يا أيتها الأم
راكي غالطة
بنتك طفلة صغيرة ماراهيش مراهقة
والمشكلة راهي فيك
انت تقولي أنا مارانيش معاها ولا ضدها !!!!!!!!!!!!!!!!!!!
انتي من كل هذ الحكاية وين راكي
طفل تاع 14 سنة يلعب بطفلة تاع 13 سنة !!!!!!!!!!!!!!
وين رانا عايشين ؟؟؟؟؟؟
ياك الإسلام جا واضح وباين
انت كأم
كيفاش راكي تقولي تحكيلي بنتي كلش وخليتيها لحقت لهذا الحد ؟؟؟؟؟
راكي تعرفيها مليح كيفاش خليتيها ؟؟؟؟؟
كنتي تعالجي المشكلة من البداية
كي بدات بنتك تحكيلك أن الطفل يبدى يعجبها ولا راه يدور بيها
لتم كنت تتدخلي على البكري قبل مايستفحل الوضع
كنتي تفهميها وتبينيلها أن هذ المشاعر عبارة عن وهم وأسبابها أنها بدات تبلغ وتولي أنثى
كنتي قادرة تتدخلي في البداية وتحسمي الموضوع
والوقاية خير من العلاج
بنتك بدات تكبر بينيلها أنه ما من شيء إسمه الحب
وضحيلها أن العلاقات مع الذكور ممنوعة
كيفاش تخليها حتى يولي ذري تاع 15 سنة يتمسخر بيها ؟؟؟؟؟؟
خاصة البنت وما أدراك ماتربية البنت
ساهل عليها ديرلكم راسكم في التراب بسبب اللامبالاة تاعك
فهميها ووضحيلها أن ماتشعر به نحو هذا الولد مجرد مرحلة انتقالية في النمو
وإذا كانت تشوف المسلسلات تاع الحب وتسمع الأغاني امنعيها
ماتخليش الأشياء اللي تزيد تشعل النار
إذا كانت تتواصل معاه امنعيها
والأهم من كل هذا هو انت لازم تقتنعي بأن ما تفعله ابنتك خطأ وخطر
المشكلة في المشكلة هذي أنك كنت مباركة للعلاقة وعلى علم تام بها راهي هنايا المصيبة
انت ماتحركتيش حتى خفتي على المستوى الدراسي تاعها وخفتي من نفسيتها اللي بدات تنهار أمامك
أما قبل هذا الوقت كنت تسمعي وخلاص صديقة سلبية
عاودي اجبري الشي اللي تكسر في نفسية البنت وكوني حازمة في هذ الأمور
وماتزيديش تشكري بنتك وتقولي عقلها كبير
راهي طفلة صغيرة وماتعرفش صلاحها هذا اللي وخذك ظلي تقولي عقلها كبير
حبيتيها تكبر بالسيف قبل الوقت وخليتيها من غير توجيه
حملتيها مالاتطيق
لازم انتي كأم تكوني الدرع الواقي ليها ولباقي أبنائك
تحفظيها من تجربة مشاعر قاسية وحتى نهاية هذ المشاعر وش رايحة تكون
يجي يخطبها مانظنش وغير معقول باباه يضربوا !!!!!!!!!!!!
وش هذا ؟؟؟؟؟
راكي مضعفة نفسك قدام بنتك حطيتيها في مكان أعلى وأكبر مماتستحق
ونحس وكأنك خايفة منها !!!!!!!!!!!!
انت كتبتي هنايا على خاطر غاضتك جرحلها الذري مشاعرها وخلاها وانت ماعرفتيش كيفاش تتصرفي
راكي مسؤولة عليها قدام ربي
علميها الصلاة، وحفظيها القرآن، وحذريها من العلاقة مع الذكور
ربيها على خوف الله وعلى التوحيد والتقوى
كي تربيها على هذ الأمور وين ماراحت ماتخافيش منها وماتخافيش عليها
ان شاء الله راكي فهمتيني
مانقصدش نجرحك بكلامي او بأسلوبي لكن مانحبش تكوني أما سلبية ماتقدريش تسيري طفلة تاع 13 سنة وتخليها لذري تاع 15 سنة
يلعب بشرفها ويلعب بمشاعرها وانت تشوفي وماتغيريش على عرض بنتك
وجيتي تكتبي كلام حسيت راسي تكمش كي قريت الأسلوب اللي تكتبي بيه على علاقة آثمة بين بنتك وذري وكأن الأمر لايعنيك
بنتك لازم تخاف منك ومن باباها وتعرف أن في البيت قوانين وأخلاقيات لابد من احترامها
مصادقة الإبنة مايعنيش بالضرورة أنك تبقاي مكتوفة الأيدي
ماتكونيش أم سلبية تسمع وتستمتع وخلاص
في هذاك الوقت تولي انت ولا صديقتها اللي في المتوسطة نفس الشيء
ربي يهديك ويوفقك لتربيتها التربية الحسنة.
( تقرير عن مشاركة سيئة )، و الموجودة أسفل كل مشاركة .
2017-01-28, 13:14
العرض الشجري