الحلقة (4) من المسلسل : زينب مقلقة على الزواج وعمار مقلق على تكاليف العرس

[thorpe]

المشاركة الأصلية كتبت بواسطة الشــــــيخ

سلام عليكم :

قاللك زينب تهدر مع يماها ( الوالدة) :

زينب : يما والله ياعمار راه غاارق بالمصاريف تاع زوااج ... علينا نقصوا شوية المدعوين وبعض الامور لي نقدر نشروها من بعد

الوالدة : اسكتي وبلاكي تزيدي تعاودي لي هذه لهدرة .... حبيتي تبهدلينا مع الفاميليا وحبابتنا ... يدبر راسو هو لي حب يتزوج دورك .

زينب : بصح يما انتي حبيتي تزوجي بنتك ولا تفتخري على الناس

الوالدة : في زوج .. علاش انتي واش خصك ..... الزين والعقل والفهامة ...... كل واحد يتمنى يديك .

زينب : يما على الاقل مانديروش عرس كبيرة المهم نفرحوا ونتزوجوا ....

الوالدة : قلت حابسينا من لهدرة هذه .... وهو واش داه يتقرب ليك ... كان يدي واحدة من غير فامليتنا .... درلو فاسيلتي

زينب : ايه خلااص .... راكو تعيو فينا وتزيديو ا ......

دورك نروح نتليفوني لو توحشتو ا

زينب : طييييط .....طييييط ....طيييط ( راه يصوني) .... واش بيه هذا ؟؟

ايا من بعد هو ما حبش يرفد عليها ... وهو لي عاود اتصل بيها

عماار : الو .... وي زينب لاباس عليك ؟ ...داركم لاباس ؟

زينب : لاباس .الحمد لله كامل رانا ملاح ... وانتما لاباس

عمار : لاباس .... كاشما خصك عمري ؟

زينب : لالا ... حبيت نهدر معااك ... عندي مدة ماسمعتش صوتك

عماار : اييه صح ... عندك الحق بصح الله غالب راكي تعرفي الخدمة وزيد نحضر للعرس ...

زينب : ايه حتى انا ثاني .... بصح انت نسيتني خلااص ... ماتعيط ماتحزن

عماار : والله واالو ياعمري ..... راك تعرفي انا وحدي في الداار ... يعني كل شيئ على راسي .

زينب : ايه صح ... قولي وين وصلت في التحضيرات ... جبتلي واش قلت لك .؟؟

عماار : ايه جبيتلك ... وكاين بعض الاموور لي راهي ناقصة .. راني نبحث عليها ....

زينب : اسمع ... انا ماتنساش برك الكراكو وجبة الفرقاني ...هدوك هما لي نتصدر بيهم مع الاول

عماار : ان شاء الله ...

زينب : والصالة كيفاش .... لقيت ولا مزاال

عمااار : لقيت وحدة قالي بتسعة ملايين .... ( تقاطعه زينب)

زينب : اييه ... اذا واسعة وشابة ... مليحة

عمااار : اوكي

زينب : اسمع ولابارووور هديك بدلتها وجبتلي لي قلت لك عليها ....

عماار : مزااال ..... هديك والله راهي غالية بزاااف ..... راني نخمم نجيبلك غيرها

زينب : لالا انا عجبتني هذيك

عمااار : اوك ..... ربي يلطف برك ويكون في عونا

زينب : علاش قلت هكدا ؟؟

عمااار : تعرفي ... بعد العرس انا يلزم ندير فيها تليطون وطني باش نرجع واش صرفت ...هههههههه

زينب : ههههههههههههه ...... الرزق عند ربي ..... ايا تبقى على خير وتهلاى في روحك

عماار : سلام واتهلاي في روحك

من بعد جوست هو غلقت التليفون ..... جات يماه ( الوالدة)

وليدي واش قالولك ..... واقيل راهم يضغطوا عليك بزااف

عماار : لالا يما مكان والو .... زينب برك حبيت تهدر معيا بويسك انا عندي مدة ما تليفونيش لها

الوالدة : ااااه ..... وليدي اذا شفت بلي رااهم يشرطوا عليك بزاااف ... خليها وانا نشوفلك واحدة خير منها .كل صباع بصنعة

عمااار : لالا يا يما واش دانة للهدرة هذه ...

الوالدة : بصح راني نشوف فيك مقلق زيادة وسوور شرطو لك حوايج بزااف

عمااار :شوية ضغط تاع العرس برك يما ....... وجوز ان شاء الله ونفرحوا كامل

كون انا الالمانية (( ماريا )) تطلب هذا مني
براسما نرجع سباحة للجازاير وربي كبير

عمار صبرو طال