فالنحاول مساعدة بعضنا هنا (( مشكل وحله ))

[thorpe]

المشاركة الأصلية كتبت بواسطة عطر الملكة

اكيد حلها الصبر

مي واش نقول كل مرحلة من حياتي تكبر معايا المشكلة يعني مثلا فترة الثانوي كان وضعي احسن بكثير رغم اني عايشة نفس الوضع و نفس الوحدة و نفس حالة الانطوء شي ما تغير لكن كنت سعيدة في حياتي
مرحلة الجامعة تعتبر الاسوء و ما جاء بعدها اكثر سوء درست مرحلة الجامعة مش بقناعة و انما بضغط لانو المحيط يقلك كيفاش جبتي الباك و تخليه يروح باطل ايا فتت للجامعة كنت نحضر برك التيديات ما نذكر بعمري حضرت محاضرة الا نادرا

خلاصت الجامعة و جات مرحلة مختلفة تماما و هي المرحلة الحالية و نفسيتي من سيئ لأسوء

و الحمد لله على كل حال

معليش اختي
راني فاهمك والله
مي كون جات بيدي ضرك نخلصك من هاد المشكل
انت الي لازم تتخلصي منو ما تخليهش يتخلص منك
وزيد اعرفي بلي احنا مجرد اشارات تساعدك في الوصول الى غايتك ماشي احنا الي رايحين نفريوهالك
احنا نحاولو نعطيوك الطرق وانت هي الي تطبقي وتحتمي على نفسك
لازم تكون عندك الارادة والعزيمة
واهم حاجة اتوكلي على ربي في كل صغيرة وكبيرة
وان شاء الله بالدعاء نتاعك ونتاعنا رايح تتحسن الاوضاع لما هو خير باذن اللله عز وجل
ربي يعاونك ويكون معاك يا رب