الجزء 183 من واش طيبتي اليوم كوزينة القلب الصافي و الذراع الوافي - الصفحة 34

ملاك ملاكي · 2017-11-03, 19:26

اقتباس:

المشاركة الأصلية كتبت بواسطة fadila34

هاني جبتلكم البواك التركي لي قالو عليه زالزال الفيس بوك لمزيا منيش فى الفيس بوك ححححح انا خاطيني انا عشقي غير الجلفة برك هههههههههه

تأمني بربي والله هذا وين راني نحكي انا واختي الفصعونة عليه..... والله العظيم راكي بحالي انا وخواتاتي ماعندناش الفيس انا واختي الصغنونة كيةقلتي عشقنا الابدي منتدى الجلفة
اممممم خرجلك روعة وخاصة لونهم يااااامي ياااامي يفتق هاهاهاهاها تحميرة الله الله سلمت يداكي

ملاك ملاكي · 2017-11-03, 19:28

اقتباس:

المشاركة الأصلية كتبت بواسطة طيور الجنان

ام هدول ربي يشفي البنوتة ربي معاها كي يمرضو الاولاد تمرض الام تقولي ننرض انا و لا هوما ربي يحفظهم. البيبي راني نخاول مانقدمش ليه بزاف باه مايتعداش مانيش مستعدة لحالة الطوارىء هههههه.
بصحتكم الكيك خرج هايل حتى الشكل يهبل بريزونتابل. و الميني بيتزا تشهي مع الحساء يعطيك الصحة بصحتهم اابنوتات.
ام يوسف يسلمك حنونة و بالشفاء عليك كيما يقولو الضرسة سوسة هههههه. ام يوسف اذا قصدك المسمن اللي يجي مورق انا نديرو في نهارو بصح المسمن العادي احنا نبلوه في الليل و الصباح تلقاي لعجينة طلقت روحها اعجيني و كملي عادي.
اخت فضيلة البوراك التركي خرجلك هايل يبان مقرمش الله الله.
ملاك كيما قالولك الاخوات خبيهم في المجمد كي تجبديهم تلقايهم كلبي هذاك واين طيبتيهم.

شكرا حبيبتي راني هدرت مع ملاكي وقتله حطهم في المجمد وخلااااص راهم يتقلصو في هذا البرد هاهاهاها

ملاك ملاكي · 2017-11-03, 19:29

اقتباس:

المشاركة الأصلية كتبت بواسطة طيور الجنان

اليوم بقينا شبعانين من التليتلي العشاء درت بطبوطات ههههه حشيتهم بالدجاج و الفروماج و الطماطم خفاف ظراف و فريت و الحمد لله.

ياااامي يااااامي بالصحة والهناء.... سلمت يداكي يشهيو برااااافو حبيبتي
اي وصفة اعتمدتي؟!

RIMA.87 · 2017-11-03, 19:53

السلام عليكم ،
بسم الله ما شاء الله عليكم اخواتي في الله ،لمة طيبة و اطايب مشهية ،ربي يبارك فيكم و في رزقكم كلكم دون استثناء ،مشكورين اخواتي سحابة و ام هدول و بيان و يا عييني على اختي امنية و زغاريدها .......مشكووورين على الترحيب ،لكن عندي مشكل في النت و كل ما نلقى فرصة نطل على لمتكم الحلوة و الخيرات و الوصفات لي اتحفتونا بيها،
بدون اطالة نترككم بما جادت به اناملي ههههههه
هادو سنيوات واحدة قريوش و الاخرى قاطو السوفية درتهم الاسبوع الماضي ديتهم كان عندي عرس.

و هذا قاطو بالنيسلي درتو لبارح

و اليوم جاونا ضيوف درنا شربة و مثوم و سلطات لكن الماسيدوان هي لي تقلشت و تصورت دون الاطباق الاخرى ههههه .

و هادي بقلاوة بلابات فيلو كنت درتها في عيد الفطر و بعدها لم ادخل للمنتدى بسبب انقطاع النت و اليوم قلت نحطها تشوفوها ،الحمد لله هادي المرة ااثانية لي طيبها و نجحت فيها و جات مورقة و معسلة ما شاء الله ، لانو التجربة الاولى مع البقلاوه كانت فاشلة ههههههه

و الاخوات اللواتي لم يتسنى لهم رؤية حلويا العرس لي حطيتها الاسبوع الماضي
تفضلوا هي عبارة عن فاكهة بعجينة اللوز ،من كثرة ما عجبوني صورت و عاودت و لكم ان تحكموا

و نختموها بهاد النوع من الفاكهة من حديقة أمي الحبيبة ربي يحفظهالي و يحفظ جميع امهات المسلمين و يرحم الموتى منهم و جميع موتى المسلمين و كل اخت تقولنا واش تسموها في منطقتكم .
ولي ماتعرفهاش رايحة تكتشفها معانا .
شكون اول واحدة تحل الفزووورة ههههههههه

سبحانك اللهم و بحمدك اشهد ان لا اله الا انت استغفرك و اتوب اليك

ام هدول · 2017-11-03, 21:06

سلام خواتاتي الفحلات....دخلت على حلويات التحفه لريمه رووعه ماشاء الله....ا الفاكهة..وقيييييييله...العناب حنا نقولول ...والله أعلم
شكرا ام يوسف ملوكه...سعيدة على دعواتكم لبنتي الله يحفضكم...ويفرحكم بولداتككم
سعيدة...يهبل ا البطوط...بصحتكم
فضيله خرجلك علكيف االبوراك التركي ...اعطونا الوصفه نسيت نسقسي عليها ديك النهار كرونو ....

ام هدول · 2017-11-03, 21:13

عشانا ..الصورة كانت من الارشيف كوبي كولي....
تصبجوبخير ان شالله غدوة نلقاو امينه وسعيدة بخير......ريحو من لقريب..... كولو حاجة سخونة مع الدو ه ونغطاو مليح حتى نعرقو تصبحو لا باس

أم فاطمه · 2017-11-03, 21:36

السلام عليكم اخواتي واش راكم مادخلتش البارح واليوم في الصباح لان مكنتش عندي النات

حياة راكي شاطرة كي فتلتي البركوكس تبارك الله عليك البركوكس بالحار مممممم والكسرةبصحتك

ملاك البسبوسة ولتغتلت التفاح والزيتون الله يعطيك الصحة ابدعتي يا حنينة

يتوحشك الخير طيور النات دارها بيا هههههه البطبوط يشهي حنونة

ام هدول الله يشفي الامورة الكيكة والبتزا رائعين بصحتك

امينة شكرا على السؤال النات راحتلي شكرا على كل شيء تقدميه مافهمتش سؤالك عن الكيكة طليتها بالشكولة ودنات

ام يوسف شكرا على السؤال رني هنا حبيبتي منقدرش نستغنى على الوجوه الطيبة بحالكم النات كانت مقطوعة
اهلا ريما مشاء الله واش هدا الخير الله يعطيك الصحة تشرفنا

اليوم رحت لدارنا عند خوتي نطل عليهم وفاطيمة مصورتش الكسكس نسات

.

.

.

.

والحمد لله ربي العالمين نشكره على نعمه تصبحو على خير يا حلوين.

أم فاطمه · 2017-11-03, 21:41

ام هدول تبارك الله عليك الكسكس بالكبوية مممممممممم نجبب المغرف ونجي تصبحي على خير حنونة

x ام رحاب x · 2017-11-04, 07:38

السلام عليكم ورحمة الله وبركاته
اخواتي العزيزات واش راكم وسامحوني طولت الغيبة راني عارفة والله جاوني ضروف فوق طاقتي ماقدرتش ندخل وتوحشتكم بصح الله غالب
امينة الشطورة الفحلة بصحتك الكوزينة والعتبة الجديدة ربي يجعلها فاتحت الخير عليك يارب وايناولك واش راكي متمنية باذن الله تعالى
ماراجعتش شفت الكسكس من يدين الفحلة ام هدول ربي يبارك في صحتك حنونة تسلم ايدك
ريمة كلش تحفة الله ايبارك والفزورة انقولو في الجلفة النبق وزيدي نقطة الثالثة فوق القاف
ام فاطمة امممممممممممممممممم على الاطايب الحلوين تسلم ايدك
انراجع شوية وانولي

أم فاطمه · 2017-11-04, 07:45

السلام عليكم لبنات صباح الخير والهناء والبنفسج

امينة وطيور كيف صبحتو مع لقريب اتمنى تكنو يخير
ام يوسف نوم الهنا
تفضلو جبتلكم القهوة والملفاي ولمونة بصحة ياحلوين

.

طيور الجنان · 2017-11-04, 07:52

صباح سعيد يالحراير.
ام يوسف ايه المسمن و المحاجب تقدري تبليهم في الليل و الصباح تخدميهم تلقاي العجينة طلقت روحها جيك ساهلة.
ام هدول شكرا على النصيحة حبيبة.بصحتكم الكسكسي .واش احوالها الكتكوتة اليوم ان شاء الله تكون ريحت.
ام فاطمة شفتي النت ساعة ساعة ظيرها بينا خخخخخ بصحتكم واش حطيتي ربي يدوم النعم .
ملاك نقولك انا البطبوط ماعنظيش وصفة باينة ندير ثلاث كيلات فرينة بكيلة دقيقة و الخميرة و السكر و الملح عيني ميزاني.
ريمة اختي ماشاء الله على الحلويات هاااايلين و الماسيدوان تزيينها عجبني بزاف.

x ام رحاب x · 2017-11-04, 07:55

هادو شوية حلويات باروك الكوزينة الاحلى فحلة تستاهلي

x ام رحاب x · 2017-11-04, 08:00

اقتباس:

المشاركة الأصلية كتبت بواسطة fadila34

هاني جبتلكم البواك التركي لي قالو عليه زالزال الفيس بوك لمزيا منيش فى الفيس بوك ححححح انا خاطيني انا عشقي غير الجلفة برك هههههههههه

اقتباس:

المشاركة الأصلية كتبت بواسطة طيور الجنان

اليوم بقينا شبعانين من التليتلي العشاء درت بطبوطات ههههه حشيتهم بالدجاج و الفروماج و الطماطم خفاف ظراف و فريت و الحمد لله.

بصحتكم راهم ايشهو تسلم ايديكم

طيور الجنان · 2017-11-04, 08:01

ام رحاب هاذي غيبة على الكوزينة ان شاء الله تكوني في احسن حال.
ام فاطمة يسقسي عليك الخير و الهنا انا السعلة مازالت ربي يشفينا و الحمد لله على كل حال . راني ديت الميلفاي باه نفطر و راني جبتلك البديل تفضلو الصورة من الارشيف طبق الاصل درتها دوك الصباح

طيور الجنان · 2017-11-04, 08:03

يسلمك اختي ام رحاب. الله الله عليك خدمتك متقونة و متحوفة يعطيك الصحة.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري