|
|
|
|||||||
| منتدى الحياة الزوجية كل ما يتعلق بالزواج السعيد من وحي ديننا الحنيف، ... |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
أحدري اختي افشاء سر بيتك الزوجي
 |
|
|
أدوات الموضوع | انواع عرض الموضوع |
|
|
2021-11-29, 00:11
|
رقم المشاركة : 1 | ||||
|
السلام خياتي راني متزوجة في 6 سنوات منهار الاول باينة حياتي راجلي يسبني وسب اهلي كرهني في حياتي وكي يصرا مشكل بيناتنا يخبر صحابو واهلو على اتفه حاجة يدير مشكل وزيد هجرني و خادعني كرهت حياتي والله عاونوني واش اندير
|
||||
|
|
2021-11-29, 07:38
|
رقم المشاركة : 2 | ||||
|
اقتباس:
قوليلي انت واش ديري قبل ماكثة ولا عاملة... عندك اطفال.... شوفي انت لازم درك تبداي من الصفر ... انساي فكرة سبني وهجرني وخادعني .... انتي وصلت روحك لهذا الشيىء هو في حال حالوا ينوض يسب و....و..... معليش قع نغلطوا وهو بلاك راسوا خشين.... 6 سنين راكي عارفة واش يحب واش ما يحبش معليش نوضي اشطاري واقفزي على روحك و خليك من الرقاد .... الحاجة الاولى ارقيلوا رقية صحيحة بلاك راهم دايرينلوا ... لا صبتيه لباس روحي للثانية حاولي اقعدي معاه قوليلوا يفهمك علاه مسودلك معيشتك هكذا وكي يكون يهدر اسمعي متقعديش هو يهدر وانتي ترديلوا في الهدرة .... كي تفهمي هذي مليح ولي تخدمي بيها... ديري واش يحوس واسكتي وبلا احتجاج ... الثالثة وهي الخطيرة ياحنونتي قوليلي سبب الهجر علاه هجرك لاي سبب ....هذي هي الاخطر امالا روحي شوفي كيفاه ترجعي المياه لمجاريها يا اختي دخلتي قلتينا عاونوني وانتي هاردتها تع الصح .... معليش اليوم ابداي يوم جديد وعندك اجر عند ربي حلي مسألة الهجر ومبعد ساهل .... راكي عارفة كيفاه ولا فشلتي قوليلي نقلك الطريق السهل.... المشكل هنا انه لا توجد الرسائل الخاصة بين الاعضاء المهم متبقايش قاعدة وتندبي وتستناي واحد يعطيك الحل انتي حوسي على الحلول وطبقي من قلب .... ديري المستحيل .... يا بنت الناس احنا عندنا بنات راهم يدوروا بالمتزوجين ويديروا المستحيل باه يدوه وانتي زوجك مجمعة يديك وجايا تشتكينا .... اقفزي بالجميع الطرق الفرق بينك وبينهم هو انك ربي محللك وعندك اجر وهما ربي يغضب عليهم يا اختي حاجة ساهلة تنازلي شوية من كرامتك خاصة لا كانوا عندك اطفال في خاطر اولادك... وشوية من الغطرسة نتاعك .... من اليوم لازم تقري تولي امرأة بكل انوثتها وخاصة الكلام الحلو... معليش علابالي تكرهيه بصح تنوفقي .... المهم تحقي الهدف .... وهو يرجعلك زوجك وتحت الحكم نتاعك ...هههه بالتوفيق انطلقي غير تفشلي عاودي شوفي حل ودخر يوصلك للحل علابالك نهار يرجعلك تحسي باللذة النجاح وديري ربي مابين عينيك راح يوفقك ... المهم متخشنيش راسك وحاسبة روحك اميرة الاميرات انا اميرة بزاف ....هههه سلام من قلب يحب السلام |
||||
|
|
|
2021-12-01, 00:34
|
رقم المشاركة : 3 | ||||
|
اقتباس:
لال انا عندي بنت و ولد راني صابرة في خاطرهم برك و كاين بزاف أمور راهم في قلبي مكيتهمش نشكرك بزاف اختي على الرد |
||||
|
|
|
| أدوات الموضوع | |
| انواع عرض الموضوع | |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
أحدري اختي افشاء سر بيتك الزوجي
العرض المتطور
