الجزء 183 من واش طيبتي اليوم كوزينة القلب الصافي و الذراع الوافي

[أمي جنتي]

السلام عليكم ان شاء الله تكونو كامل بخير،تبارك الله على فحلات بلادي غبت يومين ليقتكم جريتو في الصفحات والله مالقيت على من نعلق كلكم رائعات ربي يقويكم ويعطيكم صحتكم، الحق سخفتوني بكيكة التفاح لي كامل تجربو فيها قلت نعاندكم وجربتها وصراحة خرجت تحفة نالت رضى العايلة كامل بما فيهم ملوكة




لي عودة ان شاء الله

[أم يوسف2]

امي جنتي يامامااااااي على كيكة التفاح رائعة بصحتكم وين رحتي وخليتينا وين راهي ملوكة
ام اسلام اهلا وسهلا اختاه هادي غيبة يعطيك الصحة ماعلاباليش بلي ام انس عندها قناة ضك نضرب طلة

[أم يوسف2]

البيتزا تاع حياة مابقا منها غير زوج طرونشات جات مليحة كاين الاخيرة خشنتها درتها بالزربة وليدي كتن يبكي مي نتكلت

[أم يوسف2]

[center][
/center]صح عشاكم كامل كيما راكم

[أمنية غفران]

المشاركة الأصلية كتبت بواسطة selmatitta

امنية غفران : مشكورة حبيبتي راني غير مبتدئة هنا راني نتعلم منكم
في انتظار جديدكم
تلتلي تاع باين يشهي و يفتح نفس للاكل

الله يبارك فيك اختي سلمى رانا قاع نتعلمو من بعضانا الله يسلمك تليتلي راني نحمصو قبل حتى يولي لوه رايح للبني بهاد الطريقة يحكم روحه ما يتعجنش كي نحمصه نحطه ديراكت في الما و من بعد نقطره و نفوره كيما نديرو للكسكس و في الاخير نديره في مول الفرن و نضيف له المرق و نخليه يتجمر اممممممم

المشاركة الأصلية كتبت بواسطة Fifilondon

حبيت نشارك بهاد الاطباق تع اليوم تفضلو ان شاء يعجبوكم

مرحبا حبيبتي فيفي واش احوالك و اطايبك تشهي يعطيك الصحة و هاديك كيك ياك

المشاركة الأصلية كتبت بواسطة أم يوسف2

كيما قلتلكم درت وصفة حياة للبيتزا عجبتني فااهشاشة والطراوة خصوصا مع ضروسي يوجعو غير دخل وليدي قالي ماخليتيليش بيتزا خخخخ
صح جربوها درت ثلاث صينيات كبار بقات غير طرونشات

حبيبتي ام يوسف بصحتكم البيتزا و غي تريحي من الضرسة ديري الكوراج و نحيها خاصة رانا داخلين للشتاء و البرد

المشاركة الأصلية كتبت بواسطة oum islem

السلام عليكم ورحمة الله وبركاته

مساء الخيرات والمسرات لكل الغاليات إن شاء الله تكونو كامل بخييير
أمنية بالبركة عليك وعلينا هاذ الجزء بالصحة والهنا على بالي روطار بزاااف سامحيني برك بصح وعد نحاول قدر الامكان نشارك في كوزينتك قبل ما تكمل

غالياتي أم هدول وحيوتة وزقزوقة وأم فاطمة وأم يوسف وسحوبة وفضيلة وريمة والغالية على قلبي أم رحاب و ملوكة وسلمى ونهال و...وكل البنات الفحلات يعطيكم الصحة وربي يجازيكم بكل خير


أمنية التليتلي مجمر في الفرن؟؟؟ يبان يشهي بصحتكم بالشفا عليك وعلى كل المرضى اللي في الكوزينة واقيلا انتوما اللي اعديتوني هههه

فيفي كملتي عليا باللنغويني كما نحبها يسلمو يديواتك طيابك علامة

شي بيبا عندها قناة في اليوتيوب تهبل وأنا كنت من أوائل المشتركات بزاف تعجبني شخصيتها وحتى اطباقها ما شاء الله

والبنات اللي ما علابالهمش حتى حبيبتنا الغالية أم أنس 69 عندها قناة بنفس الاسم تاعها وفيها وصفات من أروع ما يكون إذا لقيت جهاز آخر نحطلكم رابط القناة باه تشتاركو وتفعلو الجرس وتدعمو قناتها باللايكات

أمنية سامحيني اليوم حتى لغدوا نحطلك الباروك الصور كبار والمنتدى ثقيل

سلامي للجميع كبار وصغار واحدة واحدة باه ما ننسى حتى واحدة مواحاتي واحتراماتي

دمتم بخير

يا أهلين و سهلين شكون طلت علينا ام اسلام مرحبا مرحبا يا حرة الحراير معليش ما تجيبيش الباروك البنات راهم قايمين يالواجب المهم طليتي علينا حبيبتي

و بالنسبة لتليتلي واه راهو مجمر في الفرن امممممممممممممممممم

رايحه نحوس على قناه ام انس

ربي يحفظك و يمنيك

المشاركة الأصلية كتبت بواسطة أمي جنتي

السلام عليكم ان شاء الله تكونو كامل بخير،تبارك الله على فحلات بلادي غبت يومين ليقتكم جريتو في الصفحات والله مالقيت على من نعلق كلكم رائعات ربي يقويكم ويعطيكم صحتكم، الحق سخفتوني بكيكة التفاح لي كامل تجربو فيها قلت نعاندكم وجربتها وصراحة خرجت تحفة نالت رضى العايلة كامل بما فيهم ملوكة




لي عودة ان شاء الله

و اخيرا دخلتي يا طفلة غيبتي علينا و حرمتينا من طيابك اللذيذ امممممممممممممممممم و كيكة التفاح راهي تشهي بصح العجينة واش درتي وقيلة بريزي و لا راني غالطة اممممممممممممممم نورينا حبيبتي

[ام هدول]

سلام بنوتات.....عشايا بواقي نتخلص سع منهم خخخخخ..الطعام تع البارح وشربه العدس وووخبزه كسره رخساس.....وسلطة والحمد لله.....

[ام سراج وملاك]

السلام عليكم ورحمة الله تعالى وبركاته
سلام يااحلى بنات ان شاء الله تكونو بالف خير حبيت نقلكم ماشاء الله عليكم ويعطيكم الصحة اطباقكم وحلوياتكم تشهي ربي يدومها نعمة للجميع
حبيت نقول للغالية ام فراس واصيل لاشكر على واجب اختي بصح تمنيت انو رابط كيفية ادراج الصورلي بعثتولك في رسالة عاونك لكن نوعدك في اقرب وقت ان شاء الله كي نقعد نحاول نصورلك الخطوات باش تمديلنا وصفاتك لجديدة يااحلى شاف وحبيت نقلك يعطيك الصحة وربي يحفظلك ولادك من كل شر راني جربت وصفة البريوش نتاعك بطريقة الجديدة والله خفيف كي لقطن صح ورتهالي ام ماسين من كثر معجبتني الوصفة والعجينة نوعت فيها درتها خبز سندويتش ودرتها على شكل سوفلي ودرتو مرة بالفرماج بدلت في بلاصة الياؤورت لي في البريوش درت ياؤورت طبيعي واش نقلك اختي لازم تتعلمي وضع الصور وتفيدينا بوصفاتك الناجحة في اقرب وقت
امينة غفران الف مبروك الكوزينة لجديدة ان شاء الله تكون عتبة خير للجميع محبيتش ندخل بيديا فارغين جبتلك قهوة درتهالنا مرت اخي لمولودها الجديد يسع عبد الحي ربي يحفظولهم من كل شر وان شاء الله يكون من الذرية الصالحة يارب منطولش عليكم ونحطلكم الصور















بالنسبة للقاطو انا لدرتولها وام فراس واصيل حبيتك تشوف تطبيق اختي لبريوشك ماشي زوجة اخوك ام ماسين خطراه العائلة كامل جرباتو اما تطبيقي ضك نعاودو ان شاء الله ونصور الخطوات ونحطولك ان شاء الله

[ام هدول]

أهلين أهلين...ام اسلامواش حوالك منوره حبيبتي واش حكاية الرجيم معاك.دري البوراك التركي وماتكليش منو....علاش سمينه بزااف? ??...
ام يوسف علاش عليك كلتي البيتزا خليتي الطفل يبكي هدا ضرستك زعمة مريضة..خخخخ
اخت ملوكه بصجتك طارت الفاح تشهي....هي نفسها لي دارت ملوكه وين هربت ياخي تفاهمنا تعطينا الوصفة

[أمنية غفران]

المشاركة الأصلية كتبت بواسطة ام سراج وملاك

السلام عليكم ورحمة الله تعالى وبركاته
سلام يااحلى بنات ان شاء الله تكونو بالف خير حبيت نقلكم ماشاء الله عليكم ويعطيكم الصحة اطباقكم وحلوياتكم تشهي ربي يدومها نعمة للجميع
حبيت نقول للغالية ام فراس واصيل لاشكر على واجب اختي بصح تمنيت انو رابط كيفية ادراج الصور يعاونك لكن نوعدك في اقرب وقت ان شاء الله كي نقعد نحاول نصورلك الخطوات باش تمديلنا وصفاتك لجديدة يااحلى شاف وحبيت نقلك يعطيك الصحة وربي يحفظلك ولادك من كل شر راني جربت وصفة البريوش نتاعك بطريقة الجديدة والله خفيف كي لقطن صح ورتهالي ام ماسين من كثر معجبتني الوصفة والعجينة نوعت فيها درتها سندويتش ودرتها على شكل سوفلي وحشيتها بالفرماج بدلت في بلاصة الياؤورت لي في البريوش درت ياؤورت طبيعي واش نقلك اختي لازم تتعلمي وضع الصور وتفيدينا بوصفاتك الناجحة في اقرب وقت
امينة الف مبروك الكوزينة لجديدة ان شاء الله تكون عتبة خير للجميع محبيتش ندخل بيديا فارغين جبتلك قهوة درتهالنا مرت اخي لمولودها الجديد يسع عبد الحي ربي يحفظولهم من كل شر وان شاء الله يكون من الذرية الصالحة يارب منطولش عليكم ونحطلكم الصور















بالنسبة للقاطو انا لدرتولها وام فراس واصيل حبيتك تشوف تطبيق اختي ماشي زوجة اخوك ام ماسين لبريوشك اما تطبيقي ضك نعاودو ونصور الخطوات ونحطولك ان شاء الله

يا أهلا و سهلا بيك اختي ام سراج نورتينا بمرورك الله يبارك فيك صحيتي

بصح يا البنات قولو لي شكون هي ام فراس ما عرفتهاش يا حوجي وانا وين راني ياك راني قاع ما نخطيش المنتدى

فهمت بلي ما تعرفش تحط الصور في المنتدى تقول لينا برك واش تستعمل بوطابل و لا PC ولا طابلات

اواه لازم تدخلي يا ام فراس عندنا هنايا في الكوزينة نستحقوك مادام حكات عليك ام سراج مافي شك راكي فنانة

مرحبا و رانا نتسناو فيك و ان شاء الله نديرو المستحيل باش تتعلمي تحميل الصور

ارواحي برك

[ام هدول]

ام اسلام شفت تطبيقك للتكربابين...عند رزوقه ....روووعة جبيهوناهنا نستفادو من افكارك ....ماعليش ياخي...!!!
ام املاك وسيراج....هل هللاك يا لعزيزه واش حوالك....مبروك عى مرت خوك.....ربيي يعيشهوها...كلش رووعه الله يبارك....بالنسبهلام فراص رانا نستناو فيهاوفي وصافتها وزتي شو قتينا ليها ....

[أمنية غفران]

اسمحيلي ام سراج نسيت نبارك لمولود ابن اخيك بالبركة و ربي يكبره في طاعته و يحفظه

[أمنية غفران]

ام هدول صحا عشاكم مليح هاكة ما تخليش الاكل يبقى الفساد ماشي مليح و ربي يدوم النعم و يبارك فيها

عشانا كان دلمة الفلفل الحلو

هادا عشاء الدفعة الاولى صورت ليكم المول فقط كي تجي الدفعة الثانية الي نتعشا معاهم نصور ليكم طبسي نتاعي ههههههههههههههه

[ام سراج وملاك]

المشاركة الأصلية كتبت بواسطة أمنية غفران

يا أهلا و سهلا بيك اختي ام سراج نورتينا بمرورك الله يبارك فيك صحيتي

بصح يا البنات قولو لي شكون هي ام فراس ما عرفتهاش يا حوجي وانا وين راني ياك راني قاع ما نخطيش المنتدى

فهمت بلي ما تعرفش تحط الصور في المنتدى تقول لينا برك واش تستعمل بوطابل و لا pc ولا طابلات

اواه لازم تدخلي يا ام فراس عندنا هنايا في الكوزينة نستحقوك مادام حكات عليك ام سراج مافي شك راكي فنانة

مرحبا و رانا نتسناو فيك و ان شاء الله نديرو المستحيل باش تتعلمي تحميل الصور

ارواحي برك

يبارك فيك اختي ام امينة ربي يحفظك ياغالية
ام فراس واصيل اخت زوج اختي العضوة ام ماسين وصفاتها ماشاء الله ربي يحفظها وشاركت في المنتدى عندها سنين وطبقنالها من قبل عضوات قسم واش طيبتي وصفة لي بيني لي بالياؤورت ويتعجن بالماء العادي نتاع العين وصورنالها الخطوات وحطيناه في موضوعها وكامل جربوه ونحجو فيه تقريبا نفس المقادير لي من مدة قليلة دارت كيفو ام وليد فيديو
صح كيما قلتي اختي ام امينة عندها مشكل مع وضع صور حاولت نساعدها برابط موضوعي بصح مفهمتوش ان شاء الله تولي تحط الصور وتفيدنا ونستفادو منها

[ام سراج وملاك]

شكرا اختي امينة يعطيك الصحة دولمة الفلفل تشهي
ام هدول سلام اختي شكراااااااااا ربي يحفظك وان شاء الله تزيد ام فراس تدخل للكوزينة وتشاركنا بوصفاتها والبريوش اكيد لما تحطولكم وتجربوه يعجبكم
منطولش عليكم حبيباتي سلامي للجميع

[أم يوسف2]

سلام مرحلا ام سراج نورتبنا ام هدول ضحكتيني كليت على خاطر طرية طرية يتسمى عقبت ديراكت مسكينة ليسطوما تاعي هاد اليامات