ما هي أفقر ولاية في الجزائر ..؟

[نادية14]

المشاركة الأصلية كتبت بواسطة سعديةنوراليقين

والله ما فهمت واش من فقر راك تقصد فقر الموارد ولا فقر العباد إذا راك حاب تشوف الفقر نتاع الصح لازم تهبط للولايات نتاع الجنوب الصحرا ياخويا الناس فما في ميزيرية كحلة الأمراض على كل الأنواع كيما حب قلبك الإشمانيوز ارمد الحبيبي الجرب السل لي راك حاب تشوفها شوفها الما ماكانش تريسينتي تروح وتجي الطرق ماكانش السخانة نار جهنم الجهل والتخلف الطبيب مارهو حاب يقعد في الصحرا المعلم تاني هو روحو شوفو شكون لي جا المرتبة الأخيرة في شهادة التعليم المتوسط ورقلة ب 28% ويلا ما كدابنيش ربي. الناس تعاني لي حبت تولد تركب فوق حمار حاشاكم تتمشى 10 كيلو باش تلحق لسبيطار وأحيانا تموت في نص طريق أنا رحت لتيميمون قعدت يومين وجيت هاربة رجعت للبيض كنت نقول كيما كاع نتوما ويلايتي 32 هي الفقيرة بصح حنا لحمد لله إذا قارنا رواحا بالجنوب لي حاب يشوف الفقر يهبط للصحرا خاوتي فما تحمدو ربي وتقولو حنا رانا في نعما الصحرا بقرة حلوب يعيش منها الشمال وناسها يموتو من الفقر سلااام

هذا الكلام نتاع الصح