دورة " ربات بيوت واثقااااااات"

[ام شمسو محمد]

تجملي في 15 د



اول حاحة ديري دوش خفيف..... حضري الملابس من الليلة السابقة .....ادخلي للدوش استعملي ببساطة جل دوش ....شعرك مش ضروري تغسليه كل يوم ...اذا كان دهني يوم بعد يوم على الاكثر....و اذا كان جاف مرة الى مرتين في الاسبوع ..

خذي وقتك في غسل الاسنان ...استعملي فرشاة و معجون ملاح

اغسلي وجهك ...اذا كانت بشرتك دهنية استعملي منظف مناسب ....اذا كانت عادية ديري غسول يومي ...اذا كانت جافة استعملي منظف مرطب ....مهما كانت نوعية بشرتك ما تستغنايش على الترطيب ...

البسي حوايجك ...زيدي بعض الاكسسوارات ...سنسلة باهية ...اساور ...براسلي على الموضة ...هذا يبين بلي بذلتي جهد ..

اذا ماكنتيش تستعملي ماكياج ...ما تتخلايش على المرطب المناسب

اذا حبيتي تستعملي ماكياج ابداي بكريم ترطيب خفيفة او فوندوتان ...زيدي الغبرة اذا كانت بشرتك دهنية ...مري للبلاش ...ثم انتقلي للعيون ...الايلينر يدي الوقت تقدري تتجاهليه خير ما ديريه بسرعة و يعطي نتائج غير مرغوبة ...مشطي رموشك و حطيلهم ماسكارا ...و مري للشعر

هذا بالتاكيد مش وقت مناسب للتمليس او التجعيد ...يكفي تمشطي شعرك و ترتبيه ....اذا كان طويل ديريلو ذيل حصان او شينيون ...واذا كان قصير مشطيه و ديريلو اكسسوار وردة او بوندانا باش يبان بلي عطيتيه اهتمام ...