في حيرة

[زبدة ذايبة]

كاعندو حتى حق!!!!!!!

زوج رجال في إمرأة واحدة.

واحد يسمى زَوج.

والثاني خديم.

الأول يروح يخدم ويخلي مرتو لصاحبو؟؟؟؟؟؟

يقول صلى الله عليه وسلم: الحمو الموت.

هذا مابيناتهم والو.

وهي إمرأة شريفة

وهو صالح وتقي

كي تقولو خصتني البطاطا ولا جيبلي الدوا مايسحقش الوقت 5 دقائق.

115 دقيقة في واش يهدرو؟؟؟؟؟

كل هذا تمسخير.

وخيانة للأعراض

وتدنيس الشرف

ولعب بالأعراض

وتجاوز لحدود الله.

والله إن الله ليغضب.

إمرأة لاتحل له ولا يجوز له شرعا أن

يختلط بها.

ماعندها إخوتها.

ماعندها خواتاتها

لقات غير هذ العبد يعاونها.

وهذي حكاية تاع زوج سوايع هدرة والله لاتحدث من فراغ.

ممكن مع زوجها ماتقعدش زوج سوايع تهدر.

آه مافيه ألذ من الحرام

وكم يزينه الشيطان.

وكم تشتاق النفوس إليه.

وآه من الحلال

كم هو ممل وكئيب.

هذا هو الفرق الذي يصنعه الشيطان بين الزوجين في الحلال.

ومايفعله بين الأجنبيين عن بعضهما.

فلا يزال بهما حتى يقعا في ماحرم الله.

رجل بهذا الشكل دينه وأخلاقه تحتاجان لإعادة النظر.

من اتقى الشبهات فقد استبرأ لدينه وعرضه.

وبالنسبة إليك أنت كاتبة الموضوع

حتى ماتدخليش في مشكلة أنت في غنى عنها.

خليها تجي تكتب وحدها هنا في المنتدى.

عرفيها بالطريقة وهي دبر راسها.

وخليها تتخذ قرارها بنفسها.

لأنها لو كان تفسخ خطوبتها وتبقى من غير زواج رايحة تحصلها فيك.

لذا انتبهي لنفسك وماتنصحيها ما والو.

عندها والديها

وعندها معطيات هذ الرجل

يعني ماراهيش مخدوعة.

خليها دبر راسها.

بما أنك كتبت أنت الموضوع اللي يهمنا الآن هو أنت.

أما هي عندها يدين تجي تكتب.

ماتحطيش روحك في مكانها.

الأمور واضحة جدا ممكن هي تبحث فقط على السبة.

وديري جهدك ماتكونيش السبة باش تفسخ.