حياتي حجييييم لآ يطآآآآق

[غصون الاسلام]

المشاركة الأصلية كتبت بواسطة ألمـ وعشناه ...

السلام عليكم ورحمة الله وبركاته

من أين أبدأ وأين أنتهي .... عندما أريد الكلام تخونني الكلمات وتغلبني الدموووووع .... راني حابة نكتب مشكلتي اللي خلاتني نعيش في جحيم

أنا بنت عمري 21 سنة ... من يوم حليت عينيا على الدنيا هذي وانا عايشة في وسط عايلة نهارهم وليلهم كامل مشاكل ..... السعادة والله ما نعرفلها زيماه مدايرة لاني محسيتش بيها خلاص ....
الاسرة تاعي مثال وحي ورائع للتشتت الاسري اللي كان الضحية تاعو الاولاد ....
أبي يكون ولد خالت ماما يعني عجوزة ماما واللي هيا جداتي تكون خالتها بعدا .... المشاكل وقتاه وكفاه بدات منعرف ؟؟؟؟؟؟؟؟؟

ملي جيت للدنيا هذي علابالي بابا يكره ماما ويصيب ميشوفهاش وجداتي تاني وماما تكرههم في زوج وميهدروش خلاص مع بعضاهم.وكل واحد حاكم شومبرا وغالق على روحو ..... تخيلو عايلة والزوج والزوجة يكرهو بعضاهم كفاه رايحة تكووووووون .....

راني كرهت كرهت كرهت وانا عايشة في دار غير العراك والعياط ...

ماما تقولي انا مكنتش حابة ندي باباك وامها اللي جبرتها عليه .... وتقولي منين دخلت الدار هذي وجدتي تهدد باه تطلقها من بابا .... قالتلي كي جيتو نتوما حلفت بلي على جالكم نقعد هنا ...... بابا عصبي فوق اللازم الخدمة تاعووووووو العياط والتعاريك ...... ذوقلها لمرارة لامي هوا وجدتي ربي يسامحها ........ ومام ماما تاني ربي يسامحها اذا غلط واحد فيها ولو مرة برك تحاشمو وتولي تعيط وتقولو جداتك حرشاتك عليا ووليتو تكرهوني وانا اللي صبرت على جالكم .........

والله رانا عايشين في كاااااابوس حقيقي ..... عندي زوج خواتاتي مزوجين لحقتهم المشاكل تاع دارنا لديارهم وربي يصبرهم ..........

حتى حنا الخاوة بين بعضانا ولا واحد ما سامع بخوه ... دارت فجوة كبيرة بيناتنا كل واحد يحوس يهرب من الدار والمشاكل بأي طريقة ..........

والله نكتبلكم درك والدموع ماليين عينيا .... اي وحدة في عمري تتمنا ربي يرزقعا بزوج صالح باه تعيش معاه مهنية ..... أما انا نتمنا ربي يرزقني زوج غير باه نخرج من هذي الدار لأني لو نزيد عام ولا عامين علابالي نهبل والا نهرب ......

مقدرتش والله ما قدرت كل يوم نرقد وانا نبكي ... ندعي ربي يفرج علينا ويهدي كل واحد من العايلة تاعي وربي يسامح اللي كان السبب ...

الناس اللي يقربولنا كامل سمعو بالمشاكل تاع دارنا غير تمشي ماما لبلاصة تشكي وتقول على جدتي دارت فيا وقالت عليا وجدتي منين تمشي لبلاصة هذي هي السيرة تاعها ......

بابا وجدتي عندهم لطانسيو وماما مريضة بالقلب ..... تعرفو سعات نقول بلاك كون تطلقو والديا بلاك لوكان رانا احسن .....

الشيطاااان وما دار فينا ...... والله وصلت عليا ايام وليت ما ناكل ما نشرب ندعي برك يقبض روحي ونتهنا من الدنيا هذي ومن بعد نستغفر ربي ........

والله يتقطع قلبي كما نسمع لبنات يحكيو على العايلات تاعهم كفاه راهم يعقبو رمضان والعيد والعراس ولا حتى الايام العادية
من يوم خلقت مقعدناش كعايلة وحكينا كي الناس .. محسيت ولا دقيقة بلي راني عايشة وسط عايلة ووسط والديا ..... كل واحد عايش وحدو وكل واحد ياكل وحدو ......

انا رغم الحزن والعيشة اللي عشتها كنت ممتازة فالدراسة تاعي وتحصلت على شهادة الباكالوريا بمعدل 15 بصح والله ما فرحتلو كي الناس باسك مكانش اللي يفرح معايا غير ماما مسكينة .... الباقي واحد ما سامع ميتة ولا حية نجحت ولا منجحتش ....... انا دركا راني نقرا طب والقراية صعيبة وزيد المشاكل اثرت عليا راني ندعي ربي برك يعطيني الصبر الصبر الصبر برك نكمل ونخدم ونهرب من الداااااااار والجحيم هذا اللي راني عايشة فيه .........


علابالي درك تقولولي اصبري ..... راني صابرة ...اني 21 سنة واني صابرة .....

نطلب منكم برك تدعووووووووووووووووولي ربي يهدي كل واحد فالعايلة تاعي ويفرج الكرب اللي رانا عايشين فيه ...... ادعولي ربي يرزقني الزوج الصالح اللي يقدر يخرجني من الكآبة اللي راني عايشة فيها ويريلي طعم السعادة زيماه دايرة .......... حابة نحس بلي راني انسانة عايشة فالدنيا .... حابة نعيش ولو يوم واحد وسط عايلة كي الناس .....

والله مقدرت نكمل والله غلبوني الدموع مقدرتش حاسة روحي كون نزيد عام والا عامين وسط الجحيم هذا يا نمرض بالسكر والضغط يا نهبببببببببل


ادعوووووووووووووووووووولي من قلبكم تعيشو

اختي الكريمة


و الله العظيم انو حكايتك نفس حكايتي

غير انا عندي 24 سنة

و انا على حساب واش راني شايفه انو مشكل نتاع عائلتي انو الوالدين خاصة ابي ..........كل ما نقعدو قاع الاخوة يقعد يتكلم معانا غير على الدراهم

و تاني شي يقعد ينحي من اخ و يعطيه لاخ تاني

ربو فينا الانانية و الكره لبعض -الله يسامحهم- يمكن يكونوا عملوا هاكده عن غير قصد لكن معليش راهي حياة و رانا نعيشوها

و الله يا اختي انو اخواتي المتزوجات راهم يخافو يجو لعندنا في الدار خايفين من بابا لايقعد يحكيلهم غير على الدراهم و انت عملت هكدا و كدا

و مكانش قاع الحنانة

و تصوري يا اختي احنا كنا في رمضان في وقت الفطور دايما ناكلو بالزقا حتى رجعلنا غير الواحد ياكل خفيف و ينوض من بلاصتو ............. حوالي 10 دقائق

الله يجيب الخير

لكن اتعلمت انو نعيش لنفسي و للناس و نساعدهم على حسب قدرتي و اصل رحمي

لانو الاخوة مراحش يفوتو بعضاهم اذا كانت القلوب مليحة

و انا راني عارفة انو لو الله لا يقدر تموت ماما ............. بابا راح يطردنا


معليش كل شي يفوت

و خلي تكلك على الله عز و جل و لا تياسي من رحمة الله و الله يرزقك بالزوج الصالح


بالتوفيييييييييييييق