احتاج الى اقتراح صائب

[نورالهدى**]

المشاركة الأصلية كتبت بواسطة dadozanouba

هو قصد الدار لازم على الاخت تكون اصيلة مثلو وتعمل باصلها وتشوفو في منزل والدها هذا ليس رايي بل هكذا الاعراف والاصول والتقاليد

شكرا على اقتراحك اخي

المشاركة الأصلية كتبت بواسطة أسية24

ياإخوتي الأخت نور الهدى ما راهيش قاصدة حاجة غلط لكن أنتم عارفين انو من تقاليدنا لازم البنت توافق على الشاب باش يجيب اهله يخطبو والبنت راهي حابة تشوفو قبل ما تقرر هذا ماكان يعني كيفاش تشوفو في الخطبة وهي لازم تقرر قبل ما يجي انا من رايي تحاول تتعرف على إحدى أخواته وتطلب منها توريلها صورتو هذي ما فيها والو

الحمدالله للي لقيت وحدة فهمتني


مشكورة اختي

[نورالهدى**]

المشاركة الأصلية كتبت بواسطة فيفان

انا مع كل كلمة قالتها الاخت كريمة82
كما لا حظت ان كل ماتطلبيي نصيحة في مواضعك السابقة و ما يعجبش راي الطرف الثاني تهجمي و تحبي تثبتي العكس
ارجو ان تتقبلي الراي مهما كان

في مواضيعي السابقة كنت نتناقش ماشي نهجم هدي واحدة


وفي موضوعي هدا جاوبت بعفوية ماعلاباليش بللي راكم حساسين هكدا


جاوبت بعفوية باسكو مافهمتونيش فقط


انتهى

[نسائم الهدى]

المشاركة الأصلية كتبت بواسطة نورالهدى**

الحمدالله راكي عرفتي تردي على روحك وحدك

(...................قالوا سلاما)
الـــلـــهـــم إنـــي صــــــــائـــم
الله يهدي

[فيفان]

المشاركة الأصلية كتبت بواسطة نورالهدى**

في مواضيعي السابقة كنت نتناقش ماشي نهجم هدي واحدة


وفي موضوعي هدا جاوبت بعفوية ماعلاباليش بللي راكم حساسين هكدا


جاوبت بعفوية باسكو مافهمتونيش فقط


انتهى

كيفاش حساسين هاد الكلمة مافهمتهاش من واش نتحسسوا
اواااه ياختي تباني نتي حساسة كل كلمة نقولوهالك تعقبي عليها و متخديهاش بعين الاعتبار
المهم مدام متمسكة برايك علاش حتى ديري موضوع و تطلبي راينا

[Hicham Ahmed]

سبحان الله..
تنهشون لحم بعضكم بعضا .. وكأنكم على صح ... والله كلكم غلط في غلط = دون اسثناء، حتى من طرحت السؤال =. ربي يهدينا ..

أما عن صاحبة الموضوع .. فالأكيد أختي أنك قد سألت عن دين وأخلاق هذا الرجل .. وطبعا من حقك أن تراه .. وما فهمته عليك .. هو أنك تريدين أن تراه بطريقة لا تسببين له إحراجا في حالة لم يعجبك شكله .. على خلاف الرؤية الشرعية .. التي يكون فيها الأهل حاضرين ..وهذه مسألة صح محرجة ..

الحل في رأي = لكن يجب عليك أولا أن تستفتين أهلم العلم، اذا كان جائز أم لا = هو طلب صورة له ..


الله الموفق لما هو خير

[نورالهدى**]

المشاركة الأصلية كتبت بواسطة hicham ahmed

سبحان الله..
تنهشون لحم بعضكم بعضا .. وكأنكم على صح ... والله كلكم غلط في غلط = دون اسثناء، حتى من طرحت السؤال =. ربي يهدينا ..

أما عن صاحبة الموضوع .. فالأكيد أختي أنك قد سألت عن دين وأخلاق هذا الرجل .. وطبعا من حقك أن تراه .. وما فهمته عليك .. هو أنك تريدين أن تراه بطريقة لا تسببين له إحراجا في حالة لم يعجبك شكله .. على خلاف الرؤية الشرعية .. التي يكون فيها الأهل حاضرين ..وهذه مسألة صح محرجة ..

الحل في رأي = لكن يجب عليك أولا أن تستفتين أهلم العلم، اذا كان جائز أم لا = هو طلب صورة له ..


الله الموفق لما هو خير

مشكور اخي على اقتراحك وعلى حكمتك خاصة

اما عن الصورة ففكرنا ي هدا لكنه صعب نوعا ما

يعني ماجاتش تطلب الصورة من الوالد لانو العلاقة الآن بين والد العريس ووالد العروس

وزيد ادا رفضت رح يتسب احراج يعني نفس الشي


شكرا لك

[نورالهدى**]

لحد الآن لم تجد قريبتي حل

المشكلة

سترفض العريس ان لم تراه

فانا بحاجة الى المزيد من الاقتراحات عسى ولعل اجد مبتغى قريبتي هنا

الموضوع مفتوح لكل من يريد ان يقترح ويساعد قريبتي فقط وليس لمن لغايته اخرى

اتمنى ان تتوضح الصورة

وشكرا

[أسية24]

اختي نور الهدى هل ممكن تطلبي من أخوك مثلا يناديه ويجلس معاه خارج القهوة وفي نفس الوقت تمري أنت وقريبتك وتشوفه

[نورالهدى**]

المشاركة الأصلية كتبت بواسطة أسية24

اختي نور الهدى هل ممكن تطلبي من أخوك مثلا يناديه ويجلس معاه خارج القهوة وفي نفس الوقت تمري أنت وقريبتك وتشوفه

صح



ممكن تكون فكرة مليحة

رايحةنخبرها ونردلكم النتيجة


مشكورة غاليتي

[نورالهدى**]

اسية24

اشكركي من قلبي بفضلك توصلنا الى الحل المناسب

وهاقد رات الفتاة الشاب واعجبها

والآن بدأالتحضير والتجهيز للحفلة الخطوبة بادن الله


جزاك الله خيراا

واشكر كل من ساعدن باقتراحاته


جزاكم الله خيرا كثيرا


وشكرا

.

[أسية24]

المشاركة الأصلية كتبت بواسطة نورالهدى**

اسية24

اشكركي من قلبي بفضلك توصلنا الى الحل المناسب

وهاقد رات الفتاة الشاب واعجبها

والآن بدأالتحضير والتجهيز للحفلة الخطوبة بادن الله


جزاك الله خيراا

واشكر كل من ساعدن باقتراحاته


جزاكم الله خيرا كثيرا


وشكرا

.

العفوحبيبتي والله غير فرحتيني سلميلي على قريبتك وقوليلها الف مبروك وربي يهنيها ولعقوبة لكل البنات

[نورالهدى**]

المشاركة الأصلية كتبت بواسطة أسية24

العفوحبيبتي والله غير فرحتيني سلميلي على قريبتك وقوليلها الف مبروك وربي يهنيها ولعقوبة لكل البنات

الله يسلمك حنونة

ويدوم الفرحة نشالله ويبارك في عمرك


امين ياربي

ولعقوبة ليك ادا كنتي عازبة او الاولادك ان كنتي متزوجة

شكرا جزيلا

[المتفائلة 83]

المشاركة الأصلية كتبت بواسطة عدة بن سليم محمد

لم أفهم شيئــــــــــــــــا

لكني إستنتجت أنــــــــــــــك لو عجبك شكله

فلا توجد أي مشاكل

والله الزمن غريب

أصبح الرجل يقاس بالأعين الزرقاء والشعر الأصفر و.............

ولم تعقد لقيمه وديانته شيئا من هدا إلا قليل في

أنفسنا

عفــــــــــــــــــواااااااااااا لكن ربي يهديك

السلام عليكم
والله ماحسبت ردك يكون بهذه الطريقة وانت تقول عكس ماتعتقد "اسقط توقيعك على كلامي تجدني محقة"
كنت تقدر تقول قابليه بطريقة شرعية وهذا الاصل والصائب واستخيري او استشيري اما تحكم هكذا اسمحلي...
الاخت محقة في كل شيء قالته هي ماحددتش مواصفات معينة لانو الشكل عامل اساسي ماشي شرط يكون بعين زرقاء وشعر اصفر على حد قولك وانما الشكل عموما حتى الوقفة راهي عندها دور وهنا ندخلو في امور اخرى مانيش حابة نطول نخرج على الموضوع
رانا عايشين في مجتمع واحد ونعرفو عقلياتنا كي تروح الام تخطب لابنها عادة نجد اللي بقاو مثلا بناتها او حتى زوجها يسالوها على شكل العروس اول الاسئلة تكون حول شكلها " شابة طويلة قصيرة ....".حتى لو كان الابن نفسو اللي اختارها يعني يعرفها مابالك هي يخصها الامر
وباش نكونو اكثر صراحة الدين اللي تحكي عليه راه يتعرف بالعشرة لانو اصبح مجرد مظاهر كي تتعرض لمواقف صعبة مع انسان تم تحكم عليه و تعرف دينو ومبادئو اما هكذا بالمظاهر مستحيل
واخيرا ربي يهدينا كامل وعموما اسفة

[الناصر لدين الله]

تستعين بأحد شباب الحي أو أحد إخوتها ليدبر طريقة لتراه دون أن يشعر