ماذا فعلتم ؟

[المُعادلة الصّعبة]

المشاركة الأصلية كتبت بواسطة متفوقة بامتياز

اهلا بكي ريان
اين شجاعتكي؟؟
الرياضيات وش مكيش فاهمة ؟؟؟؟
اصلا الرياضيات راها معامل 7 نتي مركزة عليها بزاف
متاكدة انك مضطربة برك
اعطي الروحك فترة راحة وارجعي بقوة

وبيك يعيشك ..
لالا ماهيش affaire تاع شَجاعتي ولا ماشي شجاعتي
انتي سقسيتي وش رانا دايرين وانا جاوبت بصراحه مشني رح نكذب على روحي ونقول باللي اموري تطمن
مش قضية فترة راحة ثانيك اصلا مش مركزه ع الرياضيات بالزاف بالعكس مركزة عالفيزيا اكثر بيسك نميل ليها اكثر
بصح والله الرياضيات اقل ما يقال عن وضعي انه كارثي
الجبر تخيلي من ديسمبر وانا نشكي منو ومزلت حابسه في نفس النقطة
تخيلتو صعيب بصح ماتخيلتوش لهاذ الدرجة
نفهمو اليوم ننوض غدوة الصباح ننساه كأني جامي قريتو
نجي نحل تمارين الكتاب نلقاهم واعرين نهرب منهم لكاش سلاسل اخرى نزيد نحصل ايا نروح لفيديوهات استاذ نور الدين بش نحس شوي بالاطمئنان مي والو ما فهمتش ..نفوت للبكالوريات حدث ولا حرج .. افكارو لا تنتهي وانا حاسه مخي حابس
نعرف الحوايج البسيطة لي تتعاود هذيك الاسئلة اللي تجي فالاول واجابتها باينه بصح الباقي والو والو والو ما نسلكهاش قاع
كرهت منو رانا في فيفري وانا مزالني حابسه ف نفس النقطة
متتاليات لي الناس كامل تشوف فيها ساهلة ومفروغ منها انا جامي تفاهمت معاهم لا العام لي فات لا العام هذا ودايما نشوفهم صعاب عليا
صعابتلي الدعوة صعابتلي حتى وليت ساعات نفقد ثقتي في نفسي وانا لطالما ما فقدتهاش في أحلك الظروف
وليت نحس روحي انا لي وليت حابسه مش الحوايج لي صعاب لهذي الدرجة اول مرة يعتريني هذا الشعور بهذي الطريقة
البارح نشوف في لي سوجي تاع شعبتنا يا ربييي يخوفوا والله غير ما هم ساهلين صعاب يقطّعوا
لنا الله ..
اسمحيلي كثرت عليك بصح فرحت كي شفت وحدة رياضية جات تسقسي كشما تقترحي عليا اقتراح على الرياضيات هذي والله حتى وليت نكرهها ونهرب منها وليت نفكر كون ما طلعتش اصلا للشعبه هذي
تذمرت بما فيه الكفاية
شكرا على المساحه هبة .. اذا تقدري تعاونيني مانقولش لالا
-حاساتك رح تقولي ندمت لي فتحت الموضوع هههه-