سلام عليكم
ربي يجازيك على الموضوع روعة و في القمة
حبيت نسقسيك
انا فوت لعام ليفات لباك و ربحته ب 12.80 و درك راني نعاود فيه حر و بلوكيت جامعة بصح مزال مبديت و بغيت نخدم بدي طريقة
في رياضيات نشوف استاذ في اليوتييب (استاذ اضرضور مصطفى فيديوهات قصيرة نوعاا ما ) نتفرج قاع دروس تاع دوال مبعدا نجيب ملخص من المغني و نحل تمارين استاذ مصطفاي و ندير هاك في جميع الوحدات منين نكمل برنامج نبدا نحل بكالوريات شعبة رياضياات و علوم و تقني رياضي
و في الفيزياء نتفرج دروس تاع استاذ شيريفي مبعدا نجيب الملخص من مغني و نحل تمارين تاوع استاذ شيريفي مبعدا نروح لمغني و ندير هاك في جميع الوحدات منين نكمل البرنامج نبدا نحل في البكالوريات تاني
و حبيت دو ليام نخليهم غير المواد العلمية حتا فيفري ولا مارس عاد نبدا نراجع في اللغات و الادب و الفلسفة
معليش تقولي ادا الطريقة تاعي في المراجعة صحيحة و مليحة و نجم نجيب بيها امتياز و هل المغني و البكالوريات و تمارين شيريفي في فيزياء و سلاسل مصطفاي + بكالوريات في رياضيات كافية لضمن علامة ممتازة و لا نزيد مراجع وحدوخرين
و معليش تقولي واش هي المراجع لي خدمت بيهم و طريقتك في المراجعة بالتفصيل
اسفة على كثرة الاسئلة اخي لكني محتار و مزال ما بديت قاع
( تقرير عن مشاركة سيئة )، و الموجودة أسفل كل مشاركة .
2018-11-03, 22:41
العرض الشجري