الى الاخت قنوان دانية .... سؤال محيرني

[Ima.Maths]

المشاركة الأصلية كتبت بواسطة captain pilot

السلام عليكم

مرحبا بك اختي

سوف اخبرك بالسبب لكن ارجو ان لا تقيسيه على نفسك

اولا
العام لي فات قالولنا المدارس الوحيدة لتمدلنا مهندس دولة و انا اخترتها لهذا السبب و اكد ذلك في الدليل تاع الطلبة

المهم استهلت القراية و طامح باش نروح الى بعيد في مشواري

بدات المشاكل تاع نقص الاساتذة و استاذ يقري ثلاث حصص و يجي عندنا منهك يخرجنا نصف ساعة قبل الوقت
و الادارة كانها بناية مهجورة و بعد شهر جابولنا الاستاذة و كما يقولو جا يساقمها عماها اساتذة شباب بدون ادنى خبرة متفهم والو معاهم بديت نكره وليت نخرج من المحاضرات كما دخلت رغم انني اجلس فس الاماكن الاولى و كان الكثير يعانون مثلي و اصحاب 17 و 16
و بعد مرور شهرين و نصف بداااو اضراب تاع الاقامة و قلة النقل و بدا الوقت يضيع و بديت نكره جد القراية كنشوف صحابي ليجابو 11 و قراو التكنولوجيا و الرياضيات و الاعلام الالي قريب يخلصو السداسي و قارين خير منا

كيحسنو بعض المشاكل رجعنا للقراية ............ يجي الخبر لهدملي قاع القلاع ....... القصور لبنيتها في احلامي .........
اصبحت المدارس تتبع نظام الجديد الالمدي وبعد اضراب شهرين ........ قالنا المدير راكم مهندس دولة انا نعطيهالكم هههههههههه و انا ذهبت شخصيا الى الوزارة مع اصدقائي و قالنا مسؤول منذكرش اسمه ان قرار الالمدي رسمي و مكاش ليبدله .....
و زيد قالك انني ادرس سنتين من الدراسة الكثيفة و الظروف الصعبة و نحسب في روحي راني خير من الجامعيين
و يجي وقت المسابقة الوطنية تاع المدارس تكون شاطر و تجيبها و تنجح و تروح تدرس فس مدرسة عليا سنة تتحصل على الليسانس .............هههههههههههه و تزيد سنة ماستر 1 هههه هذا هم الافضل لميجيبش الكونكور يولي للجامعة و يضيع عام ............................. في هداك الوقت كرهت حياتي روحت دارنا و مرضت من التخمام و قررت الانسحاب و خيرها في غيرها


راني احكيتلك ههههههههههه كثرث عليك الله غالب خرجت واش في قلبي

اسباب التراجع

1- المشاكل المتكررة و نقص الامكانيات البشرية و المادية لتطبيق البرنامج الصعب و المكثف
2- لا فرق بين الجامعة و المدرسة في الجزائر يمكنك الدراسة في الجامعة و ان تصبح افضل 100 مرة على خريج المدرسة
3- المستقبل الغامض لا احد اجابات عن تساؤلاتنا
4- الترميميد و سهر الليل بلا فايدة



الدرس لاستخلصته هو لازم منديرش روحي قافز و ندير الحاجة الصعبة الغامضة لي حتى واحد ميعرفها لان هذي حياتس و مستقبل

نخير اختصاص باين و مستقبلو معروف و الله يبارك كاين بزاف



صح فطورك اختي و ان شاء مكرهتيش من الثرثرة ههههههههههههه

شكرا جزيلا ليك خويا

والله انا جد متأسفة على وش صرالك ومتخممش راك في اول المشوار وكيما يقولو الضربة التي لا تكسر ظهرك تزيده قوة..

وما شاء الله تظهر عليك ملامح التفاؤل وتجاوز الأزمة ودليل ذلك رغبتك في الاستمرار والنجاح رغم خيبة الأمل..

وطبعا أنا استفساري كان لآنني خيرت المدرسة العليا للإعلام الآلي ويا درى راح يكون المصير هكذا ولا أرحم.. يعني احتمال ندير ترونسفار لأحد الشعب المعروفة كيما قلت ويخي حنا كامل راح نخرجو شومور مالا لاه تكسار الراس ههههه

المهم مشكور جدا اخي لانك فتحتلي قلبك وسرك في بير ههههههههههههههه

ربي يوفقنا لما فيه خير.. وان شاء الله يعوضك ربي بأحسن منها وكيما قالو بدل المراح تستراح..

صح فطورك وعيدك مسبقا..