السلام عليكم و رحمة الله تعالى و بركاته
حبيباتي راني جيت نطل و نصبح عليكم من الخدمة و نقول ليكم البارح ما حبش قاع يتفتح لي المنتدى راها تصرالكم هاكة مين داك ؟؟؟؟
عشانا البارح كان مثوم جاونا ضياف خفاف ههههه لعشية نحط الصورة إن شاء الله
...................
البنات يعطيكم الصحة على الأطايب كل وحدة بإسمها ياك
.................................
بيسو بالنسبة للكيك العادي درت فقط باكي خميرة الحلوى و كي شفتيه مبنبن (ديري p في بلاصة ب)
هاكاك فقط المول صغير هادا ماكان درت فيه زوج حبات بيض كاس ماشي مليان سكر و كاس ماشي معمر زيت فاني و خلطت بالباتور مليح حتى ذاب السكر و ضفت الخميرة و الفرينة أنا نستعمل ماما رقم 45 حتى تولي العجينة شوية ثقيلة نديرها في لمول مدهون بالزيت ومرشوش بالفرينة و يطيب عادي
وبالنسبة لتصغير الصور شوفي هنايا في كوزينة سحوبة المشاركة رقم 44
https://www.djelfa.info/vb/showthread...2090644&page=3
بالنسبة للعدس الأحمر يعجبني هايل أنا نديره ديما حساء أحسن بصح نطيبه بالطماطم خاطرش لونه كي يطيب ماشي شباب هههههههه من بعد نحط لك صورته و نعتيه لماماك
........................................
أم هدول شوقتيني على البنوتات واش قالو لك إمممممم راني نتسنى ربي يحفظهم و تشوفيهم في أعلى المراتب يارب
المادلان خرج لك روعة راه عندي الرب بالاك نديره هاد ليام
و الشخشوخة روعة راهي هي تريدة إلي تجي مقطعة مربعات صغار ياك
بيان هايلة الكيكة إلي حطيتيها و شكرا على المقادير المضبوطة بصحتكم
فيفي هاديك دوبارة ياك راها تشهي و عجبني الطبق إلي راهو تحته هايل بصحتكم
حيوتي عشاك يشهي سيرتو قالات إمممم بصحتكم
بريتي مردود يشهي بصحتكم إن شاء الله راني رايحة نديره بطريقة رزوق رايحة نطبقه حرفيا برك مازال مالقيتش هاديك لوبيا لعيونها زروقة لا لا كحولة هههههه
https://www.djelfa.info/vb/showthread.php?t=2098376
رزوق الكعك يشهي بصحتكم قولي لي تخليه يخمر مرة و تكسريله الخمور و يزيد يخمر
أختي ديما مرحبا و نتمتعو بطيابك
حبيباتي هاكم صورة وصفة تحليه بسيطة بساطة أمنية خدمتها لعيون ملوكة
أخواتي الغائبات ربي يعينكم
أيا البنات إلى الملتقى
السلام عليكم
( تقرير عن مشاركة سيئة )، و الموجودة أسفل كل مشاركة .
2017-09-28, 09:31
.gif){kind=icon}
العرض المتطور
