الجزء 183 من واش طيبتي اليوم كوزينة القلب الصافي و الذراع الوافي

[أمنية غفران]

سحوبتي اسمحيلي ما علقتش على كيكتك خرجت لك هايلة بصح ما قلتيليش على رايك فيها عجبتك و لا شوي شوي

عاودتها طلبا من الجمهور على قول ام هدولتي بصح ساهلة تم تم نوجدها ههههههههههه

البنات راكم غياب معليش ما نمركيكمش نخليكم اليوم ترتاحو راكم روبو من الكوزينة هههههههه

تصبحون على ما تتمنون حبيباتي

[ام هدول]

صحة عشاكم لبنات....كان غدايا لوبيا....لي بقات سخنتها....ودرت معاها كسرة الشحمه...ِ اسم على غير مسمى...لانها مافيهاش
الشحمه فيها التونه والزيتون وبقيه االحشو....





ايا تصبحو بخير....غدوة ان شالله....
سعيدة شكرا على الوصفه المجربة والناجحه....
اهلين سحابة ِِِِطيموشه هادي غيبه...ام فاطمه....رائعة الصور المعبرة....بصحتك امينه الكيكة امممممم....

[أم يوسف2]

صباح الخير عليكم وشراكم
البارح كنت راح نوضكم علزوج تاع الصباح وخفت تتخلعوا كنت نبكي مضروسي راني بالدوا والسطر دار حالة

[أم يوسف2]

وحدة ماناضت راني وحدي ندور نتمنى تكونوا بخير يارب.
بصح كامل لي دخلوا ماشاء الله طيابكم روعة وتزيينكم للطبق فن
امنية يعطيك الصحة علمتيني التشيشة المفلقة شحال كانت تهدرلي عليها عجوزتي بصح ماشفيتش ادا نفس التحضير

[أم فاطمه]

السلام عليكم



صباح الخير و البركة واليسمين عليكم حبابتي الغليين الحلوين

ام يوسف صباح الفل سبقتني اليوم الضرسة نوضتك الله يكون في عونك اقلعيها وتهناي عزيزتي الله يشفيك

[أم فاطمه]

تفضلو امينة حطي القهوة رني جبت القطو

[أم يوسف2]

ام فاطمة الكيكة تشهي يعطيك الصحة
ياختي ضرسة مانشرب الدوا
ونجي نحيها تزيد تتنفخ وتمرض

[ام هدول]

شميت ريحت القاطو جبت قهوتي فب يدي وجيت نجري امممممم....
يهبل ام فاطمه يعطيك الصحة نتقهوه ونبدى اشغالي لغده مازلت ماتاقيتوش....سلامي للجميع....
ام يوسف.احخخ من ااضرسه يسموها الم النجوم تبيتك ساهره للنجوم....

[nihal159]

صباح الخير لبنات؛ شفت طياباتكم الله يبارك مالح و حلو ماعندي مانقول ربي يدوم النعمة.
أنا صوّرتلكم همبرغر بالتفاصيل و عيش درتو عشاء أول نوفمبر ههههه لكن ماقدرتش نكونكتي بالطابليت؛ ماحبّش يفتحلي المنتدى و يقوليsite non sécurisé، كل يوم تخرجلنا حكاية جديدة.
راني نكونكتي بالميكرو تاع الخدمة؛ إن شاء الله يتريقل هذ المشكل.
لي صرالها نفس المشكل تقولي كيفاش دارت؟؟؟؟؟؟

[أم يوسف2]

ليوم فطوري عدس
وشلاظة مع مندرين

[أم يوسف2]

ايه ام هدول مرانيش قاع نمضغ راني غير نعقب

[أم يوسف2]

يايما سرقولي صحاباتي هههه وين راكم وين رحتو راني ندور غير وحدي

[Fifilondon]

السلام عليكم لبنات
صباح الخير ام يوسف لاباس عليك من الضرسة ربي يهنيك منها وبصحتك العدس
ام فاطمة صباح الخير والله كيكة هايلة يعطيك الصحة
ام هدول واش راكي واش راهم البنات وبصحتك القهوة
نيهال اهلا واش راكي ان شاء الله يتنحى هاد المشكل انا نكونيكتي من التلفون كل مانجي ندخل ايطلعلي تحذير
راجعت شوي شفت بلي رزيقة دخلت وجابت معها جاجة حمرة هههه بصحتهم الضيوف
وختى حيلة جات وجابت الخير الخمير الله يبارك
طيور الجنان شفتهم يقلولم سعيدة ادا مانيش غالطة
فطوري ليوم ارز بالخضر والله ماني نصور مع الوقت قع مكاش ان شاء الله كاش مانلبز الابام القادمة رح نصور ونحط في اىكوزينة
امنية ربي يعينك يعطيك الصحة على الوصفات

[ام هدول]

مسالخير لبنات....صحة غدا كم...
انا شويه بنتي الصغيرة ماش قادره راهي تدللل...وتعاف في الماكله ناكل هدي ومانكاش هادي ...الخ....درتلها عسل حرة مع عصير االليمون...عجبها....مع شمعات نع الساخنه...دكه.لاباس بصح لاصقه فيا....خممت شويه وليت درت عيش سخون بالخضار الطاطا ولجريوات والسناريه..والكابويا....والحمص..الخضرة ريحتها سع باش يكلوها....ووظدنا شويه هريسه..حارة...اممممم قضية عليه في لحضات والحمد لله
دكة راني مع تمارين ومسائل في الرياضيات...وععععع
لعشه..لبنات تفاهمو مع باباهم يديرو لبريك....ربي يسهل عليهمِِ.هناوني...خخخخ
هادي كانت قصة حياتي..ههههه

[حياة نور الدين]

السلام عليكن
واش راكم خياتي كل واحدة باسمها
كل عام والجزائر بخير والله يبارك زهيتوا الكوزينة ماشاء الله

ام فاطمة الكيكة تهوس والتزيين روووعة كما تزيين الكسكس كان هايل وكما كل اطباقك يعطيك الصحة عزيزتي

اموهدول اطباقك روووعة وفرحت بزاف بالخفاف جاك هايل ولاباس على بنتك ان شاء الله وراه امنية حطتلك وصفة التارتولات

فيفي اهلااا اختي وبصحتك الارز وراكي نسيتيني وزعفت هههه

امنية يعطيبك الصحة على الاطايب والوصفات الرائعة وتشيشة راني حكيتلك في الموضوع ههه شكرااا

سحابة من فضلك كي تدخلي حطيلي تطبيقك للبيتزا مقدرتش نراجع كل الصفحات وكيكة التفاح رووووعة يعطيك الصحة

طيور الجننان حنونة الوصفة لي حطيتي هايلة ومافيهاش تعب شكرااا لك وراكي منورة اختي