أختي الكريمة ، يجب عليك أن تلقاي السبب ، تفوتي تلقاي السبب ، خلاص ترجعي كيما قبل ،، صدقني ، أنا تاني صراتلي ،، كنت نكون في القسم ،، وكأنني ما كانش ، إنعدام التركيز خلاني ما قريتش عامين ورا بعض ؛؛؛ علابالك في هاذ الفترة ، فترة المراهقة ( أتصور أنك في هذه الفترة) كل الإحتمالات ممكن تكون واردة وتكون سبب في نقص التركيز واللامبالات في القسم ،، في بعض الأحيان يكون السبب هو العاطفة ، في بعض الأحيان،، المراهق يطمح للتغيير ، ويكون التفكير الوحيد تاعو في تلك النقطة ،، وهو في بالو بأن تلك النقطة بالذات لو يفعلها سيحصل على التغيير الذي يطمح إليه ،، ويبقى أسابيع ،أشهر يفكر في تلك النقطة،، وبذلك يفقد تماما التركيز في الدراسة مثلا والأمور الأخرى
علابالك في معظم الأحيان ،، الفكرة اللي تشغل بال المراهق ،، تكون فكرة تافهة جدا ومع ذلك يبقى مُصر ويعتقد أنها فكرة إيجابية
أختي ،، لازمك برك تخمي مع روحك ، تركزي ، تقولي بلي ما بيك والو ،، تقولي بلي راكي إنسانة متفوقة وبإمكانك تحدي الصعائب ، لازمك الباك هذا ديريه كي شغل تحدي ،، ولازمك تتفوقي في هذا التحدي ،، الوقت راهو ما زال الخير والبراكة ، توكلي على الله وإبداي في الدراسة .. شوفي زميلة معاك ، تكون حابة تقرا وأدرسو مع بعض ،، صفّي بالك وركزي 200 % في الدراسة ،، ما تخمي في والو خلاف ،، أخطيك من التفكير السلبي ( كما راكي تقولي المهم راني ماش قادرة نقرا) هذا تفكير سلبي هدام ،،، لازمك تبدلي هاذ الفكرة ،، لازمك تقولي مثلا : بإمكاني الدراسة ،، العام لي فات كنت متفوقة ، والسنة أطمح للأحسن ، ، عام لي فات جبت 16 ، عام السنة طامحة باش نجيب 17 ، لازمك تنحي المستحيل من دماغك ، علابلك كلش في الدماغ ،، التفكير السليم هو مفتاح النجاح ،، غيّري طريقة تفكيرك ، كوني مميزة ، إقراي بالقلب ،، حلي التمارين بحب ،، والله التمارين حلوين صح ،، كي تكوني فاهمة الدرس ،، وبالأخص كي تكونو في مجموعة هكذا ، تقراو مع بعض ،، وتتنافسو وديرو الدراسة تحدي ما بيناتكم ، وفي الأخير تلقاو بلي إستفدتو كامل من تلك التحدي ...
الأخت ، نتمنى أنني أفدتك قليلا ،، علابالي بلي التغيير ماش ساهل ، بالعقل برك ، وحدة وحدة وإنتي بإذن الله تلقاي طريقك
نتمنالك التوفيق أختي ، والنجاح بإذن الله .. توكلي على الله وصلي وأدعي ربي ... لي خلق ما يضيّع
( تقرير عن مشاركة سيئة )، و الموجودة أسفل كل مشاركة .
2011-11-17, 11:17
العرض المتطور
