للفتيات غير المتزوجات فقط

[اليتيمة العصماء]

انا عندي المهم ان اجد الشخص المناسب منبعد كولش ساهل عرس نهار او فايت

[العابد عيسى]

السلام عليكم خاوتي اعلاه راكم اتعبوا في ارواحكم ....المهر في الجنوب راه ما ايساوي والو اذا ما قورن بالولايات الاخرى راه الحق 50 مليون او ما اتجيبلك والو

[bacostinia]

نطلب مهر معقول

[noralheda]

السلام عليكم نهدرو بصراحة لبنات ولولاد ثاني ماراكمش خارج لافار المهم عادة البنت كي تقبل بواحد تحاول تعاونو امبصح التقاليد والعرف عندو احكامو وكل واحد وكيفاه احدد السومة واعذروني في التعبير هذا مثلا البساكرة محددينها ب10 ملاين جهاز و8 ملاين ذهب يعني روحت 18 مليون ياشباب وراهم ذرك حابين اهبطو شوية اقتداءا بالشاوية الي مثلا عندهم تسلك 10 ملاين وداخل فيها الذهب و3 ملاين نتاع الحنة وكاين الي يسلكو 5 ملاين برك كي تكون في لافامي والي ابدل ويحوس اطلع كاين جماعة نتاع الشيوخ اريقلوه وما يخلوهش وربي يعاون الجميع

[c.linda]

نحن نقول أن المفاهمة بين الطرفين هي التي تخلق مهراً مناسباً لكليهما فاذا كان الشخص المتقدم على دين و خلق فذاك هو الاصح أما النقود و الاشياء الباقية فمخلوفة لكن الدين و الخلق اذا ضيعناهم فلا أظن اننا سنجدهم خصوصاً في هذا الوقت و يبقى هذا مجرد رأي

[normalak]

مبلغ مالي رمزي + مصحف و نطلب الهناء

[normalak]

السلام عليكم هذه أول مشاركة لي معكم أرجوا أن تتقبلوني بينكم

[نسيم الجود]

المشاركة الأصلية كتبت بواسطة darcyber

أين أنتم يا بنات أو الموضوع شوية حساس ليكم
حابين نديروا حسابنا برك

:1 9:

[وردة مستغانم]

مساء الخير المهر عدنا في مستغانم ماشي غالي بزاف

[وردة مستغانم]

لي راه حاب يتزوج يجي لمستغانم عدنا الدفوع 4 او5 او6 ملاين برك وزيد 2 ملايين تاع الكبش والدهب بلا حساب هايا شكون قال تجو و لا لا لا

[lina89]

لعل المهر هو اخر شيء يجب التفكير فيه يا شباب ......ادا نسلتكم من دركا فكروا كيما من بعد .......

تقلك جيب هادي وما تجيبش ادي......فكروا كيما تصرفوا عليهم وعلى زوج دراري ................الله يكون في عونكم


المهم ننصحكم بحاجة وحدة اللي رح تتزوجها لازم تكون مخيرة كيماه مخيرة

نقلك روح شوف امها تعرف اش هيا.......ايلا كانت امها ناس ملاح مسايسة باباها تجي طفلة كيما امها.....

جربوا وقولولي .......وعلى المهر لا تستبقوا الاحداث فعندما ياتي اوان ذلك والله ادا كنتوا تثيقوا في ربي غير يقدهالكم......يسرلكم الامور

ما تخافوش ...وعلى الله فليتوكل المؤمنون............

[ملاك الاسلام]

بصراحة انا لن اطلب الكثير بل ما يقدر عليه خطيبي لان المهم هو الهناء و السعادة رغم ان الحياة اصبحت صعبة و كل شيء غالي الا اننا لسنا مجبرات ان نملك كل شيء بل ما يجب ان نملكه هو السعادة و راحة البال و لكن رغم قناعتي الشخصية الا ان لوالدي رأي و لا أدري ما رأيهم عندما يحين وقت زواجي سنرى

[خديجة البليدية]

والله خلوكم من الدروس والعبر انا فهمت المقصود من السؤال ونتوما كامل فهمتوه بصح راكم تماطلو .انا صراحة مهري ميهمنيش شحال يكون حتى ادا كان قليل العبرة واشراح ندير بالمهر انا قررت المهر اللي يعطوهولي نشري بيه الدهب ونحطو في عينين راجلي وناس بيتي باش غير يسقسيوني على المهر نتاعي نغلقلهم فمهم ومنخاليلهمش كامل الفرصة باش يسيطرو عليا .البنات فهمتو قصدي وان شاء الله اديرو كيما انا

[mamah]

أقلهن مهرا أكترهن بركة انا با النسبة ليا الدراهم حاجة زيادة تكون 20 ولا 10 مليون كيف كيف المهر الحقيقي هو الهنا و التفاهم ان شاء الله الغاشي الكل يفهم هاد الشىء و شكرا

[تلميذة الأيام]

ماذا ستستفيد الفتاة إذا اثقلت كاهل خطيبها بالطلبات ثم إذا جاءت إلى بيتها تجد زوجا غارقا في الديون . أما بخصوص المهر فليس للفتاة يد في تحديده وغالبا مايكون مابين 8 ملاين إلى 10 ملاين إضافة إلى الكبش والذهب حسب الإستطاعة