اضراب أمناء الضبط يشل المحاكم والمجالس القضائية

[karimtomy]

رحلة كتاب ضبط مع قطاع العدالة

يالي باغي تتوظف فالعدالة بقرار نوصيك اسمع لي واعرف واش يخرج عليك
اسال المجرب هذه نصيحيتي ليك نقسم بربي خالقي مانزيد كلمة فيها عليك
الخدمة فيها بالقناطر مترفد فيها عينك و الاجال محددة بقوانين كلها محسوبة عليك
التفنيش العام كله مهود عليك وادقق فالسجلات بلاك يلقى غذلطة عليك
الدخلة فيها بالبصمة والالة تشكر فيك و الخرجة مثيبها بالدقيقة تسجل فيك
الكاميرات منصوبة في كل جهة تراقب فيك مع من تتكلم ولي اجي ليك
البارمنوس كل سمانة استنى دورك اجيك من عند التلفون ما تتحرك واترد على لرن عليك
مقرر الخصم بالخف يتنفذ عليك واذا طلبت التسوية محال يسمعوا ليك
لانقابة كينقابات ترفعلك راسك وتحميك والذل ديما راكبك من راسك ارجليك
لا شهرية زيينة كشهريات تفرج عليك لا قانون ابينلك لضدك ولي ليك
الناس مهنية وانت تخمم في هذي و ذيك واذا اتفكرت غلطة النوم افارق عينك
اسمع لي ياخويا وانزيد نوصيك بلاك تغلط غلطتي والايام تزيد تديك
اذا اشريت دجاجة الناس تتعجب فيك و تتعالم بخلاصك ويكثر الطبطيب عليك
.........................