حكايات الزائر المشبوه

[** مريم **]

المشاركة الأصلية كتبت بواسطة الزائر المشبوه

مساء الخير اخت مريم....
انا مجرد مرورك وتعقيبك يضحكني بلا ما تحكي ..لنتي باينه مطروشة شويا (هههههههههههه نقصر)
ليوم كنت في محطة نقل و التطباع والعقلية الدزيرية تدور....وكنت انا وواحد صاحبي قاللي راك تشوف لي زالجيريان.....امالا حكيتلو تع حبيبنا لي راح للانجليز.....مقريب ماتلي بالضحك....ونعود قاتل روح بسباب حكايتك.....سلااااااام.

مساء النور اخي . راني بديت نرفد شويا الحكايات :

قالك واحد الطاكسيور شاف ثلاثة عباد يحوسو طاكسي ، حبس عندهم ( ڨارا ) !! كي حبس عندهم شوفهم مشي عباد نورمو ( نورمال ) ، شغل مراض عقليا !! دار في حالو ، ما حبش يرفدهم معاه في الطاكسي . لكن ، قال كيفاش ندير باش نديباراسا منهم ؟ هوما مهابل !! واش دار ؟
دوّر الديمارور برك و عاود رجعو و قاللهم هيا رانا وصلنا ، و هو ما ديماراش من بلاصتو !!
الاول قالو بارك الله و فيك و هبط من الطاكسي .
الثاني قالو شحال نعطيلك ؟ و هبط .
اما الثالث ، هبط و راح ليه للافون ، و ضربو بكف !!
الطاكسيور ، قال ، ايا الزوج لوخرين مهابل صح ، الطروازيام واقيل فاقلي بلي ما ديماريتش !!
قالو علاش تضربني بكف ؟
قالو : وعلاش تجري بينا بزاف حتى وصلنا تم تم ؟

جاسبار مفهومة النكتة