الجزء 188 من كوزينة حراير الجلفة مرحبا بالاحباب و اشهى طياب.

[طيور الجنان]

المشاركة الأصلية كتبت بواسطة حياة نور الدين

اهلاا حبيتي ام مهدي وربي يخليك على كلامك وهديك البطاطا في الكوكوت توجد في 10 دقائق فقط

ديري ثوم وملاعق زيت وثوم وملح وفلفل اسود وكمون وزعفران وجومبو دجاج نصف حبة قلي مليح مع مغارف ماء منبعد قطعي البطاطا دوائر وزيديها مع كاس ماء يجي قيس قيس مع البطاطا ماشي فوقها واغلقي الكوكوت على نار هادئة 10 دقائق وافتحي عليها وديري معدنوس

وصفة المبسس

3 كيلات سميد متوسط انا نستعمل تع الميزان نزيدلها كيلة زبدة مع الزيت وشوية ملح ونبسس وكيلة ماء وماء زهر وشمخيه خليه دقائق يتشرب السميد شكليه واقليه وعسليه

بالنسبة للفايس دوك نبعثلك رسالة

حياة يعطيك الصحة على الوصفات اختي .

[طيور الجنان]

المشاركة الأصلية كتبت بواسطة بيان 5

السلام عليكم صباحكن سعيد
العودة للمدارس والعمل بالوفيق للأبناء

صباح الخير بيان ان شاء الله تكوني بخير.
عودة ميمونة ان شاء الله لاطفالنا و للعمل ربي يعينكم بالتوفيق.

[طيور الجنان]

جبتلكم القرصة اللي درت لوليدي لقيتها في الارشيف ههههه

[x ام رحاب x]

السلام عليكم ورحمة الله وبركاته
صباحو حبيباتي
سعيدة كي اصبحتي بصحتك الفطير اتشهي

[x ام رحاب x]

المشاركة الأصلية كتبت بواسطة طيور الجنان

ام رحاب يالحبيبة دموعي سبقوني ربي يرحمها و يصبركم عليها خلاتكم تدعيولها و تاصدقو عليها ان شاء الله راني خاسة بيك لاني فقدت ابي ولليوم نبكي عليه ربي يرحمهم و يجعل مثواهم الجنة اااامين.
الله يبارك عليك المقروظ هاااايل و حلوة الشطرنج خرجتلك فوووور اما الجاج رووووعة رووووعة شاف بدون منازع.

ربي يخليك عزيزتي ويرحم الوالد ان شاء الله واتهلاي في ميمتك شكرا على الكلامك ياطيبة ربي يحفضلك كل عزيز

[x ام رحاب x]

المشاركة الأصلية كتبت بواسطة طيور الجنان

ياخاه كي يخطفولنا حيوتة واش يبقالنا هههههه نديرو انتفاضة شفتي ساعات تكتبي رد طويل عريض و يرح مع مهب الريح ههههه .البه يسلمك حنونة و صح عشاكم.

المشاركة الأصلية كتبت بواسطة حياة نور الدين

سعيدة بصحتكم حبيبتي ما نصاب ديتوني معكم هههه نموت على الحار والاكل التقليدي

عشايا اليوم خفيف بطاطا بالثوم بنينة ههه وبوراك بالكروفات والبشامال والحمد الله

بصحتك سعيدة التقليدي ايشهي بصحتك الحار يادرا اليوم واش دار فيك الحار
حيوتي بصحتك البطاطا ةالبوراك ايشهي ومانسمحوش فيك ابدا

[x ام رحاب x]

المشاركة الأصلية كتبت بواسطة حياة نور الدين

اهلااا وسهلاا ما نخلعتوا عليا هههه ماةالو دخلت حطيت صور ام مهدي ومعاودتش بنت ما قلتوا خطفوها ما قلتوا تودرت ههههه
نتمسخر كتبت رد عريض طويل ودوكا انخلعت ملقيتوش

ام مهدي اطباقك روووعة وكلامك اروووع يسر النفس والخاطر ويفرح القلب ربي يحفظلك وليداتك ورانا كيف كيف متونسين مع بعضنا على الغربة
والرولي هايل وحتى الشوفلور محرف بصح متحوف الله يبارك عليك

يا عمري بنت خالتيء كنت متاكدة يجيبك الحنين توحشتك ومرورىك فرحني بزاااف حبيبتي

البدرية اهلاا معنا يا شينوية هههه واطباقك هايلة اختي

سعيدة اهلاا اختي رحتي ورجعتي بخير الحمد الله

بيان فطورك هايل والحمد الله على سلامتك

ام رحاب غاليتي ربي يرحم ميمتك واكيد نعم الام مادام انت بنتها تعيشي وتتفكري وتترحمي واطايبك رزوووووعة سورتو المقروط كاش نهار لكان نروح للبليدة نتمنى نتلاقى بك عند اختك والله ياك حلاقة ما تعرفي نتلاقاو ان شاء الله

ربي يخليك عزيزتي وماتعرفيش شحال راني حابة نتلاقا انا وانت كي انكون في بليدة نتفكرك راه ربي عالم

[طيور الجنان]

صباح الخير حبيبتي ام رحاب ان شاء الله تكوني بخير و مرتاحة ربي يخليك ياطيبة. الله يسلمك يايما على الحار هاذي ثاني مرة ذقتو يولول ههههه بصح ماتقدريش تحبسي الماكلة ههههه

[x ام رحاب x]

المشاركة الأصلية كتبت بواسطة بيان 5

ام مهدي طاجين الشوفلور هايل هايل هايل بصحتكم
رزيقة واش احوالك توحشناك
ام رحاب ربي يرحم الوالدة ويدخلها فسيح جناته
عندك حق اصعب احساس فراق الوالدين
ابي رغم انوا عندوا 5سنوات مللي توفى مازال الألم في القلب ومستحيل يزول
حبيباتي عشايا بواقي

شكرا حنونة وربي يرحم الوالد يجعل مثواه الجنة وتهلاي في لميمة هادي وصيتي ليكم الام هي دنيتكم كامل ايلا راحت ايروح كلش معاها

[x ام رحاب x]

المشاركة الأصلية كتبت بواسطة idem16a

ام رحاب،صدقيني،والله شاهد على ما اقول،،تستهلي الف دمعة التي لا تجف،،لكن سنبكي بدمعة فرح،كي نعرفو والدتك المرحومة،مثواها الجنة،،الجنة،الجنة،يا رب،مع والد بيان،،،والله تحرقت معاكم،ربي يرحمها

ام رحاب اطباقك كلها تشبع العين قبل الكرش،،رووووعة،رووووعة،خاصة مقروط الكوشة نموت عليه،،ويا حسراه على بطاطا فليو،فكرتيني تاع زمان،،كانت امي طيبو،،،والدجاج المحمر تحفة كل شئ مزين بالطبع،،،،
ام رحاب،قاطو الشطرنج،كنت حابة نجربو،شفتو فواحد القروب،،هل ذوقو مليح،،راني نشوف جاك هبال،،والسلاطة يا يما تحفة ،

ربي يفرحك حنونة والله عويناتك الشابين قاطو الشطرنج مليح للقهوة وبنتو هايلة وايجيك خفيف مليح للقهوة

[x ام رحاب x]

سعيدة راني شايفاتو كي انطيبلهم الزفيطي قد ماتاكلي اتحبي اتزيدي دوك انحطلك الزفيطي عندي في الارشيف كنت طيبتو بصحتك مليح ساعة ساعة الواحد ياكل الحار اينقي المصارن

[x ام رحاب x]

الزفيطي حار ايشطح

شخشوخة حارة

[idem16a]

المشاركة الأصلية كتبت بواسطة حياة نور الدين

اهلاا حبيتي ام مهدي وربي يخليك على كلامك وهديك البطاطا في الكوكوت توجد في 10 دقائق فقط

ديري ثوم وملاعق زيت وثوم وملح وفلفل اسود وكمون وزعفران وجومبو دجاج نصف حبة قلي مليح مع مغارف ماء منبعد قطعي البطاطا دوائر وزيديها مع كاس ماء يجي قيس قيس مع البطاطا ماشي فوقها واغلقي الكوكوت على نار هادئة 10 دقائق وافتحي عليها وديري معدنوس

وصفة المبسس

3 كيلات سميد متوسط انا نستعمل تع الميزان نزيدلها كيلة زبدة مع الزيت وشوية ملح ونبسس وكيلة ماء وماء زهر وشمخيه خليه دقائق يتشرب السميد شكليه واقليه وعسليه

بالنسبة للفايس دوك نبعثلك رسالة

الف شكر ليك حياة،،،اكيد اني نجربهم،،واكيد راح يطلعولي روعة،ربي يفرحك

[idem16a]

المشاركة الأصلية كتبت بواسطة x ام رحاب x

الزفيطي حار ايشطح

شخشوخة حارة

صباح الخير ام رحاب،كيف الاحوال،،انا قلتلك،اطباقك قمة تحفة،،،انا شطحت كي برك شفتهم،،اما الذوق اكيد اني نفيبري وحدي،يا يما هبال هبال،،نموت على الشخشوخة،،اما زفيطي مزال ما دقتوش

[sousou 5]

[b]صباااااأح خييييير حبوباتي تووحشتكم كاااامل ههه اطباااقكم كااامل في قمة روووووعة روووعة روووعة شهيتوني ههه كان عندي فرح خويا على هاذيك مفتحتش الفاتحة تاعو امس شوفو واعطوني راايكم والصور تاع العشااء بعد نحطهاا هاذو الحوايج لي ديناهم للعرووسة ربي يهنيهم الصور في المرفق [/b