استطلاع: تهمكم المعدلات ولا ما تهمكمش؟؟؟

[جناح الحمام]

السلام عليكم ورحمة الله تعالى وبركاته.
كيف حال الدراسة والتحضير للباكالوريا؟ طرحت هاذا الموضوع لأني حابة نعرف رأيكم بصراحة .
أنت كتلميذ في السنة ثالثة ثانوي تهمك معدلات الفصول ولا ماتهمكش؟ لأني شفت البعض كي تقولو على المعدل,يقلك المعدل لاه بيه . وما يعطيش اهتمام للاختبارات.وما يجيش يعقبهم كامل......أنا صراحة يهمني المعدل. وتوجور نحاول نجيب مليح....لأنه الواحد كي يخدم من عندو وما ينقلش يعرف مستواه بالمعدل. ويشوف وين راه واصل بالتحضير للباكالوريا وماذا ينقصه......هي صح الباك هو الصح.بصح المعدل ثاني مهم......هذا بالنسبة ليا.كل واحد ورايو,لذلك أرجو أن توفونا بآرائكم من فضلكم..............شكرا......إن شاء الله النجاح في الباك لكل من تعب واجتهد.

[ناجحة ان شاء الله]

صح يهمني المعدل خاطر بيه نعرف مستوايا وسوغتو كي نكون عارفة بلي خدمتي صح ....وبيه نعرف وين راني واصلة وواش قادرة ندير .....هدا ماكاان......لكن ما نحبش ننغر بيه ولا يحطلي من معنوياتي خاطر عارفة بلي المعدل تاع الصح الي نجيبو في الباك وان شاء الله تكون معدلاتنا كلها رائعة
شكراااااااا اختي

[بيلسان91]

تقبلوا مني هده النصيحة:
المعدلات تا العام راهي معندها حتى معنى متفيدكم في والو.انا قراو معايا وحايد لا علاقة بالقراية ونهار الباك جابو لي مونسيو ودارو طب و .....ووحايد يقراو يقراو يقراو مليييييييح ومداو لا مونسيو لا والوووووووو..والله اعلم

[نسمة النجاح]

السلام عليكم

بالنسبة لي

فلا تهمني المعدلات
ما يهمني هو نقاط الإختبارت
فالإختبارات تجرى في جو يشابه ولو بنسبة قليلة جو الباكالوريا
كما ان الإختبارت تكون تحصيلية بالتالي فتمكنني من معرفة مستواي الذي وصلت اليه وان كان بامكاني حل مواضيع الباكالوريا
كما اتعرف من خلالها على نقاط ضعفي حتى اتجنبها ونقاط قوتي حتى اعتني بها


وهذا رغم ان نقاط الإختبارت لا تعبر عن مستوانا الحقيقي مهما كان

ويبقى الصح في الباك

وفقنا المولى واياكم

[✗ ┋ وَړْﮃَةُ آلـﭴَزآئـړْ ┋ ✗]

السلام عليكم

المعدلات لا تهم إطلاقا

الواحد إذا حب يقيم روحو يحسب معدلو بالاختبارات فقط لأنو المعدلات زايد فيها التقويم كاشما كان تقويم في البكالوريا؟؟؟؟؟؟

يعني الواحد باش يقيم روحو لازم في الاختبارات يخدم وحدو ونهاريردولو النقاط يحسب معدلو بدون الفروض والتقويم كيما البكالوريا

[ياسرون الجزائري]

قال لنا استاذ الرياضيات :
ادعي ربي يجيبو حاجة متعرفهاش باش تولي تعرفها

[جناح الحمام]

المشاركة الأصلية كتبت بواسطة نسمة النجاح

السلام عليكم

بالنسبة لي

فلا تهمني المعدلات
ما يهمني هو نقاط الإختبارت
فالإختبارات تجرى في جو يشابه ولو بنسبة قليلة جو الباكالوريا
كما ان الإختبارت تكون تحصيلية بالتالي فتمكنني من معرفة مستواي الذي وصلت اليه وان كان بامكاني حل مواضيع الباكالوريا
كما اتعرف من خلالها على نقاط ضعفي حتى اتجنبها ونقاط قوتي حتى اعتني بها


وهذا رغم ان نقاط الإختبارت لا تعبر عن مستوانا الحقيقي مهما كان

ويبقى الصح في الباك

وفقنا المولى واياكم

وعليكم السلام أختي نسمة النجاح. في الحقيقة عجبني رأيك.أنا كي قلت المعدلات كنت نقصد بيه النقاط. إن شاء الله التوفيق والنجاح في الباك بأعلى المعدلات. شكرا لك وبارك الله فيك

[°واحد من الناس °]

تهــــــــــم
منقلكش لانو الباااك ولا غيرو

وحتى باه منقيسش وحي
منحبش نبان عند الاساتذة لي نقدرهم اني نتمسخر

على الاقل مش يتعبو ويصيبونا فاهمين ومن بعد يتبهدلو قدام الادااارة

[القارئ الجزائري]

مهمة بالنسية للجانب النفسي

[rabehroro]

الباك يبا با هو الصح اما المعدل بروفيزوار

[koukou93]

ان الحقيقة يهموني بزاف لانو نشوف روحي وين راني و الحمدلله تبالي راني ماشية في الطريق الصحيح

[feriel1]

انا اهتم بنقاط الاختبارات وعلى اساس هذه النقاط لي ندير معدلي
لان في الباكالوريا ماكان لاتقويم ولا فروض .
شكرا على الموضوع

[جناح الحمام]

شكرا لكم على آرائكم ووجهات نظركم.ربي يوفقكم