للنساء فقط مشكل ارتفاع هرمون الحليب

[نجمة ساطعة]

المشاركة الأصلية كتبت بواسطة مريم-مريم

..........مشكورة اختي نجمة ساطعة ربي يخليك دايمن منورة.....يعني لما نقول للعشاب مريمية يعرفها؟؟؟؟؟وكيفاش نشربها تيزانة ولا راني غالطة....افيديني ولك كل الشكر.نخاف بعيد الشر تطور الامور الى عقم جراء هذه الاضطرابات الهرمونية رغم اني اعالج لكن كيف كيف

ربي يخليك
شوفي بالصدفة عرفت هاذ العشبة لاني اعاني من مشكل
فنصحني عمي بهذه العشبة ... لكن قبل ما قررت تجريبها
بحثت عنها كثيرا في النت ... الحق يقال وجدت انها عشبة
رائعة جدا و من فوائدها انها توقف الحليب حتى انه ممنوع
تاكلها اللي ترضع و مقوية جدا لعمل المبايض يعني العكس
هي تعالجلك مشكل المبايض و نزيدك انو زوجة خالي كان
عندها مشكل العقم مدة 12 سنة من بين الاشياء اللي نفعتها
هاذ العشبة
اما بالنسبة لطريقة شربها اي عشبة متغليهاش تغلي الماء جيدا
بعدا تلوحيها فيه مثلا غليت كأس و نص حطي فيه مغرف تاع ماكلة
و بعدها خليها حتى تبرد توجدي ماها عاد احمر حليه بالسكر
و اشربيه ... تقدري تشربي حتى ثلاث كيسان متفرقين في اليوم
و ربي يشافيك يا رب ننصحك زيدي ابحثي و راح تشوفي فوائدها
بالنسبة للشراء روحي للعشاب قوليلو اعطيني الميرمية راهي
ب 10 الاف للمئة غرام