- الى الاحرار 😇- استراتيجياتكم💕

[أمل أميرة]

اذا ساتكلم عن تجربتي علها تفيدكم باذن الله
اولا المواد الادبية
الادب تحصلت على 16 كانت احب مادة لقلبي لكن اهملتها هه ما اثرش عليا الاهمال لاني دايرتلها حسابها في اخر السنة اي قبل البكالوريا باسبوعين خرجت ملخص الاستاذ لعيدي جزاه الله خيرا وكراسي وبديت نفهم ونلخص وحليت بعض المواضيع المقترحة 3 او 4 بالاضافة الى 2 او 3 مواضيع باكالوريا سانصحكم فيما يخص الاجابات كيما العلوم فيها منهجية هه لازم تحلو وتفسرو مثلا يمدلك سؤال من المتكلم ولا من المخاطب ماتقوليلوش هو الشعب ولا الكاتب وفرات لا الاجابة تكون كالتالي المخاطب في النص هو ... وهذا مايتضح في قول الكاتب ولا الشاعر..اذ يريد الكاتب..معناها السؤال يمر بثلاث مراح 1 الحكم 2 التمثيل 3 التعليل
والحاجة الثانية لا يوجد شيء اسهل من شيء بالنسبة لي طبعا حتى لو كنت لا تفقه في الشعر شيئا والعكس ايضا يجب مراجعتة ربما يكون الموضوع اسهل بالنسبة لك
الصور البيانية لازم تفهموهم مليح مليح وتفرقو بيناتهم لانهم على الاقل عليهم 3 نقط وحتى لوكان عليهم نقطة مالازمش تضيع
الفرنسية تحصلت على علامة 16 ايضا لكن لا يمكنني نصيحتكم لاني لم اعتمد فيها على اي منهجية ولا مرجع لم اراجعها اطلاقا فقط تطرقت لبعض المواضيع 2 او 3
الانجليزية لا افهمها اتمنى من بقية الاعضاء ان يفيدونا تحصلت فيها على 9
الشريعة تحصلت على 18 حفظتها في مدة 15 يوم من ملخص الاستاذ جمال مرسلي بارك الله فيه وكراسي
الفلسفة تحصلت على 11 رغم اني كنت حافظة المقالة وفاهمتها الا اني لم اتحصل اتمنى ان يفيدنا الاعضاء بطرق حفظ وفهم الفسفة
الاجتماعيات مادة تعتمد ايضا على الحفظ لكن الفهم نصيبه اكبر تحصلت على 11 كتبت غير المقالين وخدمت الرسومات البيانية للسف ماكفانيش الوقت لحفظ الشخصيات والمصطلحات اتمنى انكم لم تهملوهم ولي مابداش يبدا درك
لننتقل الان الى المواد العلمية
الرياضيات تحصلت على علامة 17 كنت اعتمد الباكالوريات فقط ولم ادرسها من اي مرجع اخر رغم اني كنت اتحصل على علامات متدنية جدا الا اني اعتمدت اعلى التدرب من خلال الباكالوريات لانها دائما تكون بنفس المنهجية
العلوم كنت احب ايضا هذه المادة ايضا كنت نفهم من استاذنا بارك الله فيه وجزاه الله كل خير ونعاود نرجع لفيديوهات الاستاذ مصطفاي ندبر منهم ملخص ونحل تمارين الاستاذ بوالريش بارك الله فيه تحصلت على علامة 14 للاسف ما حليتش تمرين الجيولوجيا كامل لاني ماقريتهاش ابدا
الفيزياء تحصلت على 11 او 12 نسيت ماحليتش تمرين الاهتزازات كامل وهي ايضا ماقريتهاش من قبل هه اعتمدت فيها على فيديوهات الاستاذ شريفي وسلاسله بالاضافة الى الباكالوريات الفيزياء كبقية المواد تعتمد على كثرة التمرن لكن بكميات اكبر وماتعتمدش فقط على الباكالوريات السابقين لانو في كل تمرين جديد وتلقى فكرة افكارها لا تنتهي وحاجة مهمة جدا ردو بالكم تقوقو مثلا انا نفهم ال rc وال rl صعيبة ولا العكس لانهم قادرين تجي نفس الوحدة في كل من الموضوعين وقد حصل هذا في عديد من الباكالوريات
ردو بالكم مالهدرة الجانبية تاع موضوع اسهل من موضوع ولا وحدة اسهل من وحدة لانهم كي تفهمو حاجة اكيد رايحة تجيكم ساهلة
علابالي طولت بزاف نتمنى نكون افدتكم ولو بالقليل حكيتلكم على تجربتي وعلى مراجعي لي اعتمدتهم
واي اسئلة انا هنا دائما
وفقكم الله جميعا