحفة
وانشا الله تجيك مليحة
( تقرير عن مشاركة سيئة )، و الموجودة أسفل كل مشاركة .
2011-11-28, 21:22
العرض المتطور
