يلا يا لبنات رواحوا شاركونا هنا يومياتكم في الدار

[حبييبة]

المشاركة الأصلية كتبت بواسطة petra imad

حبيبة رانى دخلت ورايحة نحكيلكم يومياتى
صباح نوض على الفجر الادان الاول نصلى ركعتين ورقرا القران حتى الادان نتاع الصبح نصلى ونحصن روحى ونكل الرقاد حتى 8 ومرات نوض ديراكت نطيب القهوة من لى كان فى عمرى 11 سنة وانا نطيبها صباح من العام الى صرى ما صرى
عندى فى الميناج مرة الدور الاول نتاعاع المنزل عليا والفوق على اختى ونتبدلو باش مانكرهوش الا طيبت انا الفطور العشاء على اختى وللغد هى الفطور وانا العشاء ورايحة هاك حتى القهوة نتاع العشية نهار هى ونهار انا النفيض والتخمال مرة كل اسبوع متعاونين حتى صنع القاتو للقهوة يليق مرة هى والمرة الجاية انا
العادة السيئة الى فيا منخرج برى بزاف مرات مرة كل 20 يوم كترة بالسيارة حياب المورال
هدى بعض يومياتى وغدوة نكمل

و الله غير كيف كيف أنا تاني معا ختي دايرين الدالة في شغل الدار
رانا تشابهنا سبحان الله
الكوزينة الصباح عليا و العشية عليها
الفطور و العشا حسب الجدول
و أحيانا نوجد العشا معا الفطور مين يكون عندي الوقت
حتى الخرجة برى والله حتى أنا وين و وين نخرج غير بالسيارة مين يضيق الخاطر
لكن وحشة الزونقة و الدورات قاع ماتجيش في بالي
حاسة روحي هانية فالدار و فرحانة في حياتي رغم ما نشوفش الناس بزاف
رغم أني نحب الناس لكن وليت نبعد عليهم
وليت نحسهم تفكيرهم بعيد عليا أنا في جيهة و هوما في جيهة
الحمد لله لي لقيت الرفقة الصالحة هنا في منتدانا الحبيب
رانا تشابهنا سبحان الله