العافية يارب العالمين

[dali rami]

المشاركة الأصلية كتبت بواسطة زبدة ذايبة

وش بيك ياطفلة ؟؟؟؟؟؟


وش هذ النظرة السوداوية اللي راكي تشوفي بيها والديك

ياهل ترى هذا جزاؤهم اللي رباوك وقراوك وفي النهاية تجي تكتبي هنا وتشتكي منهم ؟؟؟؟؟


تظني كي راهم رايحين يزوجوك راكي رايحة تكوني عند زوج يقدرك ويوفرلك كل حاجة تحبيها !!!!!!!!!!!!!!!!!!

على خلفية القاعدة أهدر يحضر ؟؟؟؟؟؟

لو كان جاو يشكو فيك. والله غير من الباب ماتخرجيش

لكن طموحهم تقراي انت وخياتك وتوصلوا لمراحل عالية من الدراسة

هذه أوهام راكي عاشتها يا بنتي

الحياة قاسية وصعبة جدا

والديك خايفين عليكم من نوائب الدهر

على هذا راهم مصرين أنكم ماتتزوجوش حتى تقراو وتنجحوا

راهم دايرين مجهودهم على جالكم باش تنجحوا في حياتكم

وراهم يشوفوا ماكاش أحسن من سلاح العلم لازم تتسلحوا بيه

الزواج والزوج بقدر ماكان رائع وتتمناه النفس إلا أنه ماراهوش نعيم صافي

فيه من المشاكل اللي يشيب الراس

وفيه من المشاكل مايكون الحل سوى الطلاق

وفيه من المشاكل حتى الطلاق ماتقدرش تتحصل عليه

وفيه من المشاكل حتى لوكان تطلقي ماتسلكيش

والديك حبوا يوفرولكم كل حاجة تكون سبب في إسعادكم وهذا بأن يجنبوكم الزواج السيء

وين راهم الرجال اللي راكي تفكري تتزوجي بيهم

( مع احترامي الخاص والخالص لكل رجل صالح)

شوفي في الشارع حال النساء تعرفي إذا عندنا رجال أو لا

وش من نوع رايحة ترتبطي بيه وتتزوجي بيه ؟؟؟؟؟

كيفاش تقدري تعرفي الرجل الصالح من الطالح

انتيا والديك اللي رباوك راكي ماتعرفيهمش وراكي شاكة فيهم ، وتشتكي منهم

وزيد راكي مقتنعة تمام الاقتناع أن والديك ظالمين ومايحبولكمش الخير

والراجل اللي تتزوجي بيه هو السعادة المطلقة ليك !!!!!!!!!!!!!!!!!!

انتيا قاعدة تفكري هات نتزوجي وخلاص ، وهات راجل واقطع الشك !!!!!!!!!!!!!!!!!!!!!

هذا التفكير اللي خايفين منو والديك على هذا راهم غالقين عليكم

المجتمع يخوف، والفساد كثر ، وأشبه الرجال كثيرون

الخيانة الزوجية والعلاقة الآثمة إلا من رحم الله

وين راكي رايحة ؟؟؟؟؟!!!!!!!!!!!!!!!!!

كل هذا ماراكيش حاسبة حسابه

المهم تعيشي بحرية، والمهم اللي يجي لعند بابك يقبل بيه وخلاص

الزواج صعيب، وماشي مهم تتزوجي وخلاص

لازم يكون الرجل صالح، لازم يكون فيه مواصفات معينة باباك هو اللي يعرف إذا يصلح الرجل أو لا

وأمك هي اللي تعرف إذا كنتي تصلحي للزواج أم لا

ممكن فيك عيوب كثيرة تعلمها الأم تخليك ماتصلحيش للزواج في هذا السن

السن مايعنيش بالضرورة لازم تتزوجي

ممكن ماراكيش قادرة تعيشي مع رجل وتتحملي مسؤوليته


وزيد تروحي لدار الناس كاين لعجوزة ، وكاين عرايس أخرين ، وكاين خواتات الزوج


وش تظني أرواح ودير العرس !!!!!!!!!!!!!!!!

قال تزوجتي وخلاص !!!!!!!!!!!!!!!!!!!!!!!!

واحد مايحبلك الخير قد الأب والأم

نحي من بالك هذ الأفكار السلبية عنهم

انتيا ماراكيش قادرة تفهميهم وهذي مشكلتك انت

حاولي تتقربي ليهم وتتفهميهم وتكوني حنينة عليهم

مستحيل يكونوا والديك فيهم الشر، ويحبولكم الشر

قد مارايحة تقنعيني مانتقتانعش

انت حابة تتزوجي هذي مشكلتك

حابة الحرية هذي مشكلتك

لكن تتوهمي أنهم والدين معمرين شر مستحيل

حتى في القرآن اللي رب العالمين أشار فيه لأمور كثيرة نفسية في الإنسان

نلقاو أن الله عزوجل قال : ووصينا الإنسان بوالدي حسنا "

يعني الأبناء ربي وصاهم على والديهم حتى يحسنولهم ، وماوصاش الوالدين على أولادهم لأنه حب الوالدين للأبناء فطرة في الإنسان

مايسحقوش الوالدين يقولولهم الناس تهلاو في أولادكم

بينما الأبناء جات الوصية من فوق سبع سماوات

اخزي الشيطان يا طفلة

واستعقلي واستغفري

وعاودي شوفي لوالديك بنظرة أحسن من هذي

نظرة حب واحترام وتقدير

عوض ماراه نظرك في الزواج والارتباط بأي رجل كان مهما كان ومهما كان الثمن

ردي بالك تغلطي وتخوني والديك

وديري حاجة في بالك كي يجي المكتوب والله واحد مايردوا لا الأب و لا الأم ولا أي قوة على وجه الأرض

صافي ريحي روحك، والتهاي بقرايتك خيرلك

وبركايك من هذ الوساوس و الأفكار اللي ماعندها حتى معنى

تديك للعقوق ، وتديك للرذيلة ، وتديك لخسارة شرفك وعرضك وسمعتك

إذا تظني أن الرجال رايحين يحبوا المرأة اللي تعرض نفسها عليهم راكي غالطة

نزيد نعاود نقولك راكي غالطة 100%

السلام عليكم

تدخلك طيب أختي الفاضلة ومتألقة كالعادة

ولكن !!!!!!

أنت تتحدثين مع بنت وليس مع ولد يجب أن تعي أنه جانب السن يلعب دوراً في الزواج

حابة بنت الناس تدخل العنوسة من أوسع أبوابها ولا كيفاش ؟؟؟

+ أنت راكي تقولي والديها راهم على حق وهم على باطل لأنه يمنعون عن ابنتهم الزواح

هذه جريمة في حق ابنتهم والله جريمة

الرسول الأكرم قال في الحديث عن الزواج : إلا تفعلوه تكن فتنة في الأرض وفساد كبير ، هل عرفت عواقب تعطيل سنة الزواج في المجتمع الإسلامي

هل تعرفون خيرا من معلم البشرية ؟؟ امالا الزواج فيه مشاكل حنا مانتزوجوش نقعدوا هكا ووسايي ، قولي بربك أختي هل هذه نصيحة ، هل تنصحين الأخت أم تؤدين بها للعلاقات المحرمة وعواقبها ووو

أنا مع إتمام البنت لدراستها العليا ويارب تلحق بروفيسورة وليس دكتورة

ولكن !!!!!!

المرأة خلقت لتكون أما ، هذه سنة الله في خلقه ،

لا يمكن بالمطلق أن يكون العمل أو المال أن يعوض ذلك الجانب الراغب في الحصول على لقب أم ، هذه هي الحقيقة وأنت تعرفينها بكل تأكيد

++هناك أمر آخر ، أنت تتهمين كل شباب الجزائر بالانحلال الخلقي وتدني مستواهم ، من قال لك ذلك ، قولي لي

لا ينقطع الخير من أمة محمد ومازال هناك شباب صالحون أتقياء أنقياء وهم في تزايد ولله الحمد والمنة

للأسف أستاذة زبدة ذايبة ، أنت لا تنصحين الأخت ونظرتك قاتمة وسوداوية للموضوع وتصورين الزواج وكأنه دخول لسجن كبير وتعطلين شرعا وسنة من سنن الله في خلقه وهنا أقول لك قد أخطأت وحتى واحد مراح يأخذ برأيك ، أنا لا أنتقد شخصك وإنما فكرتك عن الموضوع وتعجبني صراحة مداخلتك في المواضيع الأخرى ولكن نقول للمحسن أحسنت وللمخطىء أخطأت حتى نكون منصفين ولا نزعم أننا على حق !!

نرجع لموضوع الأخت الفاضلة ، إذن على الأقل نريد الوصول حل لمشكلتك أختي ، فلتقترحي أختي على والديك إتمام الدراسة وإن جاء خاطب يوافقون بشرط أن تتمي الدراسة وهكذا نصل لحل وسط للموضوع وترضين جميع الأطراف والله يكون معك ويرزقك بزوج صالح يتقي الله فيك ويصونك


والله المستعان ولا حول ولا قوة إلا بالله العلي العظيم !